السلام عليكم

حجزت موعد على السفارة النمساوية يوم الأحد الفادم بمشيئة الله لكن عندي الأسئلة التالية :

1- الأيام في ألمانيا زايدة يوم واحد عن أيام النمسا , هل راح يدققون و يقولون ليش ما تطلع الفيزا من السفارة الألمانية ؟ (خصوصا إني قريت تجربة أحد الأعضاء بأن الهنود في المكتب الموحد في الخبر نفسيات)
ملاحظة : أنا احتياطا حجزت فندق في النمسا يومين زيادة علشان تصير الأيام أكثر و راح ألغيه بعدين ( لكن هاليومين أصلا متداخلة مع الحجز اللي بعده في أيام ألمانيا ,,, فهل بتمشي الأمور ولا بيستقعد و يدقق هذا الحجز متى يبدأ و متى ينتهي ؟؟)

2 - بعد إدخال البيانات و حجز الموعد ما طلب مني دفع رسوم لحد الحين ( هل أدفعها كاش لما أروح هناك) ؟ >> شكيت في الموضوع لأن السفارة الألمانية تدفع بعد إدخال البيانات في الموقع مباشرة . (و حاجة ثانية ,, الأبليكيشن اللي عبيته تبع سفارة النمسا ورقي يعني طبعته و عبيته بخط اليد >> هل هذا مضبوط و لا عندهم نموذج الكتروني)

3- هل تنصحوني أحجز موعد على السفارة الألمانية احتياطا ؟ و هل لو لغيت الموعد بعدين يرجعون المبلغ اللي سحبوه ؟

أتمنى ألقى الأجوبة بأسرع وقت علشان يمديني أتصرف

و جزاكم الله خيرا.