يا زيينج يا دبي

توبليرون · 20-06-2016, 12:37 AM

السلام عليكم اخواني وخواتي

حبيت احط تقريري السابق في دبي
وان شاءالله يعجب من انظم لنا مؤخراا

وسامحونا على بعض التعليقات لأنها بتكون من ذيك السنة

حيااااااااااكم

يا زيينج يا دبي

السلام عليكم

في اخر شهر اكتوبر قررنا نسافر لدبي

انا وعيالي 2 واختي وولدها بو 4 سنين

شفنا حجوزات الطيران

لقينا ارخص شي طيران فلاي دبي طبعاا بالنت

ب21 دينار كويتي.......ما حجزنا لحد ما نتأكد من اللي بيروحون وهل مسموح لنا

من البابا والا لأ

المهم بعد ما وافق البابا

رحنا نحجز من المكاتب لان الفيزا عندي لاغيتها

الله يا المكاتب نصب واحتيال ههههههه

شوفو بالنت 21 دينار مكتب قال لنا 120 دينار للشخص

ونفس الطيران ونفس الوقت اللي احنا محددينه

ومكتب ثاني قال لنا 75 دينار للشخص

قالت له بنتي عندي يطلع هالسعر قال التاكس وغيره قالت له مع التاكس

مو راضي يقتنع

المهم طلعنا وقلنا خلاص اذا جئيه السعر ما يسوى كلها يومين

قالت بنتي ان عندها فيزا التعبئة تستخدمها للشراء عبر الانترنت
بتجربها ........جربتها ولقيناها نافعة قلت لها احجزي خلاص
حجزنا ....بس صارت اغلى نشوف كم صارت

