ياهلا ومرحبا اختي الكريمه

تطمني امورج بأذن الله طيبه
انا والاخوان كلهم ماراح نقصر معاج بأي شي

بالنسبه للفندق نظيف وحلو ومرتب
وقريب من عين لندن وبغ بن وايضا من البكاديلي
بس عيبه قريب جدا من محطه القطارات واترلوو
ومش قريب من المحلات التجاريه والتسوق
واذا تبغين تروحين اكسفورد والهايدبارك والنايتسر برج
بالمترو او التاكسي او الباص
وانا افضل طبعا الباص او المترو
من اول ماتوصلين لندن بأذن الله
تاخذين بطاقه الاسبوعيه او حسب حاجتكم
لان راح تحتاجون الباص وشبكة الباصات بلندن حلوه وممتعه جدااا

وبالنسبه للمترو ايضا راح تحتاجونه ولما توصلون تاخذون بطاقه اسمها اويستر oyster

وهذا الموضوع راح ينفعج بخصوص البطاقه

http://www.arabtrvl.com/vb/t1808.html

وهذا التقرير لعشر ايام في لندن
اطلعي عليه اذا عندج اي ملاحظات او توضيح اكثر ماراح نقصر معاج
او اذا تبغين رقم الباص الي يوقف بأي مكان على اساس على اي باص تروحين المكان الي تبغينه

http://www.arabtrvl.com/vb/t1726.html


بالتوفيق ان شاء الله

الله يسعد قلبك اخويا جزاك الله خير والله ثم والله انو فرحتي وسعادتي ماتنوصف بوجود المنتدى فرحت بجد يشهد الله دعيت لكم ارتحت لما شوفت اسم الاخ فيصل وماجد الفهد ،اخر فرصه وفارس الجبيل وعلى فكره انا عضوه من عضوات المنتدى اللي اتقفل بس النك غيرته في دا المنتدى
اسعد الله قلبكم زي ما اسعدتونا بوجود المنتدى

نصيحتكم ليا اسكن فين انا من النوع الخواف جدا جدا جدا وغير كدا كيف الغطا والحجاب
وكمان في شي انتبهت له لما حجزت الطيران انو الجوال او الايباد او الاب توب او الكام ادا ماكانت مشحونه كهربا راح يتم منعي من السفر او اخذها مني فالمطار سواء قبل لا اطلع من جده وكمان وانا راجعه من جده

دلوعة
صفي بجنبي عاشقة ومتيمه بلندن


انا احب اسكن بشارع الاكسفورد


كمبرلاند وفي فندق ممتاز سكنت فيه مره هو ثيسل ماربل ارتش

بخصوص الحجاب كأنك بالخليج الحريم الكبار عبي وبراقع

نصايحكم في افضل فندق في اكسفورد

ليش الخوف


لندن تهبل
والبريطانيين شعب عملي جدا مالهم بأحد


انا حبيت الفندقين اللي قلت لك عنهم


مميزاتهم:


الهايدبارك قريب مشي
شارع العرب قريب
المحلات كلها بشارع الاكسفورد


حتى اذا زوجي مكسل انزل اتسوق لحالي

اختي ترا اقرب دوله في اوروبا لنا في الخليج هي لندن
اكثر من اي دوله اوربيه ثانيه

بالعكس تمشين بعباتج ونقابج وامورج تمام مافي اي خوف
تعالي لندن بالصيف وشوفي الخليجيين اتقولين قاعده في فريجكم هههههه

احجزي في الاكسفورد كلشي قريب منج
واذا تبين تحسين الناس كلها عندج
احجزي في فندق ثيستل او كمبرلاند