السلام عليكم ورحمة الله وبركاته


مبارك عليكم الشهر وربنا يتقبل منكم الصيام والقيام

احتاج مساعدتكم ومشورتكم في ترتيب جدولي إلى تركيا علما بأنها أول زيارة لي
ماشالله استفدت منكم كتيييييير ومن جد الواحد مايستغنى عنكم في اي تخطيط ناجح
قريت تقريبا اغلب المواضيع ودا اللي طلع معايا


( تاريخ السفر )
الاقلاع:
5/7 الرياض الى دبي ومن دبي الى اسطنبول
الاقلاع من الرياض 9 صباحا والوصول الى اسطنبول 8 ونص مساء

العودة:
17/7 اسطنبول الى دبي ومن دبي الى الرياض
مو متأكدة من الوقت بس اتوقع فالليل

الوصول والعودة من مطار صبيحة


( عدد الاشخاص )
انا وزوجي وطفلين اعمارهم سنة ونص _سنتين ونص


تم حجز التذاكر الدولية والداخلية
وتم حجز الاوتيلات بس مايمنع اذا تدوني رأيكم فيها لأنو في مجال للتغيير
وتم حجز سيارة للشمال التركي


( مخطط الرحلة )
من 5_9 اسطنبول
Booking.com: ظپظ†ط¯ظ‚ ظƒط§طھط§ظ„ظٹط§ - ط¥ط³ط·ظ†ط¨ظˆظ„, طھط±ظƒظٹط§
الفندق يهمنا فيه انو نظيف ومرتب لأنو أغلب اليوم حيكون برا
مرا يهمني رأيكم من ناحية المنطقة والفندق نفسو

من 9_15 طربزون
الوصول الى طربزون حيكون الصباح بدري تسعه او 12 مو متأكدة
Booking.com: ظپظ†ط¯ظ‚ ط¢ظٹط¨ط§ط±طھ - طھط±ط§ط¨ط²ظˆظ†, طھط±ظƒظٹط§
رأيكم جدا يهمني

15 _17 اسطنبول
اش رايكم اخد نفس الأوتيل الأول أو أغيرو


وأنا أقرأ التقارير والاستفسارات مرا احترت من ناحية هل أسكن جميع المدة المخصصة للشمال التركي في طربزون ومنها انتقل الى اوزنقول وايدر أو أوزع السكن ؟

البعض كان ينصح بتوزيع السكن على أساس الطريق حيكون متعب
والبعض نصح بالسكن في منطقة واحدة والانتقال منها الى المناطق الأخرى لانو توقيت السفر حيكون في زحممممة سياح فرشحوا السكن في طربزون

من وجهة نظري أشوف انو الطريق حيكون ممتع وهو تمشية بحد ذاتو بس برضو مانستغنى عن أرائكم ..


أتمنى تعطوني من خبراتكم ونصايحكم بخصوص دا الموضوع


دحين نجي لمخطط الرحلة بالتفصيل ..

( اسطنبول )
ان شالله وصولنا لها ليلة العيد حابين نصلي صلاة العيد هناك
السؤال هل في فعاليات حلوة في أيام العيد ؟
مدة وجودنا فاسطنبول حيكون تلاته أيام
وحابة أزور الأماكن دي : ( منطقة السلطان أحمد .. حديقة جولهانة .. جراند بازار .. السوق المصري .. رحلة في البسفور .. دولما بهجة .. اورتاكوي .. أولوس بارك .. منطقة تقسيم .. حديقة فلوريا .. مجمع استينا بارك .. منطقة سكوادور ..
ماأدري ادا في أماكن تانية كويسة تنصحوني فيها ؟


جزيرة الأميرات وبيرلوتي اللي فهمتو انهم مو على المدح وفي أماكان أفضل مينيا تورك ماادري البعض نصح فيها والبعض لا اش رايكم

