السلام عليكم ... مساء الخير

عندي استفسار وانتظر الإجابة والنصيحه منكم ...

رايحة لندن ان شالله نهاية August بقعد يومين بعدين ( مخططه اروح أدنبره لمدة 5 أيام والسكن بيكون قريب من محطة waverley ) بحسب اراء الجميع القطار أفضل وسيله حابه اعرف إِيش المحطة اللي اسافر منها في لندن وهناك كمان إِيش المحطة اللي ح أوصل لها ؟؟؟؟ وكم ساعة الرحله ؟؟
وهل يحتاج احجز القطار من النت هذي الأيام او عادي لمن أوصل اول يوم من لندن ؟؟
لو احد عنده اقتراح انه مثلا أكنسل أدنبره وأروح مكان ثاني اقرب من لندن زي مانشستر او بلاك بول او ..... يقترح علي


ولكم مني جزيل الشكر مقدما

وعليكم السلام ... اللي فهمته انك جايه تمشية ... بس ما ادري هل هي اول زيارة الى لندن او لا ؟
وانتي وش تحبين ؟ طبيعه ، اثار ومتاحف , تسوق وحياة مدينه ,العاب وملاهي ؟

بالنسبة للقطار من لندن الى ادنبره :
تاخذين القطار من محطة كنج كروس King's Cross الى ادنبرة ( 5 توقفات ) والمدة 4 ساعات ونص تقريبا

او طيران اقتصادي في رحلة لمدة ساعة ونصف .

- حجز تذاكر القطار انتي بالخيار بس اذا كنتي متاكدة من مواعيدك فاحجزي بدري عشان الاسعار تكون ارخص بكثير من يوم السفر او من كاونتر التذاكر

شكرًا الله يعطيك العافيه ...... ادنبره بس 5 ايام و حرجع للندن ان شالله بس كنت محتاره كيف اروح لادنبره من لندن وحاولت احجز من الرابط اللي قلت عليه بس مافيه غير محطتين في أدنبره ( يعني مافي المحطة اللي قريبه مني ) عشان كذا فتحت موقع قطار فيرجن ولقيته المحطة القريبة بس متردده انه احجز وما يقبلون التذاكر هناك !!

الا بيقبلون ... ليش مايقبلون ؟