السلام عليكم ورحمة الله

قررنا السفر عائله انا والمدام واربع اطفال لتغيير جو بعد ضغوط الحياة وظروفها

الذهاب تاريخ 24 اوغست والعوده 2 سبتمبر
الايام الفعليه 8 ايام غير يومين المطار ذهاب وعوده
النزول لمطاراتاتورك الساعه 1،30 ظهرا والتوجه مباشره الى بورصه
هنا المشكله
كانت النيه 4 ايام بورصه ثم 4 ايام اسطنبول
ولكن البعض اقترح علي يومين بورصه الخروج بتاريخ 27 الى سبانجا وقضاء يومين هناك ثم التوجه لاسطنبول لقضاء باقي الايام
والبعض يقول اخرج من بورصه ثالث يوم لسبنجا ولاتبات هناك وانما افضي يومك ثم توجه لاسطنبول او بات يوم واحد بسبانجا
والحقيقه اني تشتت بسبانجا حتى فنادقها لااعرف اين اسكن وغير واضحه ومتعدده مثل فنادق اسطنبول وبورصه
وكيف السايق اخذه من بورصه الى سبانجا واخليه يقضي يوم كامل معي بسبانجا طبعا انا كله سائق خاص في بورصه وسبانجا واسطنبول تاكسي التنقل لأن معي اطفال وابي ارتاح
شيرو علي كيف انظمها من بورصه لسبانجا وماهو السكن المناسب والنظيف في سبانجا وعند الخدمات
وماهو رأيكم بمنتجع ناتركوي هل اسكن فيه او بس مجرد اتمشى واتغدى فيه
او سكن فندق لالي على البحيره
محتاج مشورتكم الله لايحرمكم الاجر

هلا والله اخوي

انا اشوف انك او ما توصل اسطنبول تقعد يوم واحد وثاني يوم تنطلع لبروصة لانه معك اطفال وراح يتعبون ويعكرون الجو بالافضل ارتاح يوم في اسطنبول وخصوصا انك راح توصل من مطار اتاتورك البعيد عن بورصة

اليوم الاول اسطنبول
الثاني والثالث بورصة (الافضل انك تاخذ سايق من بورصة وانت تطلع بالعبارة الى بورصة وتتفق معاه انه ينتطرك بالميناء ياخذك للفندق تحط اغراض وتطلعون للجولة لليوم الاول والثاني )
الرابع والخامس سابنجا وناطور كوي (اذا نفس سايق بورصة يقدر يوديك اطلع معاه)
باقي الايام اسطنبول ( فيها اماكن كثيرة للاطفال)

اشكرك اخوي ومشرفنا العزيز على التفاعل

بس والله لخبطتني وخايف اتعب الاطفال معاي
ليش اخوي كم ساعه من مطار اتاتورك الى بورصه
طبعا سياره خاصه من المطار ويمشي وياي بالعباره الى ان يوصلني الى فندقي في بورصه
ياليت لو تعلمني انت او الاخوان كم ساعه من اتاتورك الى بورصه

اقدر استاجر سيلرة بنفسي واروح يم بورصه عن طريق الجسر الجديد؟
الطريق مايضيع؟؟؟

من تجربتي لبورصة ـ نفس راي مشرفنا ـ

اطلع من اسطنبول بالعبارة مع عائلتك الى بورصا واتفق مع سائق من هناك يستقبلك بالميناء

قبل كم سنه ربي وفقنا بسائق في بورصا كان قمة في الاخلاق

اخوي مايحتاج عباره وتعب وفلوس زيادة

الان مع الجسر الجديد وانت الي تسوق بنفسك .. وحتى لو معاك سواق يوديك مع الجسر الجديد اقرب واوفر

انا معاك اخوي علي بس اسال مجرب الي معاه اطفال غير

وبعدين الجسر مع الزحمة يبعد تقريبا 3 ساعات بالسيارة عن مطار اتاتورك

اذا تقدر تطلع ما فيه مشكلة واذا اطفالك ما يتعبون

يعني توصل اتاتوك تاخذ سايق ويطلع فيك بورصة دايركت

اخوي فيه حل ثاني انك تطلع من ميناء يني كابي يبعد عن مطار اتاتورك 30 دقيقة التاكسي بـ 30 ليرة

وبعدين تحجز تحجز تذاكر للعبارة من الميناء (تنطلق الرحلات كل ساعتين) مدة الرحلة ساعة و45 دقيقة

تقدر تحجز التذاكر من موقعهم

وبعدين تتفق من السايق ان ينتظر بالميناء ؤ°stanbul Deniz Otobأ¼sleri A.إ‍.

الافضل سائق من بورصة لانه يعرف الامكان ووارخص من سواق اسطنبول

شكرا جزيلا مشرفنا العزيز
وجزاك الله خير على ماتقوم به من جهد لأخوانك والله يجعله في ميزان حسناتك