ماشاءالله التصوير تمام التمام
عين لندن والوانها والإضاءه تهبل
بوغسان عين لندن تظل شغاله الى اي ساعة بالليل ؟

مدخل الماريوت هذا يكون على اليسار من امتداد الجسر وانت جاي من البيق بن صح ؟؟

كان عندي اسئلة بمشاركتي الاولى ...مارديت علي فيها
والا خاش الاجابه للتقرير ؟؟

هنا فندق بارك بلازا ويستمنستر جنبنا مطل على البيق بن



وهذا فندقنا عشان تعرفون الفرق بالاسم لأن الاول عادة اغلى



هذي المحلات جنب فندقنا تبيع اي شي كروت شحن ، شرايح نت و تذاكر فعاليات وووووو
لقيت عند هذا المحل عرض ليبارا وهو ممتاز حالياً 10 قيقا لمدة شهر + اتصالات لامحدودة مع خطوط ليبارا
+ مكالمات دولية مجانية محدودة بدقايق بـ 30 باوند
المشكلة أنه مايقبل الا كاش لذا تركته على الرغم من وجود مكينة صراف عنده
رأيي اللي مايقبل السحب بالطاقة ما اشتري منه
لأن السحب من مكينة الصراف يحسب رسوم اضافية علي



لقينا هذا المحل بعده بكم خطوة و عنده مكينة سحب
الخيارات كانت ليبارا او فودافون او لايكا عندهم
فودافون ممكن تشتري السيم من المحل 2 باوند و تسجب بموقعهم على النت و تشحن بالكريدت كارد
لايكا تشتري السيم 1 باوند و تشتري كروت شحن حسب رغبتك اتذكر قال 5 قيقا بـ 20 باوند ممكن تتأكدوا من موقعهم

اشتريت منه 3 كروت ليبارا بـ 90 باوند + 1 باوند لكل رقم و سوى الاعدادات لنا بنفسه مجاناً
عرض ليبارا تشوفه بكل مكان حتى معلنين على الباصات



سوبرماركت



محطة الاندرقراوند " واترلو " الاقرب لنا و عليها ضغط كبير






من هذي المكاين تشتري اويستر كارد او تشحنها
طبعاً اشترينا من هنا 3 كروت اويستر وكان لازم يجي الموظف و يفعل لنا خصم 50% للشباب لأعمارهم
شحنت لي 10 باوند و كل واحد منهم 15 باوند لأنهم جالسين أطول



رحنا للبيكاديللي سيركس و هنا سميت سراي التركي



و صورناهم مع كباين لندن الشهيرة







طبعاً كافيه كونسيرتو بوسط البيكاديللي و جنب الكباين



قلبوا الشباب المنيو ما أعجبهم شي
قلت امشوا اوديكم لمكان راح يعجبكم






و أخذتهم على بريت
وهنا قلت كل واحد يطلب و يحاسب بنفسه
بديت بنفس أخذت 2 كروسان زبدة مع شاهي وعصير برتقال
ثم حسام طلب 2 كروسان شوكلاته مع هوت تشوكلت
و غسان طلب 2 كروسان شوكلاته مع عصير برتقال
الحساب كان بالبطاقة وكنت ابغاهم يتعودون على طريقة الطلب و الدفع بالبطاقة
و تمت العملية بكل سلاسة



من هناك رحنا مشي على ميدان الترافلجار






وهذا موجود بالميدان
تذكير بسيط هنا أن لازم يكون معاك هلل عشان تعطي اللي تتصور معاهم
بالنسبة لي ما أعطيت أحد لأن ما معي الا بطاقة نقول لهم شكراً



و هذا المتحف الوطني في الميدان



وطبعاً لازال الوقت مبكر ولا حول العصر يكون الميدان زحمة
و هو بالمناسبة من معالم لندن الهامة
ممكن تمشي له من شارع الاكسفورد
راح نتكلم أكثر عن الميدان و عن تجربة الشباب الجديدة

بوغسان احنا فندقنا الاول ويستمنسر اللي كله زجاج


Sent from my iPhone using Tapatalk

الله كافيه برت ياحلوه وياحلو شورباته وچيز كيك ليمون وشوكلت موس [emoji174][emoji174][emoji174]


Sent from my iPhone using Tapatalk