رحلتي الى استراليا اغسطس 2016 ملبورن سيدني قولد كوست - الصفحة 7

ملاك · 28-09-2016, 08:09 AM

والله رجعت لي ذكرياتي في هذة المدينة
مثل ماهي ماتغيرت حتى الشقة اللي سكنا فيها موجودة بإحدى الصور
تصويرك جميل ياعلي ومتحمسه لباقي الأجزاء

ali pontiac, آخـــرفـــرصـــة و توبليرون معجبون بهذا.

فارس من خيال · 28-09-2016, 11:33 PM

ماشاء الله مازال الابداع مستمر في هذا التقرير
تسلم الايادي علاوي ع الصور الجميلة
قولدكوست مدينة رائعة واشوف انها مدينة استجمام وراحة يومين الى ثلاثة كافية لها إلا اذا تم استئجار سيارة والتجول في المدن والارياف القريبة منها فتستحق 10 ايام

متابعين بقية التقرير الجميل

ali pontiac, آخـــرفـــرصـــة و توبليرون معجبون بهذا.

ali pontiac · 29-09-2016, 01:48 AM

اقتباس : المشاركة الأصلية كتبت بواسطة فيصل

تسلم
أعتقد أنها بتكون مميزه للجزء هذا
ياليت اطلاله من أعلي نقطه بقولد كوست وقت الغروب أم كل وقتك برا الفندق

الله يسلمك يا مدير، والله ماصعدت لقمة الفندق، ولكن كان في بالي اصحى الفجر و اصور الشروق من الشاطئ لكن ماسويتها

اقتباس : المشاركة الأصلية كتبت بواسطة ملاك

والله رجعت لي ذكرياتي في هذة المدينة
مثل ماهي ماتغيرت حتى الشقة اللي سكنا فيها موجودة بإحدى الصور
تصويرك جميل ياعلي ومتحمسه لباقي الأجزاء

مدينة جميله جدا للراحه ماشفت بحر جميل مثل بحرها

اقتباس : المشاركة الأصلية كتبت بواسطة فارس من خيال

ماشاء الله مازال الابداع مستمر في هذا التقرير
تسلم الايادي علاوي ع الصور الجميلة
قولدكوست مدينة رائعة واشوف انها مدينة استجمام وراحة يومين الى ثلاثة كافية لها إلا اذا تم استئجار سيارة والتجول في المدن والارياف القريبة منها فتستحق 10 ايام

متابعين بقية التقرير الجميل

فعلا للإستجمام و الراحه ممتازه وايضا للمغامرات ،بصراحه 3 ايام ماتوفي حقها ابدا 10 ممتازه لتغطيتها 100%

ملاك, فيصل, آخـــرفـــرصـــة و 1 آخرون معجبون بهذا.

ali pontiac · 29-09-2016, 02:45 AM

GOLD COAST

اليوم الثاني

برنامجنا في هذي اليوم ملاهي الـ DreamWorld حجزت التذاكر قبل الرحله من موقعهم

Tickets - Dreamworld Store

التذاكر للكبار 95 دولار
التذاكر للصغار الي اعمارهم من 3 سنوات الى 13 سنة 85 دولار الصغار تحت الـ3 سنوات مجانا

بعض اعمال الصيانه

اخذنا ايسكريم من هذي المحل 12 دولار

الملاهي ماكانت حيويه ولكن اخذنا راحتنا في اللعب وماكان فيه طوابير طويله على الألعاب، عمر المكان باين عليه الملاهي تم افتتاحها في سنة 1981

وهذلين يلعبون في كل مكان

في منطقة الـ Kung fu panda ركبنا لعبة سببت لي دوار قوي
وكانت تقريبا من اواخر الألعاب واكتفيت حسيت ما اقدر اواصل اللعب، الكبر شين

و انتهينا من اللعب في الدريم ورلد و رجعنا للفندق

في الطريق شفنا هذي المكان وكأنه احتفال صيني وصرنا كل يوم نشوفه ونتسائل شنو ممكن يكون، وادخل Google map بس مايطلع لي انه في شئ في هالمكان، تفاصيله مع بقية التقرير.....