الحجز من الكويت لدبي

الروحة ب 10,990 دينار كويتي

وهذه من دبي للكويت

الرجعة ب15,386 دينار كويتي

يعني المجموع يساوي

26,376دينار كويتي

المهم حجزنا وحجزنا الفندق بعدين اقولكم لي وصلنا معاكم لدبي

احنا للحين بالكويت

طيارتنا الفجر

مرينا بيت اختي واخذناهم ورحنا ووقفنا سيارتنا بالمواقف

نزلنا يوسف ولدي عند الباب

البوابة لمطار الشيخ سعد العبدالله

اللي يكون بس لطيران فلاي دبي

وهذا اول ما دشينا

للعلم احنا اخر ناس داشين المطار للرحلة هذه ههههه

كله من يوسف قعدنا وبدلنا ونزلنا وهو للحين ما بدل

علشان تعرفون اشلون البنات لما بيسافرون اشلون يلبسون بسرعه

وما يتأخرون

للعلم ليلتها ما نمت لاني كنت اكتب تقريري البحريني ونزلت 3 اجزاء

قبل سفرتي بساعه ونص

وهذا الكاونترات على اليمين

بمكان وقوفي هني على يساري صرافة المزيدي

فيه شخصين واحد نايم هههههه والله بسابع نومه

وصرفنا منه احنا اربعتنا صرفنا

الصرف من الكويت افضل لنا من الصرف بدبي جرينا بعد كم يوم يطلع اعلى بدبي

دخلنا مع تفتيش الشنط بالجهاز مثل كل المطارات الممنوع ممنوع

مثل سبراي يوسف اخذووه لان الشنط بندخلهم معانا كلها هاند باغات

وهني تشوفون بس كافيه واحد فقط

وهني تشوفون الجلسات مافي احد

بس ما مدانا دخلنا تكرمون الحمام والا نلاقي الصالة فاضيه

والا قالو يلا للطيارة

وهذه طيارتنا واقفه بمصافط المطاار قريبه جدااا قالو لنا صعدوا من الباب الامامي

شايفين وانا امشي اصور مو مخليني يقولون يلا

وطبعا اخر وحدة وبصور ههههههه

وداخل الطيارة اول شي عيونا على الشاشه

واحلى ارشادات مع ام خماس

للانستغرام قبل الأقلاع

اقلعت الطيارة واحلى منظر نشوووفه ربي يحفظج يا أغلى بلد

يا كويت

وسفرت الدنيا ما شاءالله

مراحل شروق الشمس

وطبعا خلال هالتصوير

كانت العربات تتجول بالطيارة

وهذه المجله او المنيو للطيارة

يلا اختاروو

شنو تشربوون

مادري ليش حتى البيبسي ما شربت

يمكن لاني متعشية عشووة حلوووة

العيال اشتروا

هذا يوسف ....كان معانا واحد

بس شاف الطيارة فيها اماكن فلضيه غير مكانه .........الف شكر له

مع انه غير مكانه من عند الشباك وقال لي

تفضلي داخل اريح لك.......يدري اني احب الدريشة

وهني وصلنا الاجواء الامارتيه

ودعاية اكسبوو2020

الفال بفوز دبي بكرة ان شاءالله

ووصلنا

الباص اللي بينقلنا الى التيرمنال 2

السلم

سير الجناط

العربانات

المخرج

التاكسي

والاتصالات ......كلش مو شي

ما نفعنا بشي بسرعه يخلص النت والاتصال

وصباحكم احلى

لانها وصلت لي بنفس الوقت هههه بعد ما شغلت النت

وتابعوني

للفندق

Umhusoonأرسلت بواسطة بإستخدام Tapatalk

عامر الزعابي, عشقي السفر, MOBARKI و 1 آخرون معجبون بهذا.

توبليرون · 20-06-2016, 12:48 AM

بأسمى التهاني والتبريكات للقيادة الرشيدة ولشعب الإمارات

بمناسبة فوز دولة الإمارات باستضافة معرض إكسبو الدولي 2020 في دبي.

