الفراهيدي في دبي مارس 2016 تقرير خفيف - الصفحة 2

سامي313 · 19-07-2016, 03:49 PM

ياهلا بالفراهيدي خبير تركيا في منتدانا الغالي

متابع معاك تقريرك عن دبي ومستنيين التقارير الثانيه

توبليرونمعجبون بهذا.

الفراهيدي · 19-07-2016, 11:41 PM

يالله حيه ويا هلا ويا غلا فيكـ

القائد العام نحن تحت امرك اطلب مننا ننزل الميدان ونتظاهر مثل اردوغان

ما راح نتأخر دقيقه

توبليرونمعجبون بهذا.

الفراهيدي · 19-07-2016, 11:42 PM

اقتباس : المشاركة الأصلية كتبت بواسطة سامي313

ياهلا بالفراهيدي خبير تركيا في منتدانا الغالي

متابع معاك تقريرك عن دبي ومستنيين التقارير الثانيه

طالما قلت في منتدانا الغالي اكيد تعرفي في المنتدى الثاني

ياهلا وغلا فيك واتشرف اكون بينكم ونخدم اخواننا السياح

باللي نعرفه

توبليرونمعجبون بهذا.

الفراهيدي · 19-07-2016, 11:59 PM

السلام عليكم

عدنا اليكم مع اولى حلقات دبي القصيرهـ

بداية التخطيط كانت لزيارة المنطقة الشرقية جلسنا نحسب المسافه تقريباً 1000 كلم من عرعر

والطريق متعب جداً من بعد حفر الباطن الى الدمام والخبر وطيران مباشر ما فيه واذا تبي تروح سياره

لازم اقل شي اسبوع وما فيه اجازه ----

كنسلنا الدمام وقلنا جده ام الرخا والشدة الطيران مباشر موجود

وسعر الطيران مناسب بس جده داقينها دايم نجيها وحافضينها قلت نبي نشوف اسعار خطوط الطيران لدبي طبعاً من

عرعر ما فيه طيران مباشر ( معاناه مع الطيران )

اقرب شي منطقة الجوف 150 كلم دخلت خطوط فلاي دبي واحط التاريخ

والأ الأسعار ممتازه ومغريه نفس السعر اذا رحت جده 1690 ذهاب وأياب شخصين وطفل

شفت الخطوط السعوديه واسعارها لدبي كان السعر 4800 سعر عجيب ههههههه الخطوط السعوديه استغلال في

كل الأوقات وطيران مثل وجيههم

توكلنا على الله وحجزنا لمدة 5 ايام وبدينا بالترتيبات وقمت بالبحث عن فندق وكان

لفيت بوكنق واستشرت اللي راحوا دبي وعطوني اكثر من فندق واخترت فندق

الفندق هو فندق جراند أكسلسيور البرشاء طبعا قبل احجز شيكت على اكثر من

مكان حجز منها البوكنق وغيرها من الشركات المعروفه وحصلت افضل سعر عن احد

الشركات الخاصه كان سعر ممتاز 1600 تقريباً من دون افطار والأسعار الثانيه اكثر من 2200 ريال

صوره للفندق من الخارج

الصور من بوكنق

تقييمه 7.3 بس والله نظيف وخدماتهم ممتازه ومتعاونين جداً والغرف كبيره هذا الأهم

توكلت على الله وحجزت وبدينا نستعرض الجدول ورتبنا الأمور واستعدينا لرحله الأنطلاقه كانت يوم الثلاثاء طبعا

موعد الرحله الساعه 9.45 ص والأقلاع من الجوف يعني اقل شي قبلها

باربع ساعات تكون منطلق ... لضروف الطرق والرحله دوليه ومرتبط بحجوزات

طلعنا الساعه 5.30 ص من عرعر بأتجاه الجوف كل شي تمام الحمد لله

وصلنا المطار وقفت سيارتي بالمواقف دخلت طبعا مطار داخلي وصغير

وزحمه وما فيه ترتيب المفروض تبي تحط رحلات دوليه تنسق اكثر من كذا بس العوض

والأ القطيعه ---- المفاجأه ---

لما حجزت على بالي يكون فيه وزن فري مثل باقي الشركات اقل شي 15

لاني جربت اكثر من شركه طيران خاص بتركيا وكان معاي وزن مجاني

المهم عطيت موظف فلاي دبي الجوازات والتذاكر قال الوزن ما حاسبت عليه قلت اللي اعرفه انه يكون فيه وزن مجاني قال لا

طيب الحل قال تدفع للوزن ( هذا اللي ما حسبنا حسابه ) قلت كم

قال 730 ريال بسم الله ما فيه خيار ثاني غير الدفع امرنا لله دفعت وشحنت الشنط وختمنا

الجوازات وتوكلنا على الله ما تأخرنا يمكن نص ساعه ووصلت

الطياره قلت اول ما اوصل بحجز عفش من موقع الخطوط وفعلا ً اخذت وزن للرجعه من الموقع فلاي دبي 50 كيلو

تقريبا بـ 100 ريال يا بلاش دخلت على الحجز من الموقع وسويت اضافه للوزن ودفعت بالفيزا وانهيت الموضوع

للرجعه بالمطار الأسعار نار المهم خطاء الواحد يتعلم منه

وصلنا مطار دبي الأجراءات سريعه ختمنا حولت 1000 ريال والباقي كان بالكرت السحب الفيزا مسبقت الدفع

ريحتني كثير من شيل الفلوس اغلب الأماكن تتعامل بالفيزا طلعت من المطار للتكاسي

وكان سرا طويل بس سريع يتحرك المهم اخذنا التاكسي الحساب للفندق تقريبا ً 90 درهم وصلت تشكن أن

