هنا بريطانيا العظمى

q8ya metnaqla · 03-07-2016, 06:20 PM

شكرا على التشجيع شباب والياي احلى ان شاءالله
اكمل معاكم الجزء الثالث

اللي قلت بتكلم فيه عن الفنادق اللي جربتها في لندق واقيمها لكم من وجهة نظري
في بعذهم مع صور وفي بعضهم ماعندي لهم صور للاسف ..

السكـــــــــــــن في لنـــــــــــــــدن

الفنادق المجربة في منطقة مارليبون واللي انصح فيها - منطقة مارليبون بوسط لندن

1- فندق امبا amba hotel marble arch - سابقا ثيستل ماربل ارتش

http://www.booking.com/hotel/gb/thistlemarblearch.en-gb.html?aid=304142;label=gen173nr-1DCAEoggJCAlhYSDNiBW5vcmVmaH6IAQGYAS64AQbIAQ_YAQPo AQGoAgM;sid=3d1f635e25a9471749b9164fdde2c91d;dcid= 12;ucfs=1;room1=A;nflt=di%3D34;dest_type=city;dest _id=-2601889;srfid=c33785fa6802ac401bc98d5cc8d3769f17cf 3beeX3;highlight_room=#tab-reviews

تصنيفه 4 نجوم

تقيمي له
9/10
المميزات :

- الغرف وسيعه
- موقع ممتاز
- خدمه ممتازه
- ريوق ممتاز ومتنوع
- النظافه عاليه
- خدمة واي فاي مجانية

العيوب :

- سعره ارتفع وايد بعد التجديد

ملاحظة الفندق فيه واااااااااايد خليجين واعتقد الاكثر كويتين وقطريين .. علشان موتقولون احنا بننحاش عنهم

صور قديمة وصوره يديده

الصور القديمه هذي الشقه خذيتها وكنت بروحي المفروض تكون غرفه بس لاحبتك عيني تترقى الحمدلله اغلب الفنادق اللي اسكنهم اللي اصادفهم باللوبي ماادري لي كله يرقوني لغرف اكبر واحسن من اللي حاجزتهم الحمدلله المحبة من الله

هذي الشقه اللي عطوني اياها
عباره عن غرفة بسريرين وصاله وحمام على الاوكسفورد

الصالة

المطل

الغرفه العادية من غير صاله

الحمام عزكم الله

اللوبي القديم

نمونه من الريوق

الغرف اليديده

العادية

الحمام عزكم الله

غرفه مع سوفا بيد

وخلصنا من امبا

الفندق اعتبره ممتاز ومن اوسع غرف الفنادق في لندن ..

الفندق الثاني

الفنادق المجربة في منطقة مارليبون واللي انصح فيها - منطقة مارليبون بوسط لندن

2- راديسون بلو بورتمان radisson blu portman hotel

http://www.booking.com/hotel/gb/radissonsasportman.en-gb.html?aid=304142;label=gen173nr-1DCAEoggJCAlhYSDNiBW5vcmVmaH6IAQGYAS64AQbIAQ_YAQPo AQGoAgM;sid=3d1f635e25a9471749b9164fdde2c91d;dcid= 12;ucfs=1;room1=A;nflt=di%3D34;dest_type=city;dest _id=-2601889;srfid=c33785fa6802ac401bc98d5cc8d3769f17cf 3beeX2;highlight_room=

تصنيفه 4 نجوم

تقيمي له
8/10
المميزات :

- الغرف اشوي صغار حجمها مقبول

- موقع ممتاز
- خدمه ممتازه
- ريوق متنوع
- النظافه عاليه
- خدمة واي فاي مجانية

العيوب :

- سعره مرتفع اشوي
- اشوي من الاثاث قديم

ملاحظة الفندق فيه واااااااااايد خليجين واعتقد الاكثر كويتين .. علشان موتقولون احنا بننحاش عنهم

صور للفندق

موقعه عالخريطة

اللوبي

الغرفه اعتذر على العفسه

الحمام عزكم الله

الريوق

القعدات الخارجيه ومجابلنا فندق تشيرتشيل ريجنسي

انصح في هالفندق

الفنادق المجربة في منطقة مارليبون واللي انصح فيها - منطقة مارليبون بوسط لندن

3- حياة ريجنسي تشيرتشيل churchill hotel london

http://www.booking.com/hotel/gb/hyatt-regency-london-the-churchill.en-gb.html?aid=304142;label=gen173nr-1DCAEoggJCAlhYSDNiBW5vcmVmaH6IAQGYAS64AQbIAQ_YAQPo AQGoAgM;sid=3d1f635e25a9471749b9164fdde2c91d;dcid= 12;ucfs=1;room1=A;nflt=di%3D34;dest_type=city;dest _id=-2601889;srfid=c33785fa6802ac401bc98d5cc8d3769f17cf 3beeX6

تصنيفه 5 نجوم

تقيمي له
9/10

المميزات :