هذه صورتها بالطيارة

وحبينا نعرف شنو السالفة

والحمدلله سالنا وشفنا بالنت وتمنينا لهم الفوز

الف الف الف مبرووووووووووووووووووووووك

وتستاهل ديرة الطيبين هالفوز

ام كنت من المتابعين وقعدت اسال ام عيسى وبلغتني بالفوز

عساكم من نجاح لنجاح

عاد يلا اب هالباج

نتابع معاكم

بعد ما طلعنا اخذنا تاكسي ومشينا بشوارع دبي

الجميلة

اللي صادفنا طلعة الناس للدوامات والشارع مزدحم

والحمدلله ما طولنا وايد

ووصلنا لفندقنا وكان باول شارع الشيخ زايد

هذا سعر الفندق بعد عمل التشيك اوت

وشايفين ال 40 للمشتروات من الثلاجة واحد علبة سنيكرز وواحد ردبول

وهذه اول صورة للفندق

علامة الخمس نجوم

مدخل الفندق

من جهة ثانية

اقسام الفندق

ههههههه لاتعورون عيونكم ادري مو واضحة

هذه اوضح صورتها بالليل

لوحات معروضة باللوبي الكبير

وهذا اول ما تدخلون بتشوفونه والاستقبال على اليسار

هني تشوفون بعض صور من اللوبي وانا انطر عمل التشيك ان

اللي طبعا بيتاخر بس طلبنا منه ان تكون الغرف لغير المدخنين

وهذه وصية من اخوي عامر الزعابي لانه راح وشاف الفندق

وقال عن ريحة الغرف وبعد عن ريحة اللوبي

بس الصراحة اللوبي الحمدلله ماكان فيه روائح ......والغرف صار في غرفة البنات

روايح بس ينادون السيرفس يعطرون وجذيه والحمدلله بعدين مافي

وهذه غرف غير مدخنين فما بالكم بغرف المدخنين

بس احنا الحمدلله مافي ريحة

فطولنا على الريسبشن علشان يأكد على ان تكون الغرف قريبة من بعض

وغرف لغير المدخنين

نخل الزينة موجود بكثرة باللوبي

تكرمون دورة المياه باللوبي

نظيفة وحلووة ومرتبة

بعد ما دخلنا شنطنا آكد لنا على غرفة

وقال بس تجهز بيودون الشنط فيها وراح يتصل علينا

اذا جهزت قبل الساعه 12

بانتظار تاكسي ويوجد تكاسي خاصة للفندق

فرق عن التاكسي العادي بس 10 دراهم فكنا ناخذها الصراحة ولا ننتظر تاكسي ثاني

طلعنا رحنا مول الامارات علشان نتريق

ونتمشى وما يضيع الوقت علينا

هذا الاعلان ....مرة واحد بالانستغرام يطالبنا بمقاطعة البيبسي

علشان هالصورة

قلت له ليش المقاطعه مافي شي

قال ليش انتي ما تشوفين؟؟

الصراحة عقدني ليش يعني اقاطع بس لان صورة بنت على البيبسي؟؟

وحتى لو كانت مشهورة مافي شي عيب الاعلان

اول ناس احنا مفتتحين المول ههههههه

اخترنا هالمطعم

للعرض فقط

وهذا طلبنا

كريب بالجبن والزيتون والطماطم

ويوسف بالفواكه

وحمادة يشووقكم على الاكل

وهذا طلب بنتي ....فطور ماكدونالدز

بعد الفطور رحنا انا واختي

ستار بوكس نشحن تلفونها ونتقهوى ههههههه

يوسف وحمادة راحو يتمشوون بروحهم

كان يوسف بيبي سيتر وايد زين ههههههه

لا لا بس لان حمادة يحبه ويحب سيارات السباق مثل سيارة يوسف

فهو مصاحب يوسف وراحو شروا سيارات سباق

من محل الالعاب...حق حمادة ويوسف اخذ سيديات من فيرجن

بعدها تمشينا

واخذت شريطة من دبنهامز

ربي يشافي بنت خالي وجميع المرضى بهذا المرض

مطعم وانت واقف تاكل

ما يصلح لنا ابداااااا

Umhusoonأرسلت بواسطة بإستخدام Tapatalk

عامر الزعابي, عشقي السفر و MOBARKI معجبون بهذا.

