السلام عليكم

إن شاء الله ناوي أروح سفرة أوروبية ( إيطاليا, النمسا, ألمانيا, سويسرا) ,,, الوصول بيكون إلى ميلان في البداية و عندي كم سؤال ياليت أحد يقدر يساعدنا فيها و جزاكم الله خير ,,,

1- حسب معلوماتي ( القديمة ) إن السفارة الإيطالية ما يدققون واجد و يعطون الفيزا بسهولة و عشان كذا حجزت موعد عليهم و بطلع الفيزا من عندهم (مع العلم إن أغلب الأيام يمكن إقضيها في النمسا ) لكن عجزت ألقى موعد على سفارة النمسا ,,,, السؤال >> هل لو خليت مكتب يحجز لي فنادق في إيطاليا حجز وهمي علشان بس أكمل الإجراءات بيمشي الحال ؟ و طبعا بعدين أنا أحجز الفنادق اللي أبيها في المكان اللي بروح له

2- بالنسبة للحجز على رحلة الوصول إلى ميلان >> لاحظت ان الحجز على مطار Linate أرخص بكثير عن مطار Melpensa تقريبا فرق 2000 ريال مع العلم إنه أقرب إلى الدومو ( المسافة بالسيارة تقريبا 30 دقيقة) , فهل أحد جرب ينزل في هذا المطار و يعطينا تجربته ؟

إن شاء الله بآخذ رايكم في برنامج الرحلة قريب

و يعطيكم العافية

وعليكم السلام

الله يحييك

1- كلها تتشابه في التقديم بس الاسرع حالياً و أقل تدقيق هم فرنسا و المانيا
الافضل تعمل الحجوزات بنفسك من النت عشان تعرف موعد الالغاء
لأن بعض المكاتب مجرد ماتخرج من الباب يلغي الحجوزات

2- مايفرق اي مطار بس أهم شي تتأكد من اسعار المواصلات و نوعها
من المطار للمدينة

الله يعطيك العافية و ما قصرت

اللي فهمته من كلامك إن الوضع سهالات ,,, يعني أهم شي تطلع الفيزا و ألغي الحجوزات ( بس حبيت أسأل هناك في المطار هل بيسألون عن الحجوزات و ليش ما أخذت الفيزا من الدولة اللي فيها أكثر الأيام ؟)

خلي معاك نسخة من الحجوزات قبل لا تلغيها

وقدمها له اذا سأل فقط