السلام عليكم ورحمه الله
هدخل بلموضوع عشان ماضيع وقتكم ...

انا ابغى اسافر لباريس لمدة 12 يوم انا وزوجي و2 بناتي الاعمار ...سنتين و7 سنوات
طبعا انا ماعمري خرجت من بيتي ولى اعرف اي شي بالسفر ..
ابغى 3 ايام بدزني لاند ...بفندق دزني لاند المطل على الحديقه نفسها وباقي الايام بوسط الشانزليزية ...

ابغى فزعتكم بتخطيط رحلتي بالكامل من كل شي حتى بالاوراق والحجوزات بالتفصيل ...الله يسعدكم لاني ماعرف ولى شي...وانا ابغى باريس بوقت دافئ او لا تقل درجة الحرارة عن 20 مابغى البرد
مع العلم ميزانيتنا 40 الف شاملة كل شي ...هل تكفي او لا
وابغى النصايح من الجميع وتثقيفي في كل شي رغم اني اقرأ كثير بهلقسم بس برضو احس اني مافهمت كثير

وعليكم السلام

٣ ايام في ديزني ممتاز و فندق ديزني خيار موفق جدا
الحجز للفندق يكون عن طريق موقع ديزني مباشره و الحجز يكون شامل تذاكر الدخول خلال فترة الإقامة

البرنامج ممكن يكون ٣ ايام ديزني ٦ ايام باريس ٢ بروكسل تقدرون عن طريق القطار تروحونها مسافه ساعه و ثلث بالقطار

احلى الأوقات في اوروبا هي شهر مايو ، سبتمبر، أكتوبر الاجواء حلوه مائلة للبروده بس ما ادري اذا كان عندك ارتباط بالمدارس

بخصوص الميزانية الحجز المبكر للتذاكر و الفنادق وحتى القطارات راح يساعدكم في تقليل الميزانية

رحلة موفقه

ينقل للاستفسارات

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

مشكووووررررة جددددا على الرد

مازلت في انتظار ردود كل من يعرف معلومة حتفيدني

ما قصرت مشرفتنا ام ريم

اول شي ابدأي بتجهيز اووراقك للحصول على التأشيرة

http://www.arabtrvl.com/vb/t5780.html

ثاني شي حددي تاريخ الرحلة

ولاحظت من أعمار بناتك الله يحفظهم انك مرتبطة بالمدارس

اقرب وقت بداية سبتمبر يعني قبل بداية الدراسة (بس حتكون مع اجازة عيد الأضحى) وهالشي ممكن يأثر على أسعار التذاكر شوي

بعد كدة ما عندك الا السنة الجاية بعد العيد (لأن الدراسة تنتهي 20 رمضان)

الله يسعدكم جميعا ....نعم المدارس حتربطنا شوي لكن حشوف اجازات بين الترمين او اي اجازة....
من الان حبدأ اخطط ولذلك ابغى اعرف من بدري كيف اخطط وكم الميزانية المطلوبة

اجازات المدارس السعودية بين الترمين

اجازة في اخر يناير (وما انصح فيها) واجازة اخر مارس (حلوة بس الجو بارد شويتين)

التخطيط يبدا بتحديد الدولة (انتي مختارة فرنسا)

بعدين اجراءات التأشيرة (ممكن تسويها قبل موعد السفر ب 90 يوم)

بعدين الحجوزات (طيران - سكن - مواصلات - فعاليات - .......)

بعد اعتماد الطيران والسكن والمواصلات (نص الميزانية انتهت)

يبقى الفعاليات والمصروف الشخصي

وهذي على حسب اختياراتكم ورغباتكم

وحسب عددكم ، المعدل اليومي 1000 - 1500 ريال (ممكن تزيد او تنقص )

يناير ومارس برد الحرارة ما تتعدى ١٠ درجات
خلي شهر يونيو من ظمن الخيارات مباشرة بعد رمضان رغم الزحمه المتوقعه بس الاجواء بعدها ما اشتدت الحراره

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

للاسف فعلن بعد ماطلعت على الاجازات ...طلع الموعد الوحيد المناسب هوا 17 مايو 2017 ...لان الاجازات اللي قبل مايو حتكون برد وانا مابغى البرد ابدددن ابددددن ...يعني هل تنصحوني احجز وابدا في ترتيبات السفر من الان ولى اخليها قبل موعد السفر ب3 شهور

وشكرا لكم جميعا ....اسئل الله ان يبلغكم مرادكم ...فعلا ساعدوني كثير بالمعلومات اللي خبرتوني فيها