السلام عليكم الحمدالله قدمت اوراقي يوم الخميس في مكتب المانيا بجده والحمدالله قبلوا جميع الاوراق
لكن بعد ماطلعت من المكتب بساعتين تقريبا جاني رساله ع الايميل من بوكنق ان الفندق الغى الحجز وانه لايقبل نزلاء سعوديين للاسف عنصريه من الفندق
لكن سؤالي الان هل السفاره راح تتواصل مع الفندق للتاكد من الحجز او شيء من هالقبيل
ع الرغم من ان الفندق كنسل الحجز لكن الى الان الحجز ظاهر بموقع البوكنق
فهل حركة الفندق هذي راح تأثر ع التأشيره او لا افيدوني
__________________________________________________ ___________________

السلام عليكم ورحمة الله وبركاته
طبعا انا مخطط اسافر المانيا في سبتمبر القادم
والحمدالله شريت التذاكر+حجوزات فندق حقيقيه
طبعا انا طالب وغير موظف واخوي معلم وهو اللي بيتكفل بالمصاريف
اوراقي اللي جهزتها للحين :
1-تذكرة سفر
2-حجز فندق
3-جواز سفر صالح ل 5 سنين
4-خطاب تعريف من عمل اخوي الكتروني مذكور فيه الراتب 11500 ريال + مترجم
5-كشف حساب ل 3 اشهر من حساب اخوي اللي ينزل فيه الراتب مترجم بس الرصيد وقتها كان اقل من 1500
6-تامين طبي بمدة السفر من التعاونية
7-تعريف من الجامعه بأني طالب
8- فيزا تسوق الراجحي خاصه فيني وبأسمي
فما ادري وش باقي ينقصني من اوراق او مستندات
وبالنسبه ان اخوي بيكفلني وش يحتاج
هل يحتاج يوقع اي اوراق ؟ هل يحتاج يحضر معي وقتها؟
اذا في اوراق يحتاجها ويوقعها ياليت تذكرونها لي لان موعدي قرب وحجزت تذاكر وفنادق بقيمة 6000 فما ابي اخسر ولا ريال
اخر سؤال هل تعبئتي للحقول التاليه في النموذج الالكتروني صحيحه ؟ وهل النموذج الالكتروني يغني عن الورقي؟









اتمنى منكم ماتحرموني من نصائحكم وخبراتكم خصوصي ان حظي مع الدوائر الحكوميه سيء جدا