السلام عليكم.. اعتذر عن ازعاجكم..وكثرة الاسئله.. لكن عشان تعذروني ماعمري سافرت وحتى جواز ماعندي توه بيطلع الاسبوع الجاي.. مارحت الا لقطر وبسياره.. وعندي فوبيا من الطياره من 10 سنوات ☹
قررت اروح ماليزيا..22 اوقست.. والعوده 1 سبتمبر. وعندي بعض الاسئله
*كيف اعرف افضل خطوط؟ انا يهمني السعر جدددا بس في نفس الوقت مابي شي سيء
دخلت المواقع ودخلت التواريخ وعددنا طلع لي خيارات كثييييره شي دايركت وشي ترانزيت الدوحة وشي ترانزيت دبي وش اختار
وكيف احجز واشتري تذاكر من المكاتب ؟؟
*انا معي 3 اطفال 12 سنه و8 سنوات و3 سنوات وصراحه مابي يشوفون مناظر عري او خمور او تفتح ممكن تعطوني 3 مدن ماليزيه بعيده عن الصخب لكن مميزه بالجو الحلو او المطر يعني ريفيه ويكون التنقل بين المدن بالسياره مابي طيران داخلي.
*ابي فندق في كل مدينه تنصحوني فيها بشرط سعره 250 وحولها لاني باخذ غرفتين كونكتد..
*التنقل رايكم نستاجر سياره؟ ولانعتمد ع التكاسي؟؟
*الانترنت اخذ بس شريحة للنت ولا اتصال ولا وش رايكم ومن وين اخذهم
*تعرفون دكتوره نفسيه في الرياض ممكن تساعدني في التخلص من الفوبيا ��
تكفون افزعوا لي وزوجي معتمد علي وانا ضععععت بين المواضيع لان لي شهرين اجهز للسفر لتركيا واجمع معلومات ثمن صار الانقلاب وغيرت الوجهة فماعاد فيه وقت ابد اضيعه..

اهلا اختي بالنسبة للخطوط عندك السعودية والماليزية دايركت ودا الافضل لكن سعرهم غالي
في القطرية كان عليها عروض وللان بعض الرحلات ايضا مخفضة بس ترانزيت
ادخلي موقع سكاي سكنر وحطي تواريخك وتطلعلك الرحلات من الارخص للاغلى
اذا عندك مستر كارد احجزي بس من موقع الخطوط نفسه اضمن واذا السعودية ممكن عن طريق سداد
بالنسبة لاولادك الله يحفظهم لك المناظر اكثرها في المنتجعات على المسابح وفي غيره
بالنسبة للمناطق طبعا افضل لنكاوي لكن انتي قلتي ماتبغي طيران داخلي في الكاميرون وبينانج بالباص الاخوان يساعدونك باذن الله
الانترنت دايما انا وزوجي ناخد شرايح من المطار ومعاها نت
اما الفوبيا الله يعينك ويشفيك بس لا تخافي يااختي توكلي على الله الواحد حتى بالسيارة يخاف وحوادث وربي حافظكم وحافظنا والجميع يارب
انا من راي تاخدو شقق فندقيه خصوصا في كوالالمبور
انا نفسك السفرة الماضية كانت لتركيا وصارت احداث وانفجارات وحولنا لماليزيا بس ساعدنا انه نعرفها وسافرنا قبل اقري التقارير واي استفسار الكل مايقصر ورحلة سعيدة يارب

هلا اختي الافضل لكم احجزي من مكتب التذاكر لانه اول مرة وبعدين لو فيه خطأ لاسمح الله تصير مشكلة خلي زوجك يروح للمكتب ويقول له ايش تبغوا ويختار وممكن يكلمك بالتلفون صح المكتب ياخذ عمولة لكن مو كثير يعطيك ظرف مكتوب فيه موعد الحضور ورقم الرحلة وكل البيانات وبعدين تجي المرحلة الثانية الفنادق هذه سهلة من بوكنج او اي موقع اخر ولك تحياتي

