بالنسبة لي موقف في رحلتي الأخيره لأسطنبول

الحجز كان عرعر - الرياض اسطنبول ..

جواز المدام انتهى قبل السفر وجددته بدون بصمة عن


طريق احد الشباب بالجوازات لأن المعروف

ما تستخرج جواز الأ بعد ما تمر الأحوال المدنية وتبصم وبعدها تجدد

الجواز او تستخرج جديد المهم طلعنا من مطار عرعر ووصلنا مطار الرياض

صعدنا للصاله الدوليه وصلنا الجوازات بنختم بسم الله اخذ الجواز الموظف قال بصم

فيه جهاز قدامه كل شي تمام

جت المدام تبصم ؟؟؟؟؟؟؟؟؟؟؟؟؟؟؟؟

ما فيه بصمات لها

قال كيف طلعت الجواز بدون بصمه

انا هنا طقتني ام الركب باقي عن الرحله ساعه وش اسوي الحين

قلت يا بن الحلال رح الجوازات وقدمت الأوراق وعطوني الجوازات

قال طيب رح لعبدالله هذا كونتر بعيد عنه شوي قلت شكلنا

طحنا بورطه ويرجعنا والأ يسوي لنا سالفه ..

وصلنا عبدالله قال للمدام تعالي بصمي بالجهاز اللي عنده وبصمت

والحمد لله ختم الجواز وعدت كل الكلام هذا دار في دقيقتين او اقل

بس لحظات صعبه

مرتبط بحجوزات وفنادق وطيران داخلي ودافع فلوس وخالص


موقف صعب
\

نلتقيكم في مواقف اخرى