السلام عليكم ورحمة الله
مساءكم فل وياسمين
اول مره اشارك بالمنتدى فياليت تساعدوني في اختيار المناطق إللي تجمع مابين الطبيعة الساحرة والمعالم بما إني اول مره افكر اسافر لإوربا حاخذها بإذن الله 18 يوم اللي افكر اسافرلها ( المانيا ايطاليا سويسرا بلجيكا) ماستغنى عن اقتراحاتكم
وابغى اسئلكم وش رايكم في شركة ريكسون لو طلعت معاها احنا شخصين فقط
دمتم بود وسلامتكم

شوف تقرير هالعضو ، ماشاء الله تقرير مرتب وإن شاء الله تستفيد منه وتحدد اللي تبيه
http://www.arabtrvl.com/vb/t1391.html

نفس ماقالو الخبراء ماشاء الله عليهم

المخططين ممتازين
بس ياريت تذكرين تنقلاتكم بالسياره او بالقطار

اختي بخصوص تسافرين عن طريق شركه نصيحه خلي حجوزاتج بنفسج ولاتاخذين عن طريق شركه

اولا السعر راح يكون الضعف
ثانيا لو بغيتي تغيرين شي ماتقدرين الا لما تكلمينهم وهذا صعب وانتي مسافره ومش عملي

تحجزين من نفسج وتغيرين براحتج الي تبغينه
وتوفرين عليج مبلغ

انا والاخوان اكيد ماراح نقصر

انا مستعد ابدي معاج من A to Z

بكل الحجوزات صدقيني والله الموضوع ممتع وسهل وتوفير

بنحجز لج الفنادق ونعطيج الاماكن السياحيه وطريقه تنقلاتج
ولو تبغين تستأجرين سياره بعد بنكون معاج

هذا المنتدى شركه سياحيه مجانيه
فيها ناس يحبون الخير ويبغون المساعده والاجر
مهمته نفس مهمه ماتقوم به الشركات السياحيه وأكثر

مررره اشكركم على ردودكم وتعاونكم الرائع بجد ماقصرتوا الله يعطيكم العافيه

اقتباس :  المشاركة الأصلية كتبت بواسطة qa6ar911 انا مستعد ابدي معاج من A to Z بكل الحجوزات صدقيني والله الموضوع ممتع وسهل وتوفير بنحجز لج الفنادق ونعطيج الاماكن السياحيه وطريقه تنقلاتج ولو تبغين تستأجرين سياره بعد بنكون معاج هذا المنتدى شركه سياحيه مجانيه فيها ناس يحبون الخير ويبغون المساعده والاجر مهمته نفس مهمه ماتقوم به الشركات السياحيه وأكثر

ماستغنى عن خبرتكم وبصراحه المساعده عرض مغري لايفوت
طيب متى نبدا مخطط السفر وانا بودي كنت اسافر في وسط شهر مارس هل عندي وقت كافي او لا

الله يسعدكم ع تعاونكم
دمتم بود

المسافات بين المناطق المذكوره بالمخطط

من بروكسل ( محطه الوصول ) الى كولن
بالسياره ساعتين (215 كيلو )
بالقطار ساعه و 50 دقيقه دايركت


من كولن الى بادن بادن
بالسياره 3 ساعات ونص ( 335 كيلو )
بالقطار بين ساعتين الى 3 ساعات حسب الرحله

من بادن بادن الى انتر لاكن
بالسياره 3 ساعات ونص ( 310 كيلو )
بالقطار 3 ساعات ونص


من انتر لاكن الى لوغانو
بالسياره ساعتين و 45 دقيقه ( 190 كيلو )
بالقطار 4 ساعات و 44 دقيقه


من لوغانو الى ميلانو
بالسياره 50 دقيقه ( 80 كيلو )
بالقطار ساعه و 9 دقايق


مسار المخطط ( رحلتج )

العاب

انا تخطيطي لاوربا اول مره بما انك مجرب ابغى مشورتك
الله يعطيك العافيه السيارة افضل او القطار ؟
انا ودي بفرنسا بس عشان برج ايفيل وروما الآثار اللي فيها وابغى اشوف مصارعة الثيران
وهل تأيد اني اروح جبال الالب السويسريه او لا ؟
واخويه عزام قال النمسا وانا قلت كمان هولندا ترى حتهوس رشحولي الافضل والاحلى بين يدكم
كم الميزانية اللي تتوقعها
الله يعينك ع كثرة الاسئلة