وعليكم السلام

اولا اذا عندك فوبيا فخذي حبوب منومه ونامي طول الرحله وريحي راسك
الخطوط عندك كثيير و ع حسب انتي تبغي ترانزيت او دايركت ونصيحتي دام عندك فوبيا كذا خذي دايركت عالخطوط السعوديه افضلك وخاصه ان معاك اطفال بيتعبوك بالترانزيت اما المكاتب مااقدر افيدك لاني ماجربتها

ومناظر العري مدري ايش اقولك صراحه بس دائما اقول اللي ماتبغى تشوف هالمناظر لاتطلع برا السعوديه يعني لو تجنبتيها بالشواطئ حتكون قدامك فالصن واي لاقون فالشوارع

بالنسبه للمدن عندك سلانجور وكوالمبور وبينانج والكاميرون تتنقلي بالسياره
ولنكاوي تقدري تروحي لها طياره وتتجهي منها لبينانج بالفيري كتجربه جديده وهروب من الطياره

الفنادق مااقدر افيدك فيها

التنقل اشوف تاكسي افضل

الشرايح خذي اتصال ونت لان بعض الفنادق مايكون فيه نت الا باللوبي وخذوها من المطار

واللاسف انا مو من سكان الرياض ويارب تتشافي من هالفوبيا عاااجلا

رحله موفقه

الله يجزاكم خير جميعاً.. طيب حلو ساعدتيني كثيييير في اختيار المدن.. طيب فيه مطار ثاني اقدر احجز عليه من الرياض غير مطار كوالالمبور ؟؟

بس مطار كوالالمبور


أرسلت بواسطة iPhone بإستخدام Tapatalk

من الرياض لا
فيه مطار اير اسيا من جده لكوالمبور ومطاره غير المطار الرئيسي لكوالمبور


أرسلت بواسطة iPhone بإستخدام Tapatalk

الله يسعدكم .. ماقصرتوا.. استفسار صغير من فضلكم... وش المناطق او المدن الي اقدر اروح لها من كوالالمبور بالباص.. يعني الرحله 4 ساعات واقل بالباص..ويكون جوها جميييل

من كوالا تقدرين تزورين مرتفعات كاميرون هايلاند كذلك مرتفعات جنتنق وكذلك القرية الفرنسية واليابانية


أرسلت بواسطة iPhone بإستخدام Tapatalk

نصيحه مني لك

اذا اول مرة تسافرين ماليزيا روحي لمكتب ويحجز لكم كل شي وصحيح بياخذ عموله بس تكوني في الطريق الصحيح وبدون ماشكل هناك لان مواقع النت اذا لم تكوني متمرسه راح تتلخبطين وممكن فلوسك تروح عليك

كوالا 2 ليله سلانقور جنبها ملاهي صن واي لايقون وكم سوق جدا حلو

4 ليالي في بينانق في فندق قولدن ساندي او هوليداي ان في منطقة الباتو فرنجي وجنبك كل شي من مطاعم ومكاتب تلاقين وش ما بغيتي

4 ليالي او5 ليالي في لنكاوي تروحي بالعبارة تقصين تذاكرها من المكاتب اللي قدام الفنادق او طيران35 دقيقه تحجزيها من هنا وفي لنكاوي اسكني في فندق بست ستار او موليبست او سينانق بلازا بتش لانه جنبك كل شيء مطاعم واسواق وانشطه وشاطيء

بعدين الى كوالا بالطيران ومنها الى جنتنق ليلتين تكفيك واحجز في فندق فيرست ورلد وبعدن الى كوالا قضي باقي الايام وافضل لك السكن في شارع العرب فيه فنادق جدا رخصيه مثلا كابيتول او فيدرال لانها في قلب الشارع وحلوه ومجربه واذا بغيتي رخيص بس بدون فطور عندك سن وينق سعره جدا رخيص

لابد تبحثي عن جداول السياحه والاساوق في كوالا وكذلك بينانق وكذلك لنكاوي تلاقين فيها كل شي ومنها تقدري تروحي حسب رغبتك لانها مشورح فيها كل شيء