اليوم الرابع


برنامجنه اليوم زيارة Manly Wharf عن طريق الفيري

صحينه الصبح وكالعاده مرينه على حي الصخور من طريق جديد














هذي الدرج يؤدي الى جسر الهاربور










هذي مطعم مكسيكي اسمه Cantina Mexicana وكنه ناويين نتعشه منه ولكن مارجعنا له





الهدوء واضح ايام الأسبوع عكس ايام العطله الي سبقت





توجهنه للسيركولار كواي

شراء التذاكر اكيد كان من هالنوافذ ولكن اصبح عن طريق الأجهزه


محل الجيلاتو هذي ابداع، الجيلاتو على نكهة البندق روعه، وشفته في قولد كوست وجربت على جيز كيك ليمون كان عجييب



اخذنه التذكره وانتظرنه موعد الفيري، التذكره ذهاب فقط، الجهاز يشحن بطايق opal وهيه تستخدم للفيري و الباصات والقطارات ، الي يتنقلون مسافات بعيده في سيدني بشكل يومي تنفع لهم البطاقه بس مشوار يوم مثل مانلي هذي البطاقه اوفر سعر التذكرتين 15.2 دولار


داخل الفيري


صور من الفيري







وصلنا و المسافه اقصر مما توقعت بكثير !!






المكان له طعمه الخاص يختلف عن وسط سيدني، ومن اول خطوتين فيه عجبني









هذي المحل Cotton on اشترينه منه الملابس يوم كنه في ملبورن الفترة الي تأخرت فيه الشنط، له افرع في كل مكان واسعاره رخيييصه









الشاطئ الصغير الي هناك اسمه Shelly beach









المطاعم ممتده على الساحل



وجبة الغداء في هذي المطعم السعر 30.8 دولار




اما النورس هناك مثل عصابات قطاع الطرق اذا شافوك تاكل تجمعو عليك

وحصلو نصيبهم من هذا السائح










و تمشينه على الشاطئ








تأجير الواح ركوب الموج






وصلنه الى هذي الصخور اسمهم Queenscliff head





وصعدنه عليهم خطوه خطوه


شفنه مجموعة عجايز كبار ماتقل اعمارهم عن 70 سنه والموضوع عندهم عادي نازلين و صاعدين على الصخور، شافتنه وحده منهم وضحكت وتقول اكيد انتو رايحين للنفق، قلت له ايوه وانا اقول في نفسي نفق !! نفش مال شنو

مشينه شوي


وشفنه الي تقصده


دخلنه منه و وصلنه لي هذي النقطه الي شوي حسيتها خطره و زوجتي تقول خلاص مستحيل اواصل، والعجايز كانو نازلين من هالمكان


ورجعنه طريقنه











واحنه نتمشى على الشاطئ جاني شخص تقريبا كان في عمري وقالي شفتو الحوت؟؟ اقول في نفسي هذي يكلمني؟؟ اي اكيد يكلمني مافي شخص خلفي، قلت له حوت!!! يقول ايوه واشر على البحر
وفعلا انتبهت انه في ناس متجمعه و تصور وكل واحد عدسته اكبر من الثاني يحاولون يصورون الحوت وانه امشي سرحان في عالم ثاني

هذي موقف من مواقف الأستراليين


طبعا في كثير من الرحلات البحريه لمشاهدة الحيتان في استراليا








اكملنه المشي للجهه الثانيه رايحين شاطئ شيلي














الدرب مغلق !! اكيد فيه درب ثاني بس اكتفينه ورجعنه من طريق البيوت
















اخذنا ايسكريم وملك شيك واحنه راجعين للمرفأ السعر 13.4 دولار


وهذي كانت نهاية اليوم الرابع في مانلي، مكان عجيب للإسترخاء ومحبين البحر واتوقع في الصيف المكان يزدحم اكثر و اكثر




يتبع،،،،