رحلتي الى استراليا اغسطس 2016 ملبورن سيدني قولد كوست - الصفحة 8

ali pontiac · 01-10-2016, 06:05 PM

GOLD COAST

اليوم الخامس

برنامج اليوم الخامس فريد من نوعه بالنسبه لي و يوم ممتع جدا صحينا من الفجر قبل الأذان موعدنا مع بالونات Balloon Aloft ونقطة التجمع فندق Mercure GoldCoast Resort الساعه 4:30 وكان الجو بارد، انطلقنا بالسياره الى الفندق ، و وقفناها في مواقف الفندق وانتظرنا داخل الفندق، وكان في مجموعات و شركات بالونات ثانيه ايضا متفقه مع زبائنها في نفس نقطة التجمع..

سعر التذكره 230 دولار للشخص وهذي كان اعلى سعر برنامج في السفره والمده 30 دقيقه

تأخر شوي الباص علينه واخر شي وصل

وانطلق فينا الباص لمسافة ساعه كامله لمنطقه زراعيه وفي بعض البالونات انطلقت والبالون مالنا كانو يشحنونه هواء

البالونات الي انطلقت قبلنا

البالون الي بنصعد فيه

كان معانا في البالون 3 كوريين و2 صينيين

وارتفعنا

مجرد ثواني واحنا فووووووووووق

كنغر

ثعلب !!

تصوير فيديو
V
V
V

وهبطنا بسلام

صار لنه تقريبا ساعه كامله في الجو الكابتن كل ماكان يحاول ينزل الهواء يسحبه في مكان لا يناسب، واخر شي نزلنا في مزرعه، والشخص الي كان يتابعنه من الأرض طلب الأذن من صاحب المزرعه بالدخول، وتالي ساعدناهم وطوينه البالون كامل، واعتذر الكابتن من صاحب المزرعه لأنه نزل في ارضه وكان جدا عادي وبشوش وكان كان واقف مع حيوانات اللاما عنده في المزرعه، ورجعنا لفندق ميركيور ، ورجعنا الفندق نصلي

مروحيه حامله اعلان

نزلنا سنتر السرفرز بارادايس

وجلسنا في المطعم المكسيكي الي جربناه في سيدني وجلسنا نشوف الي رايح والي جاي والأجواء عجيبه وهذي الجلسات تعجبني

اخذنا آيسكريم وجلسنا عند البحر الي ماتمل من مشاهدته

اخطر العصابات في استراليا

ورجعنا الفندق ولقيت هذي الفورم تحت باب الغرفه، ونسيت اقولكم موضوعها في تاريخ 9 في اول ايام ملبورن لقيناها تحت باب غرفتنا، فورمات احصائيه لعدد الناس في استراليا، وما مليتها في ملبورن ولقيتها هنا وبعد ما مليتها، يوم كنت في ملبورن سألت الموظفه هل لازم امليها؟؟ قالت لي افضل انك تمليها بس بصراحه ابد ماكنت فاضي لهم

و ظلم الوقت و كان برنامج الـ Night Quarter الي يصير نهاية الأسبوع يوم الجمعه و السبت، الي يكون في قولد كوست في هذي الأيام نصيحه لا يتعشى في مطاعم

رسوم الدخول 3 دولار الوضع نفس ملبورن سوق فكتوريا بالليل اكل وشرب، واطباق لذيذه ومتنوعه

اكثرهم يقبلون الكاش ، واجهزة الصرافه في كل مكان

وهذي الكشك يبيع عصير قصب سكر لذيذ

يارب ادم نعمك علينا

وبعدها خلاص وقت النوم، رجعنا للفندق و كالعاده كنه نشوف هذي المكان ومانعرف شنو اهوه!

وهذي نهاية اليوم الخامس

يتبع....

فيصل, ملاك, آخـــرفـــرصـــة و 2 آخرون معجبون بهذا.

فيصل · 01-10-2016, 06:44 PM

تسلم علي
المفروض صراحه بما أن الألعاب أغلبها مقفل يسوون عرض علي الأقل مو معقوله ما أستفيد من التكت
البالون هل لأنكم تأخرتم بالوصول له دخل بأن الهواء كان يتغير مساره
الأسواق شر لا بد منها والساعه تصير 6 ساعات
مثل هالأسواق اللي تصير شعبيه بأخر الأسبوع جميله
شكرا لك

ali pontiac, توبليرون و hearty معجبون بهذا.

نبضة ملائكية · 01-10-2016, 08:24 PM

جميلة رحلة المنطاد
كنت حابه