توبليرون · 20-06-2016, 12:54 AM

هذا الاعلان كان
معروض بكل مكان من المول

بس للأسف ماكان له فعالية تذكر

بسبب اللبس الغير محتشم من الجنسيات الاجنبية والعربية

اتصل علينا الفندق وقال في غرفة جاهزة

طلعنا من هالبوابة ...عرفتوا وين

وضيافة قهوة عربية
وتمر بالمكسرات

هذا كان فندق كمبينسكي اللوبي مالهم

طلعنا واخذنا تاكسي الفندق

رجعنا من المول

البساط الاحمر

وكنا خلاص دايخين ندور الفراش

مثل حمادة شوفو

ننتظر شنو يصير على التشيك ان اللي طالت سالفته

المصاعد والجلسات لانتظار المصعد

خلف الاستقبال

صعدنا غرفتنا وكانت بالدور 26

طابق الكلوب

الممر بين الغرف

وغرفة وحدة لحد ما يجهزون الغرفة الثانية

وهذه في الدور عند الغرف

وهذه غرفتنا ....صورت بسرعة لان النوم كابس

المكتب على يسار الباب

تكرموون الحمام

قسم البانيوو والدش على اليسار

هذا قسم التواليت على اليمين

شامبوهات مميزة برائحة العطور

كانه بخور

مغسلتين

الحائط الزجاجي للحمام

وفيه ستارة

في خزانات بالحمام

هذا يفتح بابها للغرفة .....يوسف يستعبط على حمادة يدش ويطلع منها ههههه

تلفزيون الحمام مكانه خطا مقابل للمغاسل

ولا له علاقة بالبانيوو ...ولا شسمه

وهذه خزانه عند الباب للملابس

وهذه الحقيبه فيها كنبل ومخدة سبير

وهذا الباب وطريقة التنظيف في ليت بالخارج

خريطة الفندق

سجادة الصلاة

وهذا المطل من غرفتنا

ها الشعر عقدنا ما عرفنا نفك الخط هههههههه

يوسف كل يوم يقول يمه تعقدت شنو مكتوب ههههههه

يلا فكوووهاااااا

التلفون وجهاز المناداة لكل شي

حتى ريموت الكنترول مال التلفزيون

تلفزيون والكبت .......والباب اليمين هذا اللي يفتح على الحمام

اللي فيه روب الحمام

وهذا الباب اللي على اليسار

والخزانه فادتنا نحط الاجهزة فيها مثل الايباد

وراوتر يوسف وجهاز تلفون له

تحته الثلاجة

وهذيل عند المكتب

الاستشوار

وهذا مقابل الشباك السقف

وهذا اللي تحته

تحية من الفندق بأسمي يا ناس

نمنا وقعدنا بالليل مغارب يعني

والبنات حصلوو لهم الحجز للغرفة ...وراحوا ناموا بعد

نكمل معاكم بعدين

اتريوووووني

يعني انطروني على قولة اخوانا الاماراتيين

Umhusoonأرسلت بواسطة بإستخدام Tapatalk

عامر الزعابي, عشقي السفر و MOBARKI معجبون بهذا.

توبليرون · 20-06-2016, 01:00 AM

السلام عليكم

حبيت احط لكم اجزاء الفندق كلها

طبعاا اللي انا صورتها بس

وبعدين نكمل التقرير

الفطور بمطعم الميزان بالدور الارضي

طاولتي واطباقي

انا اكون اول وحدة بعدين اييون بنتي واختي

البوفيه الصور بتشوفونها مهزوزة او غير واضحة

لاني مستحية اصور وبعدين المطعم زحمة

والبوفيه صاير بنص الناس

بالوسط

اشرايكم بصورتي ههههههههه
حلووة بدون راس

خلية النحل بكبرها يايبينها
للعسل

شفتوووووا اشلون استحي اصور

صورت شويه خلال يومين

وهذا كان بوقت الضحى اخر يوم لما كنا نسوي التشيك اوت

كافيه اللوبي

وجلسة شرب الكابتشينوووو

حمام السباحة

والصالة الرياضية في الدور الرابع

مكان السبا

Umhusoonأرسلت بواسطة بإستخدام Tapatalk

عامر الزعابي, عشقي السفر و MOBARKI معجبون بهذا.

توبليرون · 20-06-2016, 01:11 AM

الصالة الرياضية

هالصورتين تصوير يوسف

لان فيها رياييل استحيت ادش

الى حمام السباحة

بالمساء

وهني الصور في النهار

الماي نظيف

كان تصوير الريوق وحمام السباحة ليومين

والحين بعض الصور للفندق

والغرفة

مدخل مطعم

المدخل لقاعة الحفلات بالاسفل وفيه النافورة تبين

وفي بعد مصاعد

الرسيبشن خلف النخلة

وتقهووووو عند حمد ....شاب مصري طيب

ربي يوفقه

الريسبشن

عند المصاعد في طابقنا

باقي صور للغرفة

توضح المكان

وهذه المصاعد

ازرتها

رايحين للرابع

علشان اصور لكم حمام السباحه

مطل الغرفة الثانية احلى من مطل غرفتنا

وهذا مطل غرفتنا

وفي الفندق دايما اشوف ندوات

لان وايد نشوفهم وبيدهم ملفات نفس الشي

وفي اول يوم تمنيت هالشي عندي هديه من شركة البيبسي

كل واحد عنده شنطة مليانه ههههه

عليهم بالعافيه

وفي الليله الثانية واحنا راجعين المغرب شفنا

حريم من الجالية الهندية

سالنا صاحبنا راعي القهوة العربية

قال ان في عرس هندي

استانسنا انا واختي قلنا بنروح نعزم نفسنا هههههههههه

والا طلع مو عرس لا طلع حفلة

ديلاوي

هذه النافورة بالباب الثاني عند القاعات مزينة بالورد

نزلنا بغيناهم يشوفونا ويدخلونا هههههههههههه

طلع طناش غير طبيعي هههههههههه

بس مرينا من الباب والا تصوير وشغلات حلوووة واكلات هنديه

وغير كشخة الهنديات

والورد على السلم وغيرها

بس ما صورنا تحت شي لان فشله

خاف يقولون لنا اشعندكم بعد بروحهم ما عزمونا

وهني ننتهي من اقسام الفندق

ونشوفكم ان شاءالله باجزاء الطلعات والاكل ههههههه

تابعوني

Umhusoonأرسلت بواسطة بإستخدام Tapatalk

عامر الزعابي, عشقي السفر و MOBARKI معجبون بهذا.