- فندق فخم
- موقع ممتاز
- خدمه ممتازه
- ريوق ممتاز ومتنوع
- النظافه عاليه
- خدمة واي فاي مجانية

العيوب :

- سعره غاالي
- غرف الستاندرد صغييرة

ملاحظة الفندق فيه وااايد خليجين واعتقد الاكثر قطريين .. علشان موتقولون احنا بننحاش عنهم

هذيل صور من النت

موقعه على الخريطة

الشكل الخارجي

الاستقبال واللوبي

مكان الريوق وايد حلو وشرح

القعده الخارجية

الغرف

انصح فيه حق اثنين خفاف وماعندهم لويه

الفنادق المجربة والبيد اند بريكفاست b&b في منطقة مارليبون واللي انصح فيها - منطقة مارليبون بوسط لندن

4- سانت جورج - st george hotel اهو يعتبر B&b Bed and breakfast

http://www.booking.com/hotel/gb/st-george-hotel.en-gb.html?aid=304142;label=gen173nr-1DCAEoggJCAlhYSDNiBW5vcmVmaH6IAQGYAS64AQbIAQ_YAQPo AQGoAgM;sid=3d1f635e25a9471749b9164fdde2c91d;dcid= 12;ucfs=1;room1=A;dest_type=city;dest_id=-2601889;srfid=1779910cd01e12c2857d87a3840484effe8e 7631X1#availability

تصنيفه 4 نجوم - ماادري ليش معطينة 4 مع انه اهو بيد اند بريكفاست والمفروض 3

تصنيفي له 3 نجوم

تقيمي له

6/10

المميزات :

- الرخص في السعر
- موقع ممتاز
- خدمه ممتازه
- النظافه جيده جدا
- خدمة واي فاي مجانية

العيوب :

- غرف صغيره
- اثاث قديم
- ريوق محدوود
- مافي تكيف الا في غرف محدوده
- مافي اصنصير

ملاحظة الفندق مافي ولا خليجي ولا عربي الا انا ههههه .. ها بتسكنون فيه ؟؟

انا حاجزه غرفة سنغل كنت وعطوني الغرفه ولا في الدور الرابع ولازم اصعد دري قلت يالله اما بالله نصعد صعدت واشوف شي طبيعي الغرفه صغيره لكن الغير طبيعي الحمام وووين ؟؟
الحمام الله يسلمكم برا الغرفه حقي بروحي مو مشترك بس مو حالة هذا كل مابغيت الحمام بطلع واتخطرف تالي الليل بلعتها وسكت قلت خبز خبزتية .......... اكلية ههههههه ..
بنام مو قادره اناام اشفيج يا ابرار موت حررررر افتح الدريشه ماكو هوا افتح البنكه مافي فايده ححححرررر المهم تميت سهرانه لي الصبح ..
نزلت جان اقولهم جيك اوت وانا حاجزه عندهم ليلتين زياده طبعا ليش وماليش ومن هالاسئله نبيج زيونه والخ جان اشكي الحال واقولهم عن الحمام والحر والدووور الرابع ومافي اصنصير .

بعده جان يقولون نرقيج غرفه اعلى قلت لازم اشوفها قبل مااخذها قالت اوك وقلت ما راح ادفع فلس حمر زايد قالت اوك جان اقول يالله اهوو جدامي خل اشوفها ..
جان تقول بس اهي تحت يم صالة الريوق قلت ماعليه اشوفها ..
نزلت ولا ذيج الشقه من غرفتين غرفه بدبل بيد وغرفة بتوين بيد وحمام وممر فيه طاولة طعام حق 4 اشخاص والاهم فيها تكييف . هياااااا

جان اوافق عليها ..

وهذيل بعض الصور للفندق

المبنى من برا ومكان غرفتي بالدور الرابع

اتناجر مع رفيجتي من فوق غرفتي هههههههه اشكي لها الحال اهي كانت علاج مع امها ..

المدخل

صالة الريوق

الغرف

الحمام عزكم الله

الشقه اللي قعدت فيها تالي ام غرفتيين وتكييف فيها منور شحلوه والمطر يطق ومبين جزء بسيط من طاولة بس هالصور اللي حصلتهم في النت سامحوني على القصور

يتبع جزء السكــــــــــن في لنــــــــــدن بعـــــــد الفطــــــور ان شاءالله

فارس الجبيل, فيصل, آخـــرفـــرصـــة و 11 آخرون معجبون بهذا.

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

التعديل الأخير تم بواسطة q8ya metnaqla ; 03-07-2016 الساعة 06:29 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيزة بريطانيا	Abrar18	فيزا بريطانيا	8	07-04-2016 09:58 PM
تأشيرة بريطانيا	ابن الشرقية 96	فيزا بريطانيا	7	25-06-2015 01:57 PM
بريطانيا وهولندا وبجيكا	انثى رحالة	فيزا بريطانيا	6	23-06-2015 07:25 AM
ختم الخروج من بريطانيا	الغردقاوي	فيزا بريطانيا	10	31-03-2015 04:25 AM