السلام عليكم ورحمة الله

أتمنى تجاوبوني انا لسى ماحجزت بس شفت بتاريخ 9 نوفمبر ع جنيف التذاكر عالسويسريه ل 2 بالغين وطفله ب 5400 اعجبني السعر طيب والفنادق بحط ميزانيه من 3 ل 4 الاف مو لازم 5 نجوم هي للنوم بس تكون أمان ونظيفه اذا تعرفون شي معين
ابغى اعرف نوفمبر كيف بيكون الجو ؟ وتاريخ العوده يوم 16 اسبوع تقريبا الرحله تقريبا اقتصاديه الأكل حاخذ حواضر وهناك ممكن وجبه ف مطعم كم تكلف ؟ وايش افضل الاماكن اللي تنصحوني فيها ! واستئجار السياره كم ممكن يكلف ؟ ومصروف الجيب يكفي 4 او 5 الاف بدون تسوق ! ارجو الاجابه ضروري عشن احجز ايوا وتحتاج فيزا دخول والا وكم وكيف الله يسعد من يجاوبني الغرض تغيير جو والفيزا ل 3 أشخاص كم تكلف ؟ والتأمين الصحي كيف اجيبه ماعندي تأمين وهل هو ضروري ؟ وخطاب العمل ضروري برضو ؟ ياريت تفيدوني باللي احتاجه عشن اعرف اذا احجز او اختار مكان ثاني
وشكرا مقدما

لاتحجز في نوفمبر

اذا تفكر في اوروبا خليك من نهاية مايو لمنتصف أكتوبر

عليكم السلام ورحمة الله وبركاته :

حياك الله اخوي .

بالنسبة لفترة السفر على ما اعتقد انها بتصادف اجازة مدرسية عندنا ..وبيني وبينك الجو راح يميل الى البرودة باعتبار تقريبا نهاية الخريف ...فيعني لا تحط في بالك الجو راح يكون مو بارد ..فلازم تاخذ احتياطاتك .

على العموم ..اذا نفسك تزور سويسرا في هذا الوقت ..ان شاء الله راح يناسبك..لأن المدة راح تكون قصيرة لمدة اسبوع مثل ما تفضلت .

الذهاب والعودة من جنيف ..الوصول الى جنيف والسكن في لوزان لمدة يومين
انترلكن ثلاثة ايام
جنيف يومين

بحيث في لوزان تزور مصنع الشوكولاتة وحديقة حيوان سيرفيون و ومونترو ومثلا رحلة على بحيرة ليمان .

انترلكن تغطي اليوم الاول شلال الجسباخ ورحلة بحرية .
اليوم الثاني لقمة الجنقفرو (تكلفة الشخص 170 فرنك ) ..(كنت بقول ان تتلس ارخص لكن راح تكون مقفلة لاعمال الصيانة في تاريخ سفرك )
وممكن في هذا اليوم زيارة قمة بيلاتوس (اعمال الصيانة تنتهي في يوم 11 نوفمبر) ثم التمشي في لوزيرن .
اليوم الثالث : بحيرة البلاوسيه ..وزيارة جريندوالد .

جنيف: اليوم الاول التمشي في جنيف والبحيرة وشوارع التسوق .
اليوم الثاني لزيارة أنسي .


ايجار السيارة ما راح يكون ما بين 1000 الى 1500 ريال سيارة صغيرة مع مقعد للطفل (لازم تكون معاك الرخصة المحلية + الرخصة الدولية + بطاقة فيزا او ماستر كارد ائتمانية)

المصروف اليومي ما راح يتعدى 200 فرنك باعتبار ان الكثير من الانشطة راح تكون مقفلة .
المصروف يشمل التماشي والبنزين ووجبة العشا .

الفيزا تطلعها من مكتب التأشيرات الموحد ..تكلف لكم كلكم حدود 800 ريال ..للاشخاص البالغين 300 ريال والصغار تحت سن 12 سنة الى سن 6 سنوات 175 ريال .

ومجانا لمن هم دون السن السادسة

وهذا موقعهم ..ولابد من حجز موعد وتجهيز جميع الطلبات :

https://www.vfsglobal.ch/Switzerland...c/tourist.html


التأمين الطبي تجيبه من اي مكتب تأمين ..زي التعاونية او ميدقلف او غيرهم .