توبليرون · 20-06-2016, 01:13 AM

السلام عليكم

نتابع معاكم

بس بنظل في اليوم الاول طبعااا

تذكرون عقب ما رجعنا من الامارات مول

اخذنا لنا غفوة ساعتين تقريباا او ثلاث ما اذكر الصراحة

قعدنا بعدهااا قررنا نروح دبي مول

وبعد الف محاولة للتصوير الفاشل طلعنا بكم صورة للبرج ودبي مول بعد

ودانا جهة الباب الرئيسي

بس قلنا نبي عند البرج

يمكن تلاقون صورة حلووة تعجبكم

ماكوو فايدة انا والبرج نوو قوود بيكتشر

تعشينا في مطعم كرم بيروت

ضيافة المطعم

ما لقينا مكان برة صارت قعدتنا داخل بس مو داخل المطعم لا مكان مغطى

كأنه بره بس معزول عن الشيشة

وهذا داخل صورته من مكانا

الكبير كبير

خضروات طازجة غير مقطعه انت قطعها ههههه

ضيافة المطعم بعد مو احنا طالبينها

طبق مسعئة باذنجان

ورء عنب

الخبزات

كبة وربعها

بطاط بالفلفل

حمص باللحمة

مشويات مشكلة

الاكل لذيذ وما شاءالله وايد وكفانا

السعر ماعلمتنا بنتي عليه لانه على حسابها

وهني طلعنا عند النافورة والعيال راحو يشوفون لنا فيلم بالسينما

ولازم فيلم يقدر يدخل حمادة معانا

وانا واختي تمينا نتمشى ونصور النافورة

والحمدلله وقفت عندها لاني احب القعدة عندها

وهي المرة الوحيدة اللي قعدنا عندها بهالسفرة

ورحنا لهم بالسينما طلع في فيلم

خيالي بس حلووو فكرته تضحك

وابشركم ما عرفت اسم الفيلم سالت اللي معاي قالو الاسم بس ما استوعبته عدل ههههه\

لحظظظظظظظظظظظة
الله يحبكم كا يوسف وبسأله

قال اسم الفيلم

ub ad down

هذه صور من النت للفيلم علشان تشوفون فكرة الفيلم

الفيلم يتكلم عن سنه من سنوات المستقبل

وفيها تكون الارض خرابة وفيها ناس تعمل وتكدح بالنفط

وفي انبوب كبير او مصنع يربط الارض بعالم ثاني فوق بيئة حلووة وهواء نقي

واللي تحت مساكين تلاقي اشكالهم والارض وبيوتهم كلها ملووثين

الانبوب الكبير عبارة عن مصنع اسياده من العالم اللي فوق

ويشتغلون فيه من اللي فوق بمكاتبهم واللي تحت بمكاتبهم اللي مقابله لهم

في ولد حب بنت من فوق طبعا كان يتامل فوق وصادفها

وشافها وكلمها وتعرفت عليه وحبو بعض

عاد تعرفون بعدين اشلون يحاول يروح ضد الجاذبيه الارضيه

يدورها واشلون اهي توصل لعنده

شوفو الصور

وهذه المدينتين متقابلتين

هذه مكاتب الشركة فوق وتحت هههههه

ترى تقدر تكلمونهم وتعطونهم ويعطونكم بس ترفع راسك وتمد ايدك

وهني لما قابلها وتعرف عليها

وسامحونا

وهني بالسينما بعد ما طلعنا

طلعنا سييييييدا للبوابة التاكسي

وركبنا التاكسي للفندق

وتونا طالعين من المواقف وصرنا بالشارع

حرك حمادة ظفر اصبعه اللي صاير ازرق من تسكيرة باب قديمه

بس مرتفع الظفر حركه بدون ما يدري وقام يبجي قلنا مستشفى الامريكي

ورحنا وياريتنا مارحنا

وهني قطنا الباب الرئيسي

ودخلنا لحد الطواري

جدامنا 4 حالات بس

دخلوه غرفة فرز الاصابات كانها تضميد

وبعدين طلع

وانتظار وانتظار وانتظار

قعدنا تقريبا 3 ساعات