( الشمال التركي )
حابة أزور الأماكن دي : ( حيدر نبي .. مطل بوزتبه .. مغارة تشال .. سلطان مراد ..شكرسو .. اكشبات .. هامسكوي .. قرية بوكوت .. قلعة زيل كالي ..
وبرضو ادا نسيت شي أو في أماكن أفضل ياريت تفيدوني فيها


بحيرة السمك قريت انو سلطان مراد ممكن تغني عنها ادا ماكان في وقت
معبد صوميلا ومغارة كاراجا البعض مانصح فيها عشان الطريق والجو وبرضو بحيرة سيرا جول




( التنقل )
في اسطنبول حيكون بوسائل النقل العامة واوبر
في الشمال التركي سيارة مستأجرة

سؤالي هل التنقل حيكون صعب بالمواصلات العامة علما بانو عندي طفلين وعربية؟





أتمنى ماأكون طولت وثقلت عليكم
وربي يجزاكم كل خير على كل شي بتقدموه لنا

قلل يوم في اسطنبول

وخلي الشمال ع الشكل الاتي

اخذ سياره من المطار

اوزنجول ثلاث ايام


ايدر يومين

طرابوزن يومين

ما شاء الله تخطيطك للرحلة جميل ورائع

بخصوص النقل العام قد تواجد صعوبة لانه بالمترو والترام يوجد مقاعد قليلة وانت معاك اطفال واغلب الوقت يكون فيه زحمة جرب مره مرتين اذا ما اعجب اخذ تاكسي

وبخصوص السكن بالشمال الافضل لك انت تقسم على منطقتين اوزنجول وتزور الاماكن القريبة منها وطرابزون وتزور الاماكن القريبة منها

السكن في اوزنجول لا يتفوت

بالنسبة لمغارة كاراجا جميلة جدا بس بعيدة شوي. اذا عدكم الوقت ممكن زيارتها بعد زيكانا ومطعم زيتاش.

درجه سياحيه

مشكور أخوي عالرد ماتقصر
بس المشكلة انو قد حجزنا الطيران الداخلي فما نقدر نغير فعدد الايام تبع اسطنبول

Gunner10


ماتقصر أخوي
أوزنجول أنا اترددت شويا من ناحية السكن فيها لأنو على حسب مافهمت انو فالصيف تكون زحمممة مرررراااا وانو طربزون تكون رايقة اكتر منها بس دا أكيد مايمنع انو لازم نزورها

ماجد القطري


جزاك الله خير أخوي ماجد
منطقة ايدر أكيد حاطتها من ضمن الخطة حتى أوردو مرا نفسي أزورها بس ماادري هل حتكفينا المدة ولا حيكون مرا زحمة الجدول

hazim b

مشكور أخوي عالافادة
وان شالله لو وقتنا سمح بنروحلها

طبعا جزاكم الله كل خير جميعا ماقصرتو

بس حابة اطلب طلب منكم وان شالله مااثقل عليكم

لو تعملولي جدول للأيام يعني الأماكن اللي جنب بعض والمهمة
على أساس أقدر أغطي أغلب الأماكن الحلوة واللي تستحق الزيارة فمدة رحلتي

ماشالله أغلبكم زار تركيا كدا مراا فأتمنى بجد تساعدوني
يعني اليوم الاول فاسطنبول وين أروح والتاني والتالت
وبعدين الشمال ادا سكنت فطربزون كيف أرتب جدول رحلتي هناك ومايضيع وقتي كلو فالطريق يعني الأماكن اللي اللي اقدر ازورها فنفس اليوم

وبخصوص اليوم الأخير في اسطنبول هل تنصحوني أسكن قريب من مطار صبيحة ؟
علما بانو طيارتي
من طربزون الى اسطنبول 16/7 الوصول 12 الظهر
ومن اسطنبول الى الرياض 17/7 الساعة 9 ونص الليل

يعني تقريبا عندي يوم ونص اسكن قريب المطار ولا ارجع لمنطقة السلطان أحمد؟؟



ادري طلباتي كتيرة وانتو ان شالله مابتقصرو معايا والله يجزاكم كل خير مرا تانية