سريع طلعنا نرتاح خاص من الفجر صاحين الساعه 5 انطلقنا لمول الأمارات كنت نسيت اجيب كواية مع اني كنت

مجهزها بس نسيت هههههههه المهم كلمت الرسبشن قلت كم سعر كوي

القطعه الواحده قال 35 درهم اذا كذا يبي لي 500 درهم كوي ملابس الحل اروح المول واشتري لي

كوايه بـ 30 -50 درهم واريح راسي واستفيد منها واخذها معايه

لا تخلي الفنادق تستغلك

المهم طلعنا المول حصلنا كارفور واخذنا كواية بـ 35 درهم لفينا المول وكنت تعبانين من الطريق بس نقاوم

المول ممتاز وزحمه والكافيهات والمطاعم ممتازه حصلنا مطعم اخذنا

صحن مشاوي مع سلطات وكولا ما ادري كم السعر وبعد العشاء تاكسي للفندق نوووم استعداد

لفعاليات اليوم التالي اترككم مع الصور

^

صور من الأنترنت

الصور من الفندق الأن

غرفتنا 404

ذهبنا للمول مشي

ذكرني بباص اسطنبول السياحي

كوايتنا هههههههههه بـ 35 درهم من كارفور ادت الغرض على اكمل وجه

سكي دبي

مطعم الحلبي

اخترنا مطعم حاتم السلطات شكلها خطير

بعد العشاء الخروج للفندق

التكاسي جاهزين بـ 15 درهم للفندق

انتهت فعاليات يوم الوصول

نلتقيكم في اليوم الثاني

فيصل, توبليرون, احمد الحربي و 1 آخرون معجبون بهذا.

فيصل · 20-07-2016, 06:11 PM

لا هنت
علي الأقل فيه طيران أشوا
صدقني الوضع في تطور بأذن الله وملحوظ
الصوره ياليت تضعها بعد الجمله أو العباره أفضل حتي يكون فيه تسلسل
طبعا بما أن فندقك قريب أقل شيءلتاكسي يوصلك بـ 12 درهم
الفندق أذكره ما يصلح للعوائل أزعاج مره من الربع اللي تحت علي يمين المدخل
الحمدلله كنت حاجز يومين وبعدين غيرت علي طول
حوالات الأنصاري تقدر عن طريقهم تدفع لشراء الشحن
المشي مو قريب مع طفله أتصور بيكون متعب الي الامارات مول
نستفيد منك

توبليرون و احمد الحربي معجبون بهذا.

sniper.ksa · 21-07-2016, 01:42 AM

متابعين وياكــــــ وسرد ممتع
درس وتعلمته من فلاي دبي بخصوص العفش وهذا من عيوب الطيران المخفض

تسلم

توبليرونمعجبون بهذا.

الفراهيدي · 21-07-2016, 05:35 AM

فيه الضريبه 150 كلم الله يعيننا

انت قائدنا وعلينا تنفيذ اوامركـ بدون تردد ابشري طال عمرك

فيه مثل ما تفضلت انا كنت بالدور الرابع وما سمعت ازعاج

ابداً وما كان فيه اي شي يعكر

مسافه شوي بس العربيه موجودهـ

لنا الشرف بتواجد قامه كبيره في موضوعي وتقرير المتواضع

انا كنت شاك في الموضوع قبل السفر وسألت واحد بمطار الجوف

وقال فيه وزن مسموح الظاهر انه مافهم عليه وعلى قولتكـ

درس الواحد يتعلم منه

توبليرون و فيصل معجبون بهذا.

توبليرون · 21-07-2016, 06:20 PM

دبي حلوة وخاصه بالشتاء والربيع
ماشاءالله وفرت بالطيران والشحن في الرجعه

اما الكوايه
يا اخوي كان طلبت كوايه من الاستقبال او الخدمات بالفندق
بيجيبونها برسم الخدمه ببلاش

الحين اغلب الفنادق جذيه تطلب الكوايه والطاوله وبعد الاستخدام ممكن تلاقيهم طلعوها اطلبها مره ثانيه وثالثه ورابعه عادي

اعتقد حمايه من نسيانها مفتوحه وتجنبا للحرائق خلو الطريقه جذيه

متابعين معاك للآخر

فيصلمعجبون بهذا.

كتكات783 · 22-07-2016, 03:32 PM

أهلاً بك حبيبنا الفراهيدي ...

بداية جميلة والتقاطات متنوعة لدار الحي ...

الخطوط السعودية أخالفك بالرأي أشوفها ممتازة .. ( وجهة نظر )

غريبة فلاي دبي لديهم وزن مجاني يمكن كان عندك زيادة بالكيلوات ..

الفندق موقعه مميز جداً ... بس كان ينقصك استئجار سيارة ..

لا أظن دبي يكتمل جمالها إلاّ بحرية التنقل بين معالمها ..

بانتظار جمال ماتطرحه يالغالي ...

توبليرونمعجبون بهذا.

حجازي من باريس · 24-07-2016, 11:56 AM

في انتظار المزيد يا بطل

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
15 يوم في لوس انجلوس و سان ديغو تقرير مصور خفيف و سريع	هوايا شمالي	بوابة امريكا	26	13-07-2019 02:03 PM
تقرير خفيف لرحلتي: امريكا الساحل الغربي 2014	منيرة	بوابة امريكا	46	17-09-2018 11:22 PM
ذكرياتي في الطائف تقرير خفيف وبسيط	الإماراتي	بوابة السعودية	41	06-09-2018 11:50 PM
تقرير مصور لرحلة تركيا ( خفيف و سريع )	هوايا شمالي	تركيا	48	08-06-2018 01:43 AM
الفراهيدي في ماليزيا 2013 تقرير من الأرشيف	الفراهيدي	ماليزيا	39	28-08-2016 02:04 PM