الجدول جاهز بس نحتاج تعديلات وتوجيهات بسيطه - الصفحة 2

آخـــرفـــرصـــة · 18-08-2016, 08:56 AM

اقتباس : المشاركة الأصلية كتبت بواسطة Shariz

اشكرك على ردك

استفسار اخر لو تفضلت

انا دخولي من التشيك وخروجي من ميلان وعدد الايام كالتالي:
التشيك 4 ايام - المانيا 4 ايام - جنيف يومين - ايطاليا 3 ايام

هل احتاج اقدم حجوزات الفنادق لمن اوصل ع مطار براغ ؟؟ ولا يشوفون الفيزا فقط

بالنسبه لايجار السيارات كيف اعرف اذا السياره ديزل ولا بنزين بالرغم انه غير مذكور في تفاصيل السياره وقت الحجز ؟؟

هل احتاج اخذ منهم جهاز Navigation ولا خرائط قوقل بجوالي تكفيني ؟؟

وشكرا مقدما

يعتمد على الموظف بس في كل الاحوال لازم يكون معاك حجوزات فندقية
حسب الدولة اللي طلعت منها الفيزا

مايفرق كثير بين الديزل والبنزين الاسعار متقاربة

قوقل مابز شغالة تمام

وجهات أوروبيةمعجبون بهذا.

Shariz · 18-08-2016, 02:11 PM

اقتباس : المشاركة الأصلية كتبت بواسطة آخـــرفـــرصـــة

يعتمد على الموظف بس في كل الاحوال لازم يكون معاك حجوزات فندقية
حسب الدولة اللي طلعت منها الفيزا

مايفرق كثير بين الديزل والبنزين الاسعار متقاربة

قوقل مابز شغالة تمام

قصدك حجوزات وهميه بشرط تكون الدولة اللي بدخل منها اكثر عدد ايام ولا عادي

مثلا انا بجلس 3 ايام في براغ و4 ايام في ميونخ هل احتاج اوريهم حجوزاتي في ميونخ ؟؟؟

ولا اوريهم الحجوزات الاصليه اللي هيه 3 براغ 4 ميونخ 2 جنيف و2 ميلان

اتمنى تفيدونا في الحاله هاذي

بخصوص قوقل مابز تحتاج انترنت وهناك متاكد انه النت غالي مو زي الباقات حقتنا هنا احسها ارخص

حاولت انزل برنامج here وان شاءالله يفي بالغرض

استفسار اخير الافضل التعامل باليورو ولا عملة كل بلد لحالها

والرخصه سمعت انه الرخص الجديده عشان فيها الاسم مكتوب انجليزي وعربي مايحتاج يطلبون رخصه دوليه صحيح الكلام هذا ولا لا

وشكرا لردك

درجه سياحيه و وجهات أوروبية معجبون بهذا.

حكايات مسافرة · 08-10-2016, 09:38 PM

جنيف لا تستحق 3 أيام يكفيها يوم واحد و الباقي للتجول في جبال سويسرا

درجه سياحيه و وجهات أوروبية معجبون بهذا.

آخـــرفـــرصـــة · 08-10-2016, 11:53 PM

اقتباس : المشاركة الأصلية كتبت بواسطة Shariz

قصدك حجوزات وهميه بشرط تكون الدولة اللي بدخل منها اكثر عدد ايام ولا عادي

مثلا انا بجلس 3 ايام في براغ و4 ايام في ميونخ هل احتاج اوريهم حجوزاتي في ميونخ ؟؟؟

ولا اوريهم الحجوزات الاصليه اللي هيه 3 براغ 4 ميونخ 2 جنيف و2 ميلان

اتمنى تفيدونا في الحاله هاذي

بخصوص قوقل مابز تحتاج انترنت وهناك متاكد انه النت غالي مو زي الباقات حقتنا هنا احسها ارخص

حاولت انزل برنامج here وان شاءالله يفي بالغرض

استفسار اخير الافضل التعامل باليورو ولا عملة كل بلد لحالها

والرخصه سمعت انه الرخص الجديده عشان فيها الاسم مكتوب انجليزي وعربي مايحتاج يطلبون رخصه دوليه صحيح الكلام هذا ولا لا

وشكرا لردك

كل بلد تتعامل بعملتها بالطبع و الافضل تستخدم بطاقة الصراف
لأن مع كثرة الدول راح يبقى معاك فلوس كثير مالها داع
الافضل تطلع رخصة دولية لأن كل دولة لها نظام مختلف
اما الفيزا لها بوابة مختصة تقدر تحط استفسارك فيها

درجه سياحيه و وجهات أوروبية معجبون بهذا.

