السلام عليكم

احتمال أحتاج إلى فيزا عبور ( ترانزيت) لأني حاجز على الخطوط البريطانية في رحلتي إلى ميلان و بيكون فيه تبديل للطائرة في مطار هيثرو.

و عندي كم سؤال ,, إن شاء الله ألقى أجوبتها :

1 - كيف إجراءات فيزا الترانزيت لو بطلعها من مكتبهم في الرياض و كم يوم تاخذ علشان أستلمها ؟

2 - كانت عندي فيزا بريطانية سابقة و لما جيت أطلعها أخذو البيانات الحيوية ( البصمة ) , فهل أحتاج أروح أبصم من جديد ؟

يعطيكم العافية

وعليكم السلام

قبل لاتبدأ في الاجراءات

هل اشتريت التذاكر على الخطوط البريطانية ؟

نفس اجراءات الفيزا السياحيه بس سعرها اقل تقريبا ٣٥٠ ريال ..

حياك الله يبو غسان

نعم اشتريت التذاكر على الخطوط البريطانية و علشان كذا فيه ترانزيت في مطار هيثرو ,,,, للأسف ما انتبهت لاحتمالية احتياجي لفيزا إلا بعد عملية الشراء و التذاكر غير قابلة للاسترجاع ,,,

أنا الحين لسى أنتظر الجوازات من سفارة النمسا و بعدها راح أقدم على الفيزا البريطانية ( لو كانت إلزامية) و إن شاء الله يمديني لأن السفرة 2 سبتمبر ,,,

فهل أحتاج أرجع أبصم عندهم من جديد مع العلم إني طلعت فيزا بريطانية من قبل و أخذو البيانات الحيوية ؟

الترانزيت في نفس المطار ؟
اذا في نفس المطار لا داعي

عفوا ماهي الجنسية

سعودي

هو يعتمد انت راح تواصل سفر على نفس الخطوط يعني ماتحتاج تغير خطوط و تيرمنالز ؟

راح تستخدم اي خطوط من والى لندن و من لندن الى وجهتك الاخيرة
عشان نعرف راح تغير ترمنال او لا

و هذا الموقع رسمي ممكن تتاكد منه
https://www.gov.uk/check-uk-visa

https://www.gov.uk/government/world-...-via-the-uk.ar

هذا رابط من وزارة الخارجية البريطانية فيما يخص فيزا الترانزيت


اخوي اذا انت تبديلك للطيارة من نفس مطار هيثرو يعني ماتحتاج تمر على موظفين الجوازات فماا اتوقع انه فيه داعي للفيزا لانك راح تكون داخل حدود التيرمنال اما اذا كانت الرحلة من مطار ثاني فعندك مشكلة لازم تسوي الفيزا لانك بمجرد ماتمر من موظفين الجوازات انت دخلت حدود بريطانيا حتى لو انك بالمطار بس. نظام بريطانيا ممكن مختلف شوي لو تقرا الرابط بدقة راح تعرف انك تحتاج او لا وشكرا