خطاب العمل بالراتب ضروري ... وممكن تتصل عليهم وتستفسر اكثر .

يعني حساب رحلتك اجمالا بالتذاكر :
5400 تذاكر + 1500 سيارة + 4000 سكن + 5400 مصروف = تقريبا 16000 ريال ..وممكن تنقص او تزيد باعتبار ان الفنادق والمصروفات الشخصية حسبتها بطريقة سريعة وتقريبية ..وتعتمد على صرفيتك اليومية .


قبل لا تدخل في موضوع الانشطة انصحك بقراءة موضوع مواعيد اغلاق الانشطة السياحية في سويسرا :

http://www.arabtrvl.com/vb/t13724.html


وممكن زيارة مركز المعلومات السياحية في اي مدينة تزورها لمعرفة الانشطة الممكن زيارتها او استشارة الفندق اللي راح تسكن فيه .


اتمنى أكون أفدتك أخوي ..واتمنى لكم رحلة سعيدة .


وبالتوفيق

اخ ميدو مرررره شكرًا ويعطيك العافيه كفيت ووفيت
والوقت ايوا يكون اجازه عندنا عشن كذا اخترت هالوقت بس
لو خليته ع أكتوبر اول الشهر او نصه ؟! كيف احسن ؟
ياخي إجراءات السفر لاوروبا كثيره ابغى احد يسويلي
كل شي ألاقي ؟

والرخصه الدوليه كيف ندبرها ؟!

وعليكم السلام ورحمة الله وبركاته

لا بالعكس إجراءات السفر لأوروبا مو كثيرة ولا صعبة اختي
بسيطة
تستقرين على جدول سياحي
ثم تحجزين التذاكر ( تحجزينها من مواقعها الألكترونية لأي طيران أو مكتب سياحي مبلغ بسيط )
والفنادق ونفس الشئ الفنادق تحجزينها من بوكينق بعد نصح الأخوان لج بأي فندق أو مكتب سياحي تعطيه الفندق الي نصحوج فيه او انتي أرتحتي له ويحجزه
وتعمل الفيزه
إن شاءالله بهذا الموضوع الي شاركتي فيه تلاقين الإجابة
http://www.arabtrvl.com/vb/t5780.html
والرخصة الدولية
تستخرينها من اي مكتب بـ 120 ريال
نفس رد اخونا جوكر
http://www.arabtrvl.com/vb/t12350.html

والجو
نفس ماتفضل اخونا
بارد ويعتبر بالنسبة لنا شتاء مو أحتياط ملابس الشتاء إلا أساسية

رحلة موفقة بإذن الله

الفيزا اهم شي قبل التخطيط

طيب اخت منيره يعني اقدر استخرجها قبل الحجوزات ؟ لسى ماحجزت
لان دوام زوجي يحتاج موافقه للسفر والموضوع معقد شوي

قدمي على طلب الفيزا قبل الرحلة بشهر وغالبا في فترة سفرك مايكون فيه زحمة
والتاشيره من سفارة سويسرا مو معقده وطلباتهم بسيطه ولو حبيتي يكون عن طريق مكتب اعرفه ياخذ 650 ريال ع الجواز وهو يسوي لكم كل شي وكل اللي عليك تجيبين الصور الشخصيه والجواز وكشف حساب او صورة بطاقة الفيزا او الماستركارد
اما الاجواء بتكون باردة جدا يعني صقيع لازم لبسكم يكون دبل وثري وفور كمان وخاصة الطفل احرصي على ان تكون ملابسة ثقيلة جدا
المخطط
عكس الاخ ميدو
اول يومين جنيف
3 ايام انترلاكن
اخر يومين لوزان

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

اذا زوجك عسكري طلعي الفيز اول ثم احجزي فنادق تكون مستردة ..لاننا خلصنا كل اجراءات سفرتنا ولما بقي اسبوعين ع سفرنا جاهم انو ممنوع السفر وكان حجز انترلاكن الاغلى وغير مسترد قبل 14 يوم من تاريخ الوصول بحكم ان الموسم زحمة وماحصلنا فندق باطلالة غير اللي اخترته وتوهقنا [emoji20] والحمدلله قبل يومين من السفرة تيسرت


أرسلت بواسطة iPhone بإستخدام Tapatalk