السبب دكتور واحد فقط ويدخل المرضى

ويقعدهم بالغرف وانتظرووا

والا لما طولوا قالت اختي خلاص خل نمشي

وهني نادووها مرة ثانية وبعدين

وبالأخير

ابرة رشة ماي فقط مااااي وضماد

ب600 درهم

قلنا له اشدعووة ليش اخذت هالمبلغ وانت ما سويت شي

وشفنا مكتوب انجيكشن ههههه

مالي خلق اكتبها بالانجليزي

قلنا له انت ماعطيته ابرة ليش كاتبين ابره

قال ابرة الماي هههههههه

انا واختي نطالع بعض ونضحك هههههه

لو ندري رحنا الفندق احسن

هههههههه

وهذا حمادة قام يسألنا كل يوم

اي مددس تبين

اقوله اللي مضمد

قال طاخ طاخ وموتنا هههههههه

وحتى لو اخترت الاصبع الثاني نفس الشي بيطخنا بيطخنا ههههه

يعني تختار المسدس اللي بيطقكك فيه

والى اللقاء في اليوم الثاني وووين رحنا

Umhusoonأرسلت بواسطة بإستخدام Tapatalk

عامر الزعابي, فيصل و MOBARKI معجبون بهذا.

عامر الزعابي · 20-06-2016, 09:20 AM

ها الشعر عقدنا ما عرفنا نفك الخط هههههههه

يوسف كل يوم يقول يمه تعقدت شنو مكتوب ههههههه

يلا فكوووهاااااا

اخذ الدليله من وصوف الدلائل - ولا كل من يركب على الخيل خيال

يعطيج العافية اختي ام حسين

اما فرق الاسعار فالتذاكر شي مش طبيعي

120 و 75 دينار وطلع عليكم 26.376 دينار

فعلا هذي فايدة الحجز عن طريق النت

متابعين معاج

فيصل, توبليرون و MOBARKI معجبون بهذا.

فيصل · 20-06-2016, 03:53 PM

لا هنتي أم حسين
صراحه سعر التذاكر مره رائع عرض مغري لو حق ليله وترد

توبليرونمعجبون بهذا.

توبليرون · 21-06-2016, 04:09 AM

اقتباس : المشاركة الأصلية كتبت بواسطة عامر الزعابي

ها الشعر عقدنا ما عرفنا نفك الخط هههههههه

يوسف كل يوم يقول يمه تعقدت شنو مكتوب ههههههه

يلا فكوووهاااااا

اخذ الدليله من وصوف الدلائل - ولا كل من يركب على الخيل خيال

يعطيج العافية اختي ام حسين

اما فرق الاسعار فالتذاكر شي مش طبيعي

120 و 75 دينار وطلع عليكم 26.376 دينار

فعلا هذي فايدة الحجز عن طريق النت

متابعين معاج

يعطيك العافيه على فك الخط

بس اعتقد اول بيت بيكون (( على وصوف)) وليس (( من وصوف ))
الاسعار فرق بالنت وبعد بنفس الوقت حجزنا
العروض حلووه والواحد لازم يستغلها

الحين ناوين على ييه لكم بس بعد افتتاح مدن الترفيه الجديده
وخاصه البوليوود
عليكم بالعافيه مقدما

MOBARKIمعجبون بهذا.

توبليرون · 21-06-2016, 04:14 AM

اقتباس : المشاركة الأصلية كتبت بواسطة فيصل

لا هنتي أم حسين
صراحه سعر التذاكر مره رائع عرض مغري لو حق ليله وترد

لا هان من قال

بوخالد الحين عيالنا قامو يروحون يوم ويرجعون
بنفس اليوم

يطلعون طيران الصبح
ويرجعون برحلات الفجر

وبهذه الاسعار

فيصلمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تشيرز استراليا ... هالو سيدني	آخـــرفـــرصـــة	بوابة استراليا ونيوزلندا	266	23-01-2021 11:17 PM
مطار سيدني بأستراليا	عين على السماء	بوابة استراليا ونيوزلندا	9	26-03-2015 02:17 AM