السلام عليكم ورحمة الله وبركاتهكيف الحال حبايبي


ودي تضبطون لي جدول متخرش الميه على قولة المصريين


السفر لمدة 12 يوم من ( 21 يوليو - 3 اغسطس ) وهذه صورة مدة الرحلة



الوصول يوم 21 الساعه 2 ظهرا
العوده الاقلاع الساعه 4 عصرا


شخصين وطفل بعمر سنتين ..


ورونا ابداعاتكم

الله يهنيكم
لكن ماحددت محطة الوصول والمغادرة
هل هي جنيف


وايش الاماكن اللي ببالك

وعليكم السلام ورحمة الله وبركاته

واهلا بمشرفنا المتميز علي
وحياك الله في بوابة سويسرا وبتنور سويسرا بزيارتك لها

على شان نفيدك لازم تحدد مطار الوصول والمغادرة
وايضا الاماكن اللي تحب تزورها او في بالك وشو هي وسيلة المواصلات قطار او سيارة

وان شاء الله الجميع ما بيقصرون معاك

ياهلا ومغلا بمشرفنا
يالله حييييه

أبشر ان شاء الله الجماعه ماراح يقصرون معاك وخاصه مشرفين البوابه جزاهم الله خير

بس بعض النقاط حطها بالحسبان في ترتيب رحلتك
اذا تبغي الطياره دايركت وعلى الخطوط السعوديه

عليك بالتركيز على المطارات التاليه
جنيف - باريس - ميلانو - روما - فرانكفورت - لندن

الترانزيت المطارات التاليه
زيوريخ - فيينا - ميونخ

وبأنتظار تبيان تفاصيل رحلتك
عشان الكل يدلو بدلوه

يالوالي انا حجزت خلاص دايركت على الخطوط السعودية جده - جنيف جده
اخذت التذاكر بـ 7700 .. لو احد يقدر يجيبلي ارخص ما اقول لا


الله الله بالتضبيط .. لا تسألوني عن شي
انتوا علموني بالاصلح

ولو فيه امكانية لزيارة النمسا او اي دوله قريبه لامانع

ياهلا ومرحبا مشرفنا

ارخص لا ماعتقد تبغي اغلى موجود هههه

وبعد للحين ماعرفنا مواصلاتك كيف قطار او سياره
على العموم مبدئيا بالنسبه لي

الوصول جنيف والجلوس فيها يومين
التوجه الى انتر لاكن والجلوس فيها 4 ايام
والتوجه الى بادن بادن او فرايبورغ والجلوس فيها يومين
وبعدها الى باريس والجلوس فيها 3 ايام
واخيرا العوده الى جنيف والجلوس فيها يومين

حسبتها لك على اساس 13 ليله مش 12 ليله
الي اشوفه ان مده سفرتك 13 ليله صححو لي

دول الزياره ( سويسرا - المانيا - فرنسا )

اذا تشوفه متعب عليك نغير ونعدل لين نوصل للمخطط المناسب لك
المخطط هذا مافيها مسافات طويله

وان شاء الله نوصل حق مخطط مايخرج المايه

بالفعل 13 يوم لان اول يوم اوصل الساعه 2 الظهر

بالنسبه للمواصلات قلت لكم انا ما اعرف شي .. انتوا دلوني وش الافضل
ووش مميزات كل طريقة ووش عيوبها

بالنسبه للتنقل .. يومين يومين احس انها متعبة وﻻ وش رايك
كم المسافات بين المناطق الي حطيتها

مقترحي لك

انترلاكن 5 ايام
الغابات السوداء 3 ايام والسكن في رست او بادن بادن
جنيف 4 ايام والسكن في القرى الفرنسية القريبة من جنيف او السكن في لوزان

طبعا الوصول مطار جنيف واستئجار سيارة من مطار جنيف القسم الفرنسي والتوجه مباشرة الى انترلاكن

ومن جنيف تقدر تزور قرى ومدن الريف الفرنسي مثل انسي وشاموني وايفيان