وصلنا الفندق و اخذنا قسط من الراحه

وخرجنا نمشي العصر

وهذي مواقف السيارات ونسيت اذكر انهي مجانيه، اعطوني ورقه لونها برتقالي لازم تكون على الداشبورد/الطبلون و اوقف في المواقف الي عليهم نقطه لونها برتقالي وشايفين في الصوره البوابه تفتح ببطاقة الغرفه المواقف جدا آمنه وفيه مواقف سيارات للزوار

تمشينا للشاطئ

وابوهم يشاركهم اللعب

وتمشينا في السنتر

مطاعم الكباب في كل مكان

وشفنا المطعم المكسيكي الي جربناه آخر يوم في سيدني

و تعشينا في مطعم Hog's Breath اطباقه امريكيه والديكور الداخلي ايضا

السعر 75 دولار

واحنا ناكل لفتة انتباهي هذي الصوره لسيارة سباق فورملا 1 اعتقد يسوقها متسابق استرالي وفايز بالمركز الأول في سباق لسنة 1980، السياره عليها شعار الطيران السعودي و شعار جريدة البلاد على ماعتقد، اتوقع هذي الأيام الذهبيه للطيران السعودي و طيران الخليج

بعد ما انتهينا دخلنة سوبر ماركت woolworths اشترينه بعض الحاجات وعجبني جهاز الكاشيير الآلي

سكاي دايف

وهذي كانت نهاية اليوم الثاني

يتبع،،،،،

فيصل و توبليرون معجبون بهذا.

ali pontiac · 29-09-2016, 03:47 AM

GOLD COAST

اليوم الثالث

مخطط اليوم الثالث ان نزور جبل Mount Tamborine ولكن اول مافتحت عيوني كنت اسمع صوت وكأنه صوت مطر،،، وقلت اعتقد ما بنروح اليوم الجبل، وفعلا كان صوت المطر

نزلنا ورحنا كوفي شوب اسمه زرافه وتقريبا كنا يوميا نفطر فيه وله فروع متعدده

السعر 24 دولار

رجعنا الفندق لدراسة الموضوع هل نجازف ونروح ولكن المطر اشتد وهذي علامه لتأجيل الموضوع

فكرنا نروح سينما، و فتحنا النت ونبحث عن مجمعات والمنطقه فيها عدة مجمعات واخترنا مجمع Pacific Fair و توكلنا على الله

نيسان سكايلاين، هذي السياره ممنوع تتسجل عندنا في البحرين مع ان في منهم مسجلين (بالواسطه) السبب ان السياره فقط انصنعت ومقودها جهة اليمين و تتحول جهة اليسار في الإمارات، وتتسجل في كل دول الخليج ماعدا عندنا ، مرغوبه جدا وكان الحل ان الي عندهم هذي السياره يحولون لوحاتها سعوديه او كويتيه بأسمهم، ولكن المرور ورانه ورانه وصار ممنوع تكون سياره لوحاتها غير بحرينيه بأسم شخص بحريني

المجمع فيه جزء منه مفتوح

تمشينا في المجمع ولكن مادخلنا السينما ورجعنا الفندق

نزلت تحت اشوف الكتيبات السياحيه والأنشطه الترفيهيه

، وشفت في عندهم حلبة Karting مسقفه، اتصلنا فيهم نسأل اذا كانو فاتحين او لا، وكانو فاتحين و توجهنا لهم

استمتعنا ولو انه محركات سيارات الكارت هذي كهربائيه عكس سيارات الكارت الباقي الي على بترول، لكن عزمها قوي جدا، السعر 39 دولار و 14 لفه على الحلبه

رجعنا للفندق وتقريبا وقف المطر توجهنا للشاطئ، وكان عندهم Beachfront market عباره عن كشكات وبضاعات مختلفه، ويتواجدون يوم الأربعاء و الجمعه و الأحد، لكن بسبب المطر الي كانو موجودين قليلين

في اليوم السابق شفت مطعم ياباني وكنت ناوي اروحه، وناسي وين كان وصرنا نمشي ونلف وندور وضاع الوقت وحصلناه قبل لا يغلق بدقائق

وهذي كانت نهاية اليوم الثالث

يتبع،،،،

توبليرونمعجبون بهذا.

hearty · 29-09-2016, 08:30 AM

ali pontiac و توبليرون معجبون بهذا.

