السلام عليكم جميعا
لو تكرمتوا عندي مشكلة صراحة مع مترو باريس قريت مواضيع كثير جداً جداً وفهمت تقريباً 60% ، بس اللي مافهمته مثلا انا بروح من محطة الى محطة ثانية ، كيف اعرف ان المحطة اللي بروح لها فيها تبديل ، واذا نزلت من المترو عشان ابدل وين اروح يعني بنفس المكان ولا اطلع ،
والشئ الثاني الرير وين مكانه بنفس محطة المترو برضه ؟

وش افضل تذكرة تناسبني لمدة اسبوع ، وكيف اشتريها ماعرف لغتهم الفرنسية عشان اشتري من الماشين حدي انقلش ^_^

ابي تذكرة شاملة يعني ، مثلا ابي اروح قصر فرساي ، وابي ارد ، واروح وكذا يعني مو محصور على زون معين وكم اسهارهم



السؤال الأخير عن التاكسي ، من المطار للشانز او حول الشانز كم اسعارهم ، وهل يتم الاتفاق على سعر او على حسب العداد

..

مكان الموضوع الاستفسارات .
وما قصر معك اخوي في الاجابات
بس فيه برامج للاجهزه الذكيه تسهل لك سالفة التبديلات
PARIS METRO < برنامج لاجهزه الآبل لميترو باريس
تحط اسم المحطه اللي انت فيها واسم المحطه اللي تبي توصل لهاا
وهو يعطيك الطريق والمحطات اللي تبدل فيها اذا كان فيه تبديل

ما قصروا المشرفين في الردود

بخصوص بطاقة المترو المناسبة لاسبوع اذا كان وصولك الاثنين والمغادرة الاحد ممكن تاخذ بطاقة نافيجو الاسبوعيه
او باريس فيزت مثل ما وضح مشرفنا اذا وصولك وسط الاسبوع

اذا ناوي تشتري التذاكر من الموقع الي ذكره مشرفنا فممكن تستلم التذاكر اول ما توصل باريس من موقعهم في الاوبرا او ممكن يوصلونها لكم للبيت عن طريق DHL او للفندق الي بتسكنون فيه طبعا مقابل رسوم اضافيه حوالي 12 يورو

بس شخصيا ما افضل هالطريقه ترى التجربة والاستكشاف جزء من متعة السفر وشراء التذاكر جدا سهل عن طريق الاجهزة الموجوده في المحطات

شوف هالموضوع راح يساعدك
http://www.arabtrvl.com/vb/t1435.html

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

ما قصروا

اشترها من المكائن أفضل
شف موضوع ام ريم حق التذاكر

شوف اخوي مافيه أسهل من مترو باريس*
شوف تجربتي
*
/// الخطوة الاولى \\\
(١)
حدد أسامي الاماكن اللي تبيها وكل مكان حدد محطته واعرف لون ورقم المحطة زي كذا*الحي اللاتيني
(( اسم المحطه ... Saint michel )) على مترو 4 وخزنها عندك بجهاز بيروح معاك باريس*

(٢)
اعرف اسم ولون ورقم محطه فندقك*

(٣)
اطلب خريطه المترو من الفندق*

(٤)
وانت بالفندق حدد المكان اللي تبيه وشوف اسم المحطة التابعة له واشر بالقلم على الخريطة*
من محطة فندقك الي محطه المكان المطلوب وشوف المحطات اللي تمر عليها*

/// الخطوة الثانية \\\
قص التذاكر*

(١)
روح لشباك التذاكر يتحدثون اللغه الانجليزية علمهم باسم المحطة اللي تبي تروح لها او اشر بيدك على الخريطة على المحطة*
ع طول المؤظف بيقص لك *ثواني والتذكرة بجيبك

(٢)
اذا مافيه شباك روح للماكينه مره سهله*
حدد اللغه الانجليزية وعلى طول بتجيك الخيارات اختار
اذا ما تعرف انقلش اختار كل شي اول خيار
بعدين يطلع لك المبلغ حطه بالماكينه وتطلع لك التذكرة*

///الخطوة الثالثة *\\\\
(١)
دخلت داخل المحطة اتبع رقم المترو اللي فيه محطه المكان المطلوب (كل الخطوط بالمترو لها ارقام وملونه زي الخط الأصفر رقمه ٦ وهكذا واضحه الأرقام والألوان في الخريطة عندك )

(٢)
انت الحين تمشي بالمسار المطلوب بيجي لك اتجاهين*
واحد يمين والثاني يسار*
انت افتح الخريطة وشوف المسار اللي حددته بالقلم وانت بالفندق*
شوف المحطات اللي بين محطه فندق ومحطة المكان المطلوب على لوحه اما اللي باليمين او اليسار*
واتبعه*
خلاص امش مع العالم وانتظر المترو*

(٣)
طريق الرجعة للفندق*
اهم شي تعرف اسم ولون ورقم محطه الفندق*
اي محطه مترو ادخلها واتبع اللون والرقم اللي يتبع محطه فندقك*
وحاول وانت بالمترو تشوف المحطات المكتوبة داخل المترو علشان تنزل بمحطتتك
.
.
.
نصيحه*
لا تستعجل او ترتبك والعالم من حولك مسرعه*
خذ وقتك*

.
.
.
على ان المترو جميل وسهل الا اننا اغلب الوقت مانركبه لاننا نقضيها مشي والأماكن قريبه*
مره طلعنا من فندقنا اللي قريب من قوس النصر حتى وصلنا الكونكورد ومشي قطعنا**حديقة تريلي
وصلنا اللوفر ومشي حتى جسر العشاق وبعدها الحي اللاتيني*
ذهاب وعوده رجليه وكان من افضل الايام عندي*
.
.
هذه تجربتي بالمترو*

بالنسبة للتاكسي كلها بالعداد والأسعار معقوله ما تتعدى ٥٠ يورو
موفق اخوي وسفره سعيده للجميع

اهم شي حملوا تطبيق المترو ، موجود كذا تطبيق حمل اللي يعجبك،، في باريس استخدمنا المترو وكان جداً سهل واهم شي تكونون عارفين المحطات اللي بتوصلون اليها واهم شي ايضاً حفظ محطة الفندق ..