وجهات أوروبية · 16-10-2016, 04:12 AM

مرحبا اخوي ماقصرو خبرئنا جزاهم الله خير

وانا راح امسك ردودك واحد واحد واقتبسهم واعطيك اقتراحاتي حسب معلوماتي المتواضعه

وجهات أوروبية · 16-10-2016, 04:34 AM

اقتباس : المشاركة الأصلية كتبت بواسطة Shariz

السلام عليكم ورحمة الله وبركاته

وعليكم السلام ورحمه الله وبركاته

رحلتي حتكون كالتالي:
براغ 4 ايام بعدين قطار الى ميونخ واجلس فيها 4 ايام - وبعدين ع جنيف 3 ايام

على هذا التوزيع لازم تكون الفيزا مستخرجه من السفاره التشيكيه او من ينوب عنها
لان المده متساويه مابين التشيك والمانيا
وهنا لابد من تستخرج الفيزا بدوله الوصول وهي التشيك

في ميونخ راح استاجر سياره وتكون ميونخ نقطة الانطلاق
يعني راح ازور في اليوم الاول طبعا الصباح بدري اطلع ع قارميش ازورها وارجع ثاني ميونخ
واليوم الثاني اطلع ازور سالزبورغ وارجع نهاية اليوم لميونخ
اليوم الثالث اطلع ازور زيلامسي وارجع نهاية اليوم
اليوم الرابع مفتوح لزيارة اماكن التسوق

هل الخطه مناسبه بحكم اني مسافر لحالي ما احتاج اجلس اسكن في الاماكن هاذي اللي هيه
(قارميش - سالزبورغ - زيلامسي) اذا في مناطق برضو تستاهل الزياره لاتبخلوا علينا

نعم اذا مسافر لحالك يفضل السكن بالمدن
على اساس بالليل تقدر تروح لك كوفي او تتمشى هنا وهناك
ووقت النهار تتجول با الارياف القريبه

لكن عندي لك مقترح ثاني تقسم الايام على

ميونخ يومين فقط
ويومين انسبروك ( انسبورغ )
من انسبروك قريبه منك قارمش و بيرتساو و سيفيلد وكابرون وزيلامسي
وانسبروك مدينه نمساويه تعتبر رئيسيه

بالنسبه لمواقف السياره اللي راح تكون معايا ايجار هل المواقف مجانيه وسط المدينه في ميونخ ؟؟

لا اخوي مافي شي ببلاش عندهم مواقف بالساعه ومواقف باليوم
وهذا الموقع ممكن تنزله في تلفونك من الاب ستور
يعطيك المواقف بمعظم الدول الاوروربيه واسعارها

اسم البرنامج : parkopedia

Munich Germany parking - free or cheap lots, garages and street meter spots

موقع الاوتلت في ميونخ وين بالظبط ؟؟

هذا اسم الاوت لت في ميونخ Ingolstadt Village Outlet

احداثيته N 48° 47.042 E 011° 28.700

وعندك ايضا الاوت لت القريب من ميلانو ممتاز جدا

اسمه Serravalle Designer Outlet

احداثيته N 44° 44.096 E 008° 50.223

افضل منطقة للسكن في جنيف ؟؟ وهل احتاج سياره ايجار ولا اكتفي بالمترو والباصات ؟؟

جنيف مافيها مترو
في جنيف الافضل انك تكتفي فقط بالمشي لانها مافي اماكن بعيده تستاهل ماعدا المجمع التجاري
اما الباقي ممكن تروح لهم مشي ماتحتاج مواصلات

وافضل منطقه للسكن هنا حوالين هذا الفندق بس بقدر المستطاع لاتبعد كثير عن البحيره

Booking.com: ظپظ†ط§ط¯ظ‚ ظ„ظˆ ط±ظٹطھط´ظ…ظˆظ†ط¯ - ظ…ط¬ظ…ظˆط¹ط© ط¯ظˆط±طھط´ط³طھط± - ط¬ظ†ظٹظپط§, ط³ظˆظٹط³ط±ط§

بالنسبه لشريحة الجوال طبعا بيانات مو اتصال ايت الارخص بحكم اني بزور عدة دول ؟؟

بالنسبه لشرائح الجوال حسب الشركات بالسعوديه والباقات الي عندهم
وان شاء الله اهل السعوديه يفيدونك بهذي النقطه

لكن مثلا ميونخ وسويسرا ممكن تشتري شركه ليبارا

وشكرا لكم

العفوو ردي باللون الاحمر

وجهات أوروبية · 16-10-2016, 04:39 AM

اقتباس : المشاركة الأصلية كتبت بواسطة Shariz

اشكرك على ردك

استفسار اخر لو تفضلت

انا دخولي من التشيك وخروجي من ميلان وعدد الايام كالتالي:
التشيك 4 ايام - المانيا 4 ايام - جنيف يومين - ايطاليا 3 ايام