فيصل · 29-09-2016, 08:36 PM

ما شاء الله بيوم واحد أكثر من مكان سياحي متنوع

ali pontiac و توبليرون معجبون بهذا.

ali pontiac · 01-10-2016, 03:19 PM

GOLD COAST

اليوم الرابع

برنامج اليوم الرابع ملاهي Movie World حجزت التذاكر من موقعهم سعر التذكره 79 دولار للشخص

https://themeparks.com.au/box-office...t-tickets.aspx

لعبة باتمان روعه

فرق بين ملاهي Dreamworld و Movieworld هذي اشرح واحلى واحدث وحيويه، ولكن لسوء حظنا اكثر الألعاب عليهم صيانه بصراحه لعبنا يمكن 3 العاب على ماعتقد و لعبة باتمان لعبناها 4 مرات متتاليه بصراحه المفروض يرجعون لنا نص سعر التذكره

آيسكريم كوكيز

ودخلنا عرض سيارات ممتع اسمه Hollywood Stunt Drivers Show

وهذي تصوير فيديو سجلته
V

وهذي اللعبه قيد الإنشاء

انتهينا من اللعب، , و زوجتي قالت نزور الأوتلت زياره سريعه نشوف شنو الماركات الي فيه، للعلم انه مخصصين له يوم ولكن اتعرفون الحريم و التسوق

الأوتلت اهوه Harbour town outlet

الزياره القصيره اصبحت طويله، وبعدها رجعنا للفندق نرتاح، و فكرنا في وين نتعشى، و اختارينا مطعم كان في مجمع الـPacific الي زرناه في اليوم الي قبل، اسم المطعم La Rotisserie الدجاج عجيب ولذيذ السعر 36 دولار

وهذي كانت نهاية اليوم الرابع

يتبع،،،

فيصل, ملاك و توبليرون معجبون بهذا.

نبضة ملائكية · 01-10-2016, 04:03 PM

تقرير جميل عن جولد كوست
بس خسارة على حظكم الألعاب كلها صيانة
وقت اللي رحنا كان شهر june الألعاب كلها أو معظمها مفتوحة
و dream world كانت حيوية و كبيرة و ألعابها أكثر و لا تقل إثارة عن Movie world
و كان وقتها الألعاب زحمممممة و يبي لنا نص ساعة او أكثر انتظار لدخول اللعبة

ali pontiac و توبليرون معجبون بهذا.

ali pontiac · 01-10-2016, 04:42 PM

اقتباس : المشاركة الأصلية كتبت بواسطة نبضة ملائكية

تقرير جميل عن جولد كوست
بس خسارة على حظكم الألعاب كلها صيانة
وقت اللي رحنا كان شهر june الألعاب كلها أو معظمها مفتوحة
و dream world كانت حيوية و كبيرة و ألعابها أكثر و لا تقل إثارة عن Movie world
و كان وقتها الألعاب زحمممممة و يبي لنا نص ساعة او أكثر انتظار لدخول اللعبة

شاكر لج مرورج، ذكرتيني في الدريم وورلد في احد الألعاب عند نقطة انتظار في لافته نكتوب عليها اذا كنت واقف هنا وقت الأنتظار 40دقيقه ، بس الحمدلله اكثر شي وقت لنا 5 دقائق

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير PDF سياحي شامل لمدن سيدني وجولد كوست وملبورن	عبدالله الحمودي	بوابة استراليا ونيوزلندا	15	28-01-2020 11:07 AM
متاهة Infinity الممتعة (قولد كوست)	زهرة نيسان	بوابة استراليا ونيوزلندا	27	15-04-2015 07:40 AM
استئجار سيارة في قولد كوست وبرزبن	قوسي	بوابة استراليا ونيوزلندا	2	10-04-2015 08:15 AM
شهر سيحاحة في قولد كوست؟ رايكم	ابو عبدالله1	بوابة استراليا ونيوزلندا	7	20-02-2015 01:39 PM