التأخير في الفيزا الأستراليه

ali pontiac · 23-06-2016, 11:12 PM

السلام عليكم و رحمة الله

كما هوه واضح في العنوان قدمت للفيزه الأستراليه وتأخرت

في تاريخ 5 مايو قدمت للفيزا ومليت الفورمه ، والف شكر للأخ العزيز بو غسان على موضوعه الي ساعد الكثير من الآعضاء في المنتدى حق استخراج الفيزا

انه قدمت للفيزا لحالي و زوجتي لحالها يعني كل واحد طلبه بروحه، وذكرت في الفورمه انه اهيه معاي ، ونفس الشي اهيه في الفورمه مالتها ذكرت اني معاها.

في تاريخ 10 مايو انه واهيه استلمنه ايميل منهم مطلوب افادات و رساله من العمل وكشف حساب من البنك وهذي الأمور كلها، الأيميل الي ارسلوه لي و لها نفسه بس مجرد اختلاف اسامي الأشخاص الي يباشرون الموضوع. و مذكور في الأيميل بأنه يفضل التواصل بخصوص طلبات الفيزا بالأيميل.

وايضا مذكور انه لازم يستلمون اللأشياء مني خلال 28 يوم من تاريخ ارسالهم الأيميل.

انه صار عندي تأخير من جهة العمل لي حين ما اصدرو الرساله الي طلبوها و في تاريخ 27 مايو ارسلنا لهم كل المستندات. اي يعني بعد 16 يوم من ارسالهم لي الأيميل.

ودخلت على حسابي وكان في زر information provided وضغطت عليه، قلت انه ارسلت لهم الأيميل والطلبات الي يبغونها واحين اضغط هذي الزر حق كتنبيه بأني ارسلت لهم الطلبات، و تغيرت حالة الطلب الى Assessment in progress
v
v
v

ولكن بعد فتره اكتشفت اني لازم اضغط عليه اذا حملت الطلبات من الحساب نفسه !! واحتاريت ، اقول احين هم في الأيميل مكتوب تواصل معانه بالأيميل و هنا فيه مكان مخصص حق ارسال الطلبات !!!

المهم اول ما ارسلت لهم الطلبات على ايميلهم على طول وصلني ايميل اوتوماتيكي منهم Auto reply ، مذكور انهم يردون على الأيميلات خلال 20 يوم، وبكره بصير (20 يوم عمل)

طبعا هذي الخطوات بالضبط انه و زوجتي سوينيها نفس الشي

محتار و الموضوع طول معانه وباقي شهر و كم يوم على الرحله

اليوم اكتشفت انه في مكتب للـتأشيرات الأستراليه عندنه

متردد هل آخذ موعد او هل احمل الطلبات عن طريق الحساب او اصبر اكثر ! قلت بصبر بالكثير شهر من تاريخ ارسال الطلبات كحد اقصى

والعذر و السموحه على الإطاله عارف انه اسألة التأشيره الأستراليه كثيره في المنتدى بس بديت اتخوف من الموضوع وقلت اخذ رايكم

آخـــرفـــرصـــةمعجبون بهذا.

نبضة ملائكية · 24-06-2016, 01:04 AM

اتوقع فيه وقت كافي لإصدار الفيزا قبل موعد رحلتكم لأن كاتبين بموقعهم أن ادنى حد يوم لاصدارها و أقصى حد شهر و لسه ما كملتون شهر يعني فيه مجال لاستلامها قبل الموعد

أجل وش نقول احنا تونا مقدمين على الفيزا لعيالنا من يومين و رحلتنا يوم العيد
يعني باقي اسبوعين!
زوجي على طول طلعت فيزته و أنا ما طلعت و أولادي طبعا بعد ما طلعت
لأن مثل قريت هنا بالمنتدى أن تكوا فيزة الاطفال فالله يستر كان ما تروح علينا الرحلة!!

آخـــرفـــرصـــةمعجبون بهذا.

آخـــرفـــرصـــة · 24-06-2016, 06:28 AM

الله يحييك يا علي

يبدو لي والله أعلم أنك تأخرت بارسال الاوراق
لكن من عندهم بالكثير اسبوعين
و بالنسبة للي ما معهم أطفال الموافقة فورية

الآن لاتحمل الطلبات
ارسلها على ايميل الهيلب ديسك
evisa.visitors.helpdesk@border.gov.au

و تأكد أن الحالة تتغير و تفيد انهم استلموا الاوراق

طبعاً ارسل لك ايميل و حط فيه رقم مرجعك
و ارسل للزوجة ايميل و حط رقم مرجعها
و اكتب عنوان الايميل

SUPPORTING DOCUMENTS FOR
وحط رقم المرجع

ali pontiac · 24-06-2016, 12:55 PM

بو غسان بالضبط هذي الي سويته في تاريخ 26 مايو

بس اني ماحطيت رقم المرجع...

متردد هل اعيد ارسالهم ولكن انتهت فترة ال28 يوم

او الغي الطلب واسويه من جديد

آخـــرفـــرصـــة و فيصل معجبون بهذا.

آخـــرفـــرصـــة · 25-06-2016, 03:18 AM

ارسل الايميل للهيلب ديسك

خلنا نشوف ردهم

واكتب بالايميل " سبق لي ارسال الاوراق بتاريخ 26 مايو "

و هذا اعادة ارسال للتأكيد

ali pontiacمعجبون بهذا.

آخـــرفـــرصـــة · 27-06-2016, 05:15 PM

بشر ياعلي وش سويت ؟

هل ردوا عليك

ali pontiacمعجبون بهذا.

فتى لندن · 27-06-2016, 05:21 PM

الاستراليين مو معقدين مثل الكنديين
يارب سهالات وتطل لك

آخـــرفـــرصـــةمعجبون بهذا.

ali pontiac · 27-06-2016, 10:21 PM

قدمت اليوم الطلب عن طريق المكتب VSF global دفعت لهم واخذو بصمات وعطوني رقم التراك

قلت لو ارسلت لهم ايميل، يمكن ما يردون مثل مثل اول مره وعلقوني

ان شاءالله خير

آخـــرفـــرصـــة و فيصل معجبون بهذا.

ali pontiac · 03-07-2016, 10:59 PM

الحمدلله اليوم وصلنه ايميل من السفاره الإستراليه في دبي و عطونه الفيزا

الف الف شكر لكم جميعا

آخـــرفـــرصـــة و فيصل معجبون بهذا.

آخـــرفـــرصـــة · 03-07-2016, 11:32 PM

اقتباس : المشاركة الأصلية كتبت بواسطة ali pontiac

الحمدلله اليوم وصلنه ايميل من السفاره الإستراليه في دبي و عطونه الفيزا

الف الف شكر لكم جميعا

1000 مبروك
و رحلة سعيدة يا علي
ننتظر منكم تقرير استرالي جديد

ali pontiacمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحذير الحذر تحذير من التأجير من شركة Rentalcars.com	روح المدينة	البوابة السياحية	27	03-08-2019 01:32 PM
التأجير في فرانكفورت	kanari212	بوابة المانيا	4	27-10-2015 03:25 AM
بخصوص الفيزا هل يمكنني ادخل مره ثانيه لتركيا بنفس الفيزا الاوله او لا	YASER	تركيا	3	05-06-2015 07:56 AM
( خلاصة القول ) في قبول او رفض البطاقة مسبقة الدفع في شركات التأجير + مبلغ الوديعة	almusafer009	تأجير السيارات	11	03-05-2015 02:54 PM
تم رفض الفيزا	india	فيزا	7	08-03-2015 10:52 PM