يوم 27 مايو
صحينا بدري ونزلنا وفطرنا في الفندق الجميل وبعد الفطور تم الاتصال على السواق امير وفعلا امير بأخلاقه وتعامله
الساعه 9 انطلقنا في جولتنا اليوم الثاني في بينانج فبدت الجوله في مصنع الشوكلاته والقهوه وشريت الي فيه النصيب
وهذه صورة لها






ونزلنا وكان الجو خورافي وابتدت الامطار بشكل غزير وانقذنا امير بمضلتين جايبها معاه وبعد نصف ساعه توقف المطر واتجهنا الى حديقة الزهور وهناك حار الفكر فسبحان من خلق الجمال وصورة مناظر تسر الناظرين رزقنا الله واياكم الجنه وهذي صور لها
ملاحضة توجد اكثر من 50 صورة لحديقة الزهور بس مدري وين راحت احاول اجيبها وانزلها في نهاية التقرير





















بعدها صار وقت صلاة الجمعه اخذنا امير الى المسجد الكبير حضرنا الخطبه وصلينا الجمعه ومشاء الله ماني عارف وش يقول لامام لانها كانت بلغتهم
ثم اتحهنا الى هضبة بينانج قصينا التذاكر وعلى طول على القطار الجو كان ممتاز لاضباب ولا شمس خذنا جوله في الهضبه ومرافقها عندهم سلطة فواكه تاخذ العقل واستمتعنا بالاطلاله الي تاخذ العقل على الجزيرة الصاخبه فعلا















الساعه 5 بداء الجوع فاتجهنا الى مطعم الطربوش واخذنا ذيك المشاوي الي توسع الخاطر واتجهنا الى الشاطي
وقضينا باقي الوقت على اجمل شواطى ماليزيا في نظري وبعدها عشاء خفيف ونوم وكذا انتهى اليوم الثاني في بينانج
معليش اخواني واخواتي ماذكرت تفاصيل اكثر مع الاسعار لان والله ثم والله كنت مسجل تفاصيل الاسعار وكل شي في ملاحضات الجوال وبضغط زر بالغلط راحت الملاحضات فإعذروني احبتي