السلام عليكم

المكان مكتب تبع الخبر

قد سبق قدمت على فيزا بريطانيا قبل ينقلون مبناها الجديد في الراكة وكانت اجراءات بسيطه وطلعت خلال 5 ايام ووقدمت الشنجن في المبنى الجديد وكانت اجراءات بسيطه وبكل سلاسه طلعت في 10 ايام لما جيت ابي اقدم على فيزا بريطانيه الاجراءات بعض الاجراءات تم تغييرها ولكن ليس هنا صلب الموضوع انا حجزت وقدمت بياناتي انا وواحد من الشباب وحجزنا موعد عن طريق الاونلاين ودفعنا حول 800 وشوي لكل واحد وطبعنا الحجز وكل شيء وكان موعدنا اخر ناس ورحنا واورقنا كامل دخل خويي قبلي المهم لما دخلت انا بعده اشوف الهندي ينافخ عليه استغربت انا اسلوبه جداً زفت ومستفز لما عرفت السالفه قال لازم تدفعون 350 ريال لان موعدكم بعد الساعه 3 خويي حاول يفهمه ان بالموقع مهب مكتوب انو بعد الساعه 3 ندفع كذا المهم قال تدقع والا مانستقبلك انا طبعي هادي جداً بس كنت احترق من داخل وودي اجلده بس هديت الوضع وجبنا الفلوس وعطيناهم خلونا من هنا نجي لسالفة الاوراق خذوا من خويي كل شيء تعريف بالعمل براتب وبدون راتب وكشف حساب وصورة من الجواز وتذاكر الطيران وحجز الفندق انا خذى مني بس كشف حساب وتذاكر طيران فقط اقوله والتعريف يقول مايحتاج استغربت قلت اكيد قال ايه المهم قالي بعدها تبيني اضبطك خلال 5 ايام ادفع 800 كأنه يبتزني يعني ادفع والا اعطل اجراءاتك المهم قلت لا مايحتاج وانا طالع سألت الاستقبال قلت ما أخذ مني الاوراق المطلوبه قال غريبه ارجع له ليش ما اخذها لازم يأخذها بعض الطلبات تجي رفض عشان التعريف المهم وارجع لهم وعيوا يفتحون الباب ودق عليهم السكرتي وطلع واحد منهم اللي هو المستفز بغيت اجلده قاهرني قسم بالله قلت ابي خويك لينه وراه واقوله السالفه وقال من خلال خبرتي ماعليك ماراح يجي رفض قلت اكيد قال ايه قلت وعدنا بعد 10 ايام ونشوف عاد سفرتي قريبه ماتتحمل رفض جداً سيئ تعاملهم واسلوبهم الغير راقي تحس فيهم حقد دفين وجتني رساله انها راحت وبعدها ماجاني شيء ونشوف وش اخرتها معهم بس ودي اعرف ليش ما اخذ الاوراق كامله طولت عليكم معليش منقهر منهم

متى كان موعد التقديم ؟؟

و عليكم السلام

حياك الله بيننا

استفزاز الموظفين الهنود للمراجعين غير مقبول على الاطلاق

نفس الشي قال لنا ادفعوا مستعجل وانا امشيكم بسرعة
قلت له ما بيدك شي وكل هذا السرا الطويل من تأخيرك
حقد علي و قام يأخرني و لعلي اذكر هذا في التجربة

كمان الناس اللي كانوا متواجدين بيوم 4 جولاي للاستلام في جدة
قعد يسحب فيهم هندي عند شباك الاستلام الى أن حضر مسئول
و طلعه برا وجاب 3 موظفين يديرون العملية

وكل الموجودين كانوا مقتنعين ان الهندي يتعمد تأخير المراجعين بلا سبب

أعتقد أن السنة هذي تعاملهم اختلف كلياً
وهذا بدوره ادى الى تأخير اصدار الفيز

شخصياً راح اكتب تجربتي للسفارة البريطانية لعلهم يغيرون
في الامر شي و أنا متأكد ان هذا الامر لا يرضيهم

هل اخذ منكم الابلكيشن كامل او اخذ الورقة الاولى فقط؟
انا كنت مدبس الابلكيشن كامل سحب اول ورقة من كل ابلكيشن ورجع الباقي لنا.. قلت ليه ماتاخذها كلها؟ قال مايحتاج موجودة في النظام وشفت اللي بالكاونتر اللي جنبي نفس الشي.

طيب اش فايدة التوقيع باخر صفحتين اذا ماراح ياخذ الابلكيشن كامل..؟!!!
صراحة شي غريب..
ما ادري هل المسألة خاضعة لمزاج الموظف..؟ ام هي تعليمات جديدة..؟

انا اليوم كان موعدي
الاجراءات سهله وسريعة الزحمة بدأت على الساعة 11 بعد ماطلعت بس كان كل شيء سريع
متى تتوقعون تطلع سفرتي قريبة في 1 اغسطس
واخذت اجراء عادي ماهو مستعجل