رحلتي الى استراليا اغسطس 2016 ملبورن سيدني قولد كوست - الصفحة 3

ali pontiac · 04-09-2016, 11:08 AM

اقتباس : المشاركة الأصلية كتبت بواسطة آخـــرفـــرصـــة

يوم ممتع صحيح
و حلو أنك استأجرت سيارة و زرت طريق المحيط العظيم
يعني برأيك الطريق يكفيه يوم روحه و رجعة
سوق فكتوريا رائع بالنهار و الليل و فيه تنوع عجيب بالناس

معلومات رائعة و صور أروع

هلا بيك بوغسان، انه ما مشيت على طريق المحيط كامل بس جزء منه للوصول الى الصخور، في نظري يكفي اذا بدت الرحله من الصباح الباكر.

آخـــرفـــرصـــة و توبليرون معجبون بهذا.

ملاك · 04-09-2016, 12:42 PM

ماشاء الله الصور جدا جميلة
من تقريرك وتقرير ابو غسان اتندمت أني مازرتها
الله يعطيك العافية مستمتعين ومنتظرين باقي الأجزاء

مجدي, ali pontiac, آخـــرفـــرصـــة و 1 آخرون معجبون بهذا.

مجدي · 04-09-2016, 01:38 PM

ما شاء الله عليك

ما زلت متابع ومستمتع بتفاصيل رحلتك
مغامراتك والصور الرائعة

تحياتي ليك
تابع

sent from Galaxy Note 5 using Tabatalk

ali pontiac, آخـــرفـــرصـــة و توبليرون معجبون بهذا.

albarood · 04-09-2016, 10:28 PM

اخ ذكرتني بسوق فكتوريا. اصبح مزدحما بشكل اكبر . لا يمكنني المقاومة لذهابه هناك. ميلبورن اود العودة اليخا مرة اخرى

ali pontiac, آخـــرفـــرصـــة و توبليرون معجبون بهذا.

ali pontiac · 05-09-2016, 03:56 PM

MELBOURNE

اليوم الخامس و الأخير

في اليوم الأخير كان جدولنا ان نزور Yarra Valley المكان فيه مزارع العنب و الفراوله وغيرها من المحاصيل الزراعيه والأكثر المزارع الي يعصرون فيها المشروبات الكحوليه (الحمدلله على نعمة الإسلام)، وفيه الكثور من الرحلات و التورز لزيارة اليارا والتمتع بالمناظر لكنها لا تنسابنا لأنه الهدف التوقف في هذي المزارع وتذوق الكحول.

نزلنه من الفندق ومشي الى مبنى مواقف السيارات، وتوجهنه لتعبئة السياره بالوقود، مضخات الوقود عندهم لازم تكون ماسك على الزناد للتعبئه، مايصير تضغط عليه مره وحده ويبعي اوتوماتيكي

اذكر في امريكا، تدخل داخل المحطه وتقول للموظف رقم المضخه و بكم دولار تبقي تعبي عشان يشغلها، في استراليا اول انت تعبي وتالي تدخل المحطه وتدفع، مابعد الساعه الثامنه مساء يصير النظام امريكي

الطرق الجميله

اثناء القياده اقترحت زوجتي انه نفطر في مقهى اسمه Earthly pleasures و بكون موقعه في ضاحية Belgrave الي بنتوقف فيها

وصلنه الى Belgrave واهيه ضاحيه تبعد عن وسط ملبورن مسافة 35 كيلومتر، وقفنه في هذه المنطقه لتناول الفطور في احد المقاهي الجميله و في نفس الوقت نشوف القطار البخاري Puffing Billy واهوه احد الأنشطه في هذي المدينه

وهذي هوه المقهى الجميل

كالعاده الإستقبال بإبتسامه عريضه، وجلسنى على هذي الطاوله الي تطل على الحديقه

صور المكان من الداخل يعطي شعور بالدفئ

وصل الفطور، اومليت مع المشروم المقلي و السالمون المدخن، وحليب ساخن بالكراميل كان جدا لذيذ ، و زوجتي اومليت بالجبن وشاي اخضر، السعر 49.8 دولار

اكملنه الفطور، وخرجنى نتمشى رايحين للقطار البخاري

هذي فيديو من اليوتيوب للقطار
V
V
V

وقفنه وكان موعد تحرك القطار بعد 30 دقيقه، ولكني كنت غير متشجع له ابدا، و زوجتي نفس الشي ورجعنه لسياره لمواصلة المشوار

