رحلتي القصيره للكويت الحبيبه 2014 - الصفحة 10

فيصل · 15-02-2015, 11:25 AM

خطيرررررررررررررررر مع الجبن يا سلام

ايه نبي المطاعم السنعه

هداوه · 15-02-2015, 12:27 PM

اترقبوا اليوم الجزء الأخير
وعقب هالتقرير تبون بعد تقرير يديد ولا تعبتوا ونآخذ اجازه

اقتباس:
المشاركة الأصلية كتبت بواسطة هاوية الاسفار

بطاطس بالجبنه كأنه صحن كشري
متابعين

هههههههههههههههههههه
تشبيه بليغ

اقتباس:
المشاركة الأصلية كتبت بواسطة الغردقاوي
مطعم Open Flam Kitchen شكل تقديمهم لأطباقهم غريب وعجيب
لكن ديناميت الروبيان شكله ديناميت فعلا وأخاف ينفجر بالداخل ههههه

يعطيكي العافيه متابع

خلاص انفجر في بطني هههههههههههههههههههههههه

اقتباس:
المشاركة الأصلية كتبت بواسطة ام ميلاد
طبعا حنا نثق في ذوقك

بس حتى لو ماقلتي انه ماعجبك.. من الصور حسيت انه دسم

في اكلات كثيره دسمه مع ذلك نحبها.. بس من الصور حسيت انه اكلهم يغث

يمكن هالمطعم من طقه تشليز وفرايديز..وانا هالمطاعم ماتستهويني.. ممكن اجرب مره وخلاص

اخر صوره للبرقر..بيبي برقر هي اللي حسيتها لذيذه

واصلي متابعين

وصفتي بالضبط شعوري اللي حسيته
فعلا دسم ويغث ، وفيه دسم نحبه ويريحج
وصح كلامج هذا من المطاعم اللي بجربها مره وخلاص لكن طبعا الا يعجبه بيكرره
تصدقين عليه زحمه مب طبيعيه لدرجة انج تنتظرين مدة في بعض الاوقات
أم أحمد كلمت مديرهم وقالتله عندي ضيوف من الامارات فحاولوا ترتبونا طاوله
وما أخرونا وايد ووفرولنا طاوله
بالنسبه للبورغر انا من محبين الهامبورغر بس سبحان ماحبيت خلطاتهم

اقتباس:
المشاركة الأصلية كتبت بواسطة الايمان
هذا المطعم لمحبي الهمبورجر

فعلا اكله دسم لانه كله صلصات لكنه لذيييييييييييييييذ

متابعينج يا ام عيسى

شكلج من عشاقه
وأم أحمد صديقتي بعد من محبينهم

اقتباس:
المشاركة الأصلية كتبت بواسطة فيصل

خطيرررررررررررررررر مع الجبن يا سلام

ايه نبي المطاعم السنعه

انا بعطيكم مطاعم سنعه
وانتوا اعزموني

q8ya metnaqla · 15-02-2015, 10:15 PM

وانا بعد من محبيييينه ))
نموووت على الدسم والديناميت

عليكم بالعافيه

وقواج الله

هداوه · 16-02-2015, 12:07 AM

اقتباس:
المشاركة الأصلية كتبت بواسطة q8ya metnaqla
وانا بعد من محبيييينه ))
نموووت على الدسم والديناميت

عليكم بالعافيه

وقواج الله

الله يعافيج ويقويج حبيبتي
هيه والله مايعيبنا الا الدسم

هداوه · 16-02-2015, 12:17 AM

الجزء الأخير

مطعم بوب ألوب
Pop a loop

عنوانهم

Address: #16 Ground floor, 244 Abdulaziz Bin Abdulrahman Al Saud
Phone:+965 2227 1439

Expressway, Fnaitees, Kuwait

Open today · 2:00 – 10:30 pm

معلومات من النت

جربة فريدة مــن نوعهـا يعيشهــــا زوار مطعـــم «Pop a loop» في مجمع ديفون

حيث يستطيعون التمتع بالأطباق المفضلة لديهم في أجواء لا تخلو من المرح والخيال والطرافة في بعض الأحيان

فانتظار وصول الطبق عبر الـ «rollercoaster» فيه الكثير من المتعة والحماس ويجعل من وقت الطعام وقتا مسليا.

ويعتبر مطعم «Pop a loop» من «المطاعم الذكية» في العالم
وهو المطعم الأول في العالم العربي الذي يعتمد هذه التقنية المتطورة في تقديم الطعام وهي حركة فيزيائية سريعة لا تحتاج إلى الكهرباء وتستغرق رحلة الطبق عبره أقل من 10 ثوان، وعن الفكرة يقول صاحب المطعم محمد العنجري إن فكرة المطعم ألمانية ويوجد له 4 فروع في ألمانيا، وهذا هو الفرع الأول الذي يفتح خارج ألمانيا في العالم وهو تجربة فريدة من نوعها في الكويت وتحاكي الأفكار الشبابية من خلال الحركة والديكور.

ان ما يميز المطعم هو أن الزائر يقوم بطلب طعامه عبر شاشة موضوعة على الطاولة، ويمكنه التعرف على كل الأطباق من خلال لمس الصورة بها ورؤية الطبق قبل طلبه، وبعد الانتهاء من الطلب ينتظر الزبون فترة تتراوح بين 15 و20 دقيقة كحد أقصى ليصله طبقه مرقما برقم الكرسي الخاص به. والجدير ذكره هو أن قائمة الطعام تتميز بأنها تتغير كل فترة حرصا على التجديد.