نفس ماقلت لك اخوي الفيزا المفروض تستخرجها من سفاره التشيك او من ينوب عنها

هل احتاج اقدم حجوزات الفنادق لمن اوصل ع مطار براغ ؟؟ ولا يشوفون الفيزا فقط

اي نعم يفضل تكون معاك حجوزات للفنادق في مطار براغ
وانا اشوف هالشي ضروري احتياطا

بالنسبه لايجار السيارات كيف اعرف اذا السياره ديزل ولا بنزين بالرغم انه غير مذكور في تفاصيل السياره وقت الحجز ؟؟

بالحجز ماراح تعرف انها ديزل او بنزين
راح تعرف وقت استلام السياره
وفي غطاء فتحه البنزين بالسياره مكتور عليها تعبي بنزين او ديزل

هل احتاج اخذ منهم جهاز Navigation ولا خرائط قوقل بجوالي تكفيني ؟؟

بالنسبه لي انا اشوف مايحتاج تاخذ معاك قارمن
اذا عندك النت مضمون انه مفتوح
تستخدم غوغل ماب ممتاز جدا جدا
وتقدر تكتب اسم المكان او الفندق او تحط الاحداثيه راح يوصلك لمكانك
انا جربته كثير في سفراتي بأوروبا

وشكرا مقدما

العفووو اخوي

وجهات أوروبية · 16-10-2016, 04:41 AM

اقتباس : المشاركة الأصلية كتبت بواسطة Shariz

معقولة يعطوني حسب المتوفر ؟؟؟

الافضل حجز سياره من الموقع ولا لمن اوصل هناك ؟؟

بالنسبه للرخصه هل احتاج الدوليه ولا رخصتي العاديه بالرغم انه الرخصه الجديده فيها الاسم ظاهر عربي وانجليزي ؟؟؟

اشكرك ع ردك

تحياتي

الافضل الحجز من الموقع اون لاين
وبما انك لنت لحالك يعني ممكن تمشيك اي حجم للسياره
يعني تقدر تحجز من هناك عند الوصول

بالنسبه للرخصه الدوليه نعم تحتاجها وضروري

وجهات أوروبية · 16-10-2016, 04:50 AM

اقتباس : المشاركة الأصلية كتبت بواسطة Shariz

قصدك حجوزات وهميه بشرط تكون الدولة اللي بدخل منها اكثر عدد ايام ولا عادي

مثلا انا بجلس 3 ايام في براغ و4 ايام في ميونخ هل احتاج اوريهم حجوزاتي في ميونخ ؟؟؟

ولا اوريهم الحجوزات الاصليه اللي هيه 3 براغ 4 ميونخ 2 جنيف و2 ميلان

اتمنى تفيدونا في الحاله هاذي

بالنسبه للفيزا في بدايه موضوعك ذكرت انك راح تجلس في براغ 4 ايام متساويه مع ميونخ
والحين 3 ايام في براغ

في هالحاله تستخرج الشنغن من السفاره الالمانيه
وتاخذ معاك الحجوزت الحقيقيه افضل

عشان نعطيك الاجابه الصح

بغيت اعرف :

1- عدد الايام في براغ وميونخ ؟
2- من وين راح تقدم طلب فيزا الشنغن بأي سفاره ؟

بخصوص قوقل مابز تحتاج انترنت وهناك متاكد انه النت غالي مو زي الباقات حقتنا هنا احسها ارخص

حاولت انزل برنامج here وان شاءالله يفي بالغرض

ان شاء الله راح يفي بالغرض مع اني ماجربته

استفسار اخير الافضل التعامل باليورو ولا عملة كل بلد لحالها

الافضل تتعامل بعمله الدوله نفسها
هنا انت محتاج تكون معاك 3 عملات

1- عمله الكورونا ( التشيك )
2- عمله الفرنك ( سويسرا )
3- اليورو ( المانيا وايطاليا )

والرخصه سمعت انه الرخص الجديده عشان فيها الاسم مكتوب انجليزي وعربي مايحتاج يطلبون رخصه دوليه صحيح الكلام هذا ولا لا

الافضل نفس ماقلنا لك الرخصه الدوليه
سعرها رمزي وماتاخذ وقت كثير عشان تجهز نص ساعه تقريبا

وشكرا لردك

بالتوفيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الجدول لكيرلا جاهز لكم في كم استفسار لا هنتو	رجل بلا قدر	بوابة الهند وسيرلانكا	0	23-06-2016 04:28 AM
15 يوم في امريكا ، نحتاج نصيحتكم ، لا حرمنا الله منكم	هوايا شمالي	بوابة امريكا	20	19-09-2015 10:49 PM
ممكن مساعده بسيطه من خبراء تركيا	Um ahmed 83	تركيا	11	17-02-2015 09:18 AM