وصلنه لمنطقة وادي يارا

في مزارع موسميه تدخل و تقطف فراوله او الكرز ، وشفنه هذي الافتة لمزرعة الكرز

ودخلنه الطريق الضيق وطلعت لنه هذي الافته وتحمسنه زياده

و نكمل الدرب وشفناها الافته مره ثانيه وانتبهنه انه مكتوب Closed today

ضحكنى على نفسنا كيف ما انتبهنه على الافته ومكتوب انه المزرعه مغلقه، رجعنه من نفس الدرب الضيق ، ومن google map بحثنه عن مزرعة فراوله، ونفس الشي مكتوب الأفتتاح شهر نوفمبر، وعرفنه انه ليس موسم الفواكه.....

نكمل المشوار الجميل وسط المزارع لمكان نعوض فيه عن الي ماحصلنا عليه

وصلنه الوجهه المطلوبه Yarra Valley Chocolaterie & ice creamery، الأسم لحاله راحه للنفس

وقفنه السياره في المواقف و نزلنه، و قبل الدخول قدام المحل مزرعه مفتوحه فيها بعض المواشي والخيول وحيوان اللاما الي اول مره اشوفه في حياتي، المكان جدا جميل للإستراحه بعد القياده

محاصيلهم

هذي الجلسه الخارجيه

ودخلنه داخل

جوكلت طوله متر

لقيت بعض الكتيبات السياحيه، لمنطقة يارا، وهذي اكثر شي شد انتباهي بكل قوه، ومتأكد انه تجربه جدا جدا مثيرا، لو كنت اعرف عنه ما فوته

هذي موقعهم الإلكتروني
V
V
V
Tiger Moth Flights Melbourne - Flight In A Tiger Moth | Vintage Airways

واشياء موسميه ثانيه

موعد المثلجات، سعر الآيسكريم 5 دولار

بعد الأستراحه قررنه نروح حديقة زهور اسمها Alowyn Gardens مقابله للمكان الي احنه فيه، وعند الوصول ماتشجعنه للدخول كان واضح انه الزهور ما تفتحت و الأوراق متساقطه مازال فصل الشتاء في عزه بالنسبه لهم

ومن الحديقه تشوف جمال Yarra valley chocolaterie

انتهينه من من هذي المكان الجميل ورجعنى للمدينه

يوم وصلنه وسط المدينه وصار وقت المغرب تذكرت في شي نسينه نروح له الوقت صار يظلم
المكان اهوه Brighton Beach ماعرف كيف نسينه نزوره يا حسره المكان معروف بالأكواخ الخشبيه الملونه (صور من النت)

https://wanderlustzine.files.wordpre...1/img_3630.jpg

https://images.trvl-media.com/media/...each-40058.jpg

https://debriefme.files.wordpress.co...-houses-2b.jpg

وقفت السياره في المواقف واحنه طالعين كانت في وحده مع زوجها تتذمر بصوت مرتفع، شافتني ونادتني و سألتني كم تدفع حق المواقف ؟؟ قلت له كثير ..... وردت هذي بغضب هذي جنوون واهيه ماشيه
فعلا المواقف سعرها مرتفع خصوصا في منطقة الـCBD وسط ملبورن،

رجعنه الفندق و صلينه وجهزنه الشنط حق نكسب وقت في الصباح ونزلنه نتمشه نودع ملبورن الجميله وناخذ فيها اخر الصور

تمشينه على شارعنه المعتاد رايحين Bourke street في بالي اروح منطقة الـ Dockland و اصور هناك

شفت هالمحلين الصغار الي على يمين يبيع شاي مثلج ونكهات غريبه، على ودايما مزدحم ، قلت بجرب الشاي الي عندهم ونسيت شنو كان اسمه، هالمحلين لهم افرع ودائما فاتحين لاصقين بعض ، انه اخذت شاي و زوجتي اخذت من الي على اليسار قطع دجاج صغيره متبله، وكانت جدا لذيذه

وهذي الشاي، طعمه شاي بالحليب تقريبا وفيه تحت شي غريب يسموونه اللؤلؤ الأسود، عجبني سعر 5.5 دولار ، وسعر قطع الدجاج الصغيره 6.5
دولار

الشاي كنت احسبه ياباني و لكن طلع تايواني

China Town

الأستعراضيون في Bourke street

صعدنه الترام و نزلنه في محطة Southern cross

الدرب الي يوصل الدوكلاند

هذي الصوره اعجبتني

وصلنه الدوكلاند

جسر Bolte

لاحظو بين المباني بتشوفون نجمة ملبورن

ملعب الإتحاد

ورجعنه

وصعندنه الترام ونزلنه عند محطة batman park رايحين للكراون الضخم في الليل يصير قدامه عرض النار Gas Brigades ويبتدي من الساعه 8:00 مساء ويستمر كل ساعه الى منتصف الليل و يتغير وقت بدياة العرض في بعض الأشهر

