اخواني اعضاء المنتدى اعجبتني ردودكم وحرصكم على تفاصيل التقرير لذلك نقول بسم الله وعلى بركة الله مع تفاصيل الرحلة ان اصبت فمن الله وان اخطات فمن نفسي والشيطان

الرحلة كانت الساعة 4 فجرا الاقلاع من الرياض يوم 24 مايو جهزنا الشنط والاغراض وزي العادة الشنط انفتحت وتقفلت الف مرره كل شوي متذكرين حاجه بالإضافة للشنطة الخاصة بأم العيال مقفلتها ومحرسه عليها وش فيها مدري بعد التحقيق طلعت معبيتها بساكيت وكوب كبك ومعمول وشبس وسناكات كثيره بس بصراحه سوت خير فينا لها كل الشكر والتقدير


صعدنا للطيارة القطرية وكانت من نوع بوينج 787 الى الدوحة الرحلة استغرقت 55 دقيقه تقريبا وكان التوقيت 5 صباحا بتوقيت الدوحة وبعد الوصل الى مطار حمد ( مطار خورافي بمعنى الكلمة) واتجهنا الى بوابتنا وكانت بعيده جدا بس من الفرح ما حسينا فيها









نصيحه( للأخوة والاخوات الي رايحين ترانزيت على
l] مطار حمد ومعهم اطفال او كبار في السن يطلب الخدمات الخاصة راح يوفرون سيارة قولف توديك للبوابة )فرينا في المطار الين قربت رحلتنا وكانت الساعة 9 صباحا على القطرية من طراز اير باص 346 وصلنا الى كوالا الساعة 9مساءبيتوقيت ماليزيا



اخذنا عفشنا وبصمنا ودخلنا الى اسيا الحقيقة وكانت الامور ميسره ولله الحمد استقبلنا قريب لنا هناك وعلى طول على الصن واي بيريمد فندق روعه روعه روعه كان الاستقبال وموظفين الاستقبال البشاشة والابتسامة تعلو محياهم سلمتهم الفاو تشر وأعطوني المفتاح وعلى الغرف على طول
تعشينا من ماك وكانت الاولى والأخيرة وريحنا وبكذا انتهى اول يوم . صور للغرف والممرات للفندق





هذي اطاله الفندق



ولنا لقى قريب ان شاء الله مع اليوم الثاني الصن واي لاقون