ساعدوني الله يساعدكم يالعرب المسافرون - الصفحة 2

BUTEERFLY · 10-02-2015, 01:02 AM

اختي طوق الياسمين واخويا قطر اتوقع كدا اسمك ربي يسعدكم يارب معليش تعبتكم معايا

حبيت استشيركم في سعر الفندق ب ١٠ الآف و٨٠٠ لـــ ٩ ليالي
الفيزا ليا انا وزوجي كنا بنسويها لحالنا وعبينا كل شي من الموقع واتبعت خطوات الاخ آخر فرصه الله يسعده كل شي اوك بس لانشغال زوجي كلم مكتب وقال بيخلصها لنا ليا انا وزوجي ب ٨٥٠ هل غاليه ولا لا لان المكتب صاحبه صديق زوجي
اخت طوق الياسمين ربي يسعدك فيديني انا احب التحف الغريبه للبيت وايش تنصحيني محلات في لندن ازورها ولا افوتها نصايحك ليا شعوري فرحه ولخبطه وكل شي ههههههههههههههه

طوق الياسمين · 10-02-2015, 01:51 AM

حبيبتي

لا يفوتك بريمارك
محل حلو ورخيص
انا اول مااوصل اقضي منه واكشخ هناك

تراه زحمممممه روحي الصباح بدري فرع الاكسفورد تقريبا قدام فندق الكمبرلاند وثيسل

والتحف الان مايحضرني اذا تذكرت بعلمك

طوق الياسمين · 10-02-2015, 01:53 AM

Primark - What's New

BUTEERFLY · 10-02-2015, 01:56 AM

يسعدلي حبيبتي طوق الياسمين فديتك والله وفديت قلبك يا عسل

وجهات أوروبية · 10-02-2015, 05:05 AM

ياهلا ومرحبا اختي

بخصوص سعر الفيزا معقول
بس هل الفيزا الالكترونيه ام العاديه ؟؟
طبعا الاسعار ممكن تكون مختلفه عندنا عنكم

بالنسبه للفندق ممكن اعرف اسم الفندق ؟؟

بالنسبه لمحلات التحف

مادري تقصدين تحف المودرين
او التحف القديمه والكلاسيك

عندج محل تاليسمان
قريب من نادي تشيلسي

عنوانهم

79-91 New Kings Road,
London SW6 4SQ

موقعهم

Furniture - Talisman

صوره للمحل

العاب

BUTEERFLY · 11-02-2015, 04:10 AM

اهلين اخويا الله يسعدك وجزاك الله خير على مساعدتك ليا

الفندق اللي اقصده اللي نصحتني فيه انت والاخت طوق اللي هوه ذا كمبرلاند

والتحف الكلاسيك اقصد القديم

فارس الجبيل · 11-02-2015, 07:54 AM

السلام عليكم

الفندق معروف ومجرب موقعة ممتاز في زاوية الماربل آرش على الأكسفورد ستريت وقدامة بريمارك والهايد بارك اثاثة جيد والغرف وسيعة شوي وزينة اذا شفتية وعاجبك توكلي على الله احجزية وعلى فكرة هو نفس الفندق اللي صارت فيه مشكلة اخواتنا الأماراتيات اسأل الله يشافيهم ويعافيهم

ومحلات التحف يمكن تقصدين الكوفنت قاردن وهذا مثل البازار خاصة في الويكند وانصحك بزيارتها المنطقة جميلة وفعالياتها حلوه وفيها مطاعم وقريبة من البيكاديللي
هذا والله يوفقكم

وجهات أوروبية · 11-02-2015, 08:04 AM

اقتباس : المشاركة الأصلية كتبت بواسطة دلوعة الاسمر

اهلين اخويا الله يسعدك وجزاك الله خير على مساعدتك ليا

الفندق اللي اقصده اللي نصحتني فيه انت والاخت طوق اللي هوه ذا كمبرلاند

والتحف الكلاسيك اقصد القديم

امين ويسعدج ويجزاج بمثله اختي

اها كمبرلاند
بخصوص هالفندق أكدي عليهم ان تاخذين الغرف بمبنى الفندق نفسه
لان عندهم مبنى قريب منه تابع له وفي غرف هناك
والغرف بالمبنى الثاني وايد صغيره ومافي لوبي تدخلون باب المبنى بالكارت وعلى المصعد على طول
وفي تقريبا 4 مصاعد كل مصعد ياخذكم الى غرف معينه مب كل المصاعد تاخذكم لغرفتكم

اذا تبغين الهدوء اسكني بهذا المبنى
اما اذا تبغين اللوبي وانتي داخله وطالعه خبريهم وأكدي عليهم ان تبغين غرفه بالمبنى نفسه

وجهات أوروبية · 11-02-2015, 08:06 AM

مثل ماقالج لج مشرفنا عندج الكوفنت قاردن قريب من بيكاديلي

وعندج في اجور رود جنب مطعم الارز ومقابل مطعم السليماني
محل اسمه al mustafa يبيع تحف ومن هالشغلات

وجهات أوروبية · 11-02-2015, 08:46 AM

شوفي هذا ادخلي تفرجي على المحل با الاسهم

https://www.northcoteroadantiques.co...-inside-1.html

وعندج شارع بورتوبيللو في لندن
هذا الشارع فيه اقدم سوق شعبي في لندن
واكيد فيه محلات للتحف الكلاسيك

طريقه الوصول الى الشارع :

اسم المنطقه الي فيه الشارع منطقة نوتينج هيل

اسم محطه النزول با الاندر غراوند ( مترو ) Notting Hill Gate
الوان الخطوط للأندر غراوند الي توصلج المحطه

اللون الاصفر - اللون الاخضر - اللون الاحمر

وتقدرين تورحين بالباص وهذي ارقامهم الي تاخذج على السوق
(7, 12, 23, 27, 28, 31, 52, 70 , 328)

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ساعدوني	J8h	تركيا	7	10-03-2016 12:25 AM
برشلونة ساعدوني	al_ashwag	بوابة اسبانيا	4	27-06-2015 08:47 PM
ساعدوني بخط سير الرحلة	alnoufa	بوابة النمسا	3	23-03-2015 07:23 AM
ساعدوني	معاذ	تركيا	6	19-03-2015 05:36 PM