تصوير من فوق جسر spencer street

ودخلنه الكراون شوي تمشينه مسافه جدا بسيطه من بوابه الى اخرى وخرجنه ونشوف الناس تنتظر العرض

كان عندي تصوير فيديو من جوالي للعرض بس اعتقد اني مسحته بالغلط

وخلاص انتهى البرنامج ونروح نشوف لنه شي ناكله

وصلنه لأحد محلات البرقر الي كنت مسجلهم عندي Rocket burger & Fries المطعم ماعنده طاولات وكراسي للطلبات الخارجيه فقط، اخذنه الطلب انه و زوجتي سندويش برجر ، انه دبل طبعاوجلسنه على احد الكراسي الخارجيه ناكل و كان جدا جدا لذيذ، السعر 30 دولار

وهذي نهاية ملبورن، حبيتها قبل لا اشوفها ، وقضيت فيها احلى 5 ايام وماشبعت منها ابد، احس ابقي فيها يومين زياده على الأقل

اتمنه ربي يكتب لي و لكم زيارتها مره ثانيه

يتبع،،،

آخـــرفـــرصـــة, فارس من خيال, درجه سياحيه و 5 آخرون معجبون بهذا.

فتى لندن · 05-09-2016, 07:17 PM

تقرير جميل ورائع .. اسعدتنا
وحمستني اسافر بكره وابدآ ب ملبورن ��

ali pontiac, آخـــرفـــرصـــة, فيصل و 1 آخرون معجبون بهذا.

ali pontiac · 05-09-2016, 10:29 PM

اقتباس : المشاركة الأصلية كتبت بواسطة فتى لندن

تقرير جميل ورائع .. اسعدتنا
وحمستني اسافر بكره وابدآ ب ملبورن ��

شكرا لك عزيزي
ملبورن بتعجبك كثير و جوها جميل

آخـــرفـــرصـــة و توبليرون معجبون بهذا.

آخـــرفـــرصـــة · 06-09-2016, 01:25 AM

ملبورن تنحب من أول نظرة
و أعتقد أنها تحتاج أكثر من زيارة
زيارة واحدة لا تكفي

روعة وادي يارا و المزارع اللي فيه
هذا لوحده محتاج يوم كامل خاصة أني أحب مزارع

اللاما كثير بتشوفونه في استراليا و نيوزلندا
اذا رحتوا لمنطقة المزارع

تصويرك رائع يا علي وكل صورة احلى من الثانية
متابعين معاك يا عسل

ali pontiac, أبو سعد, توبليرون و 1 آخرون معجبون بهذا.

آخـــرفـــرصـــة · 06-09-2016, 01:27 AM

اقتباس : المشاركة الأصلية كتبت بواسطة فتى لندن

تقرير جميل ورائع .. اسعدتنا
وحمستني اسافر بكره وابدآ ب ملبورن ��

رحلة موفقة يا دكتور
راح تعجبك ملبورن كثير و نيوزلندا راح تكون مفاجأة لك
لا تنسى أنك راح تنزل تقرير فـ خليك مستعد

فتى لندن و توبليرون معجبون بهذا.

فارس من خيال · 06-09-2016, 03:40 AM

ماشاء الله التقرير كل جزء أجمل من اللي قبل
والصور رائعه جدا اعجبتني جولة المزارع والمناظر على الطريق رائعه جدا
ليش ماركبت القطار البخاري اعتقد انها تجربة حلوه

تسلم الايادي علاوي ... متابعين

ali pontiac و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير PDF سياحي شامل لمدن سيدني وجولد كوست وملبورن	عبدالله الحمودي	بوابة استراليا ونيوزلندا	15	28-01-2020 11:07 AM
متاهة Infinity الممتعة (قولد كوست)	زهرة نيسان	بوابة استراليا ونيوزلندا	27	15-04-2015 07:40 AM
استئجار سيارة في قولد كوست وبرزبن	قوسي	بوابة استراليا ونيوزلندا	2	10-04-2015 08:15 AM
شهر سيحاحة في قولد كوست؟ رايكم	ابو عبدالله1	بوابة استراليا ونيوزلندا	7	20-02-2015 01:39 PM