ما مهمة الموظفين في المطعم فهي تقتصر على مساعدة الزبائن على إتمام طلباتهم في حال احتاجوا الى ذلك وطبعا تأمين كل سبل الراحة التي تساعد على الاستمتاع بالأطباق التي يمكن اختيارها من ضمن قائمة عالمية متنوعة تتناسب مع كل الأذواق فهي تشتمل على الأطباق الكويتية والبرغر والباستا والسلطات والمقبلات والحلويات وغيرها.

انطباعي عنه

اول مره زرت هالمطعم كان قبل كم سنه في يوربابارك في المانيا وكان وقتها توا فاتح يديد
وعجبتنا فكرته وحبينا أطباقه
وقبل لا أسافر الكويت قريت عنه انه موجود في الكويت وهو الفرع الوحيد اللي خارج المانيا
وفي المانيا قريت انه عندهم 3 فروع
لما دخلت المطعم حسيته وايد صغير في الحجم مقارنه باللي في المانيا وماحبيت ديكوراته
ولكن لابد من تجربته لأنه فعلا مطعم متميز بفكرته العجيبه
ولما يلسنا وساعدنا الموظف في اختيار أطباق وعلمنا نكيف نختار من المنيو
طلبنا وبدأت مرحلة الضحك والوناسه ع كل جدر ينزل علينا
والأهم وبدون مبالغه
أطباقه وااااايد لذيذه الصراحه ماتوقعته جيه
المطعم يستحق التجربه والتكرار
وحاولوا تسيرون بدري او تحجزون قبل لاتسيرون عشان تحصلون مكان لأنه صغير وممكن يكون مزدحم

شوفوا أول الفيديوهات اللي نزلتها وعقب الصور

">" type="application/x-shockwave-flash" wmode="transparent" width="425" height="344">

جلسات خارجيه بس أعتقد بيوصلولهم الاكل بالطريقه العاديه

الجلسات الداخليه

أحيانا كنت أنسى أصور الطبق ويوم أتذكر نكون بهدلناه

باستا لذيذه

بتر شيكن وياعيش لذيذ

أول ماشفت هالطبق لاعت جبدي منه بس لما تذوقته
طلع خطييير ولذيييذ وهو من اللحم
كلته كله من لذته

كل أطباقهم ماشاءالله تجنن وفي رآيي احلى من اللي في المانيا

وبالعافيه علينا وعلى اللي بيجربه

في الختام
أشكركم ع تفاعلكم ويايي ومشاركاتكم الجميله اللي أسعدتني
وتعليقاتكم الاجمل
وانا سعيده انه نحن رجعنا نلتم مره ثانيه
وتقريري هذا هو هديه مني وحصري لمنتدى العرب المسافرون بمناسبة افتتاحه وعودتنا له مره ثانيه

تحياتي لكم ...
هداوه

قهوة سآدةمعجبون بهذا.

آخر مواضيع هداوه

- جديد دبي ...حديقة دبي المتوهجه
- يومياتي في منتجعات كارلوفاري وبراغ ( الشيك )
- مغامراتي البحريه في الكروز MSC للأراضي النروجيه
- الدليل السياحي الشامل لسويسرا بالمختصر المفيد...
- الدليل السياحي الشامل للنمسا بالمختصر المفيد...

التعديل الأخير تم بواسطة هداوه ; 09-02-2016 الساعة 03:25 PM

اسماء ام احمد · 16-02-2015, 12:54 AM

الله يعطيج العافية يا الغاليه روعه التقرير وأحلى ما فيه صوتي

اسماء ام احمد · 16-02-2015, 01:03 AM

هداوه طبق الربيان ما نقدر ناخذه تيك اوي هال مطعم ما يعطي يعني لازم نقعد فيه أحسن انا احبه

فيصل · 16-02-2015, 02:22 AM

حنا نشكرك علي التقرير الحصري
ولا قصرتي

هاوية الاسفار · 16-02-2015, 05:39 AM

تسلم يمناج على كل اللي قدمتيه و ما شاء الله كانت تجربة المطاعم روووووووعه و ان شاء الله يكون تقريرج مرجع لنا لاختيار المطاعم السنعه على قولة الكويتيين
يزاج الله الف خير ما قصرتي

ام ميلاد · 16-02-2015, 11:05 AM

حبيت هالمطعم حسيته وناااسه

وكنت متوقعه انه الذ وانطع من فرع المانيا

بالنسبه للبرقر.. وانا بعد من عشااااق البرقر.. بس افضل المطاعم المحليه
لانه اللحم والدجاج يجي فررررش ..حتى الخبز يكون توه مخبوز

اكييييد نبي تقرير جديد.. وفيه احد مايبي تقرير من هداوي

بس لاتضغطين على عمرك .. متى ماحسيتي انك مستعده لكتابه تقريرك .. احنا بانتظارك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي إلى الفلبين .. سبتمبر 2014	Abu Rakan	بوابة الفلبين	24	15-04-2019 09:56 AM
خطة رحلتي 2014	ابن حنتوش	بوابة جنوب افريقيا	23	09-07-2017 06:58 PM
رحلتي القصيره لقطر الحبيبه 2015	هداوه	بوابة قطر	131	27-04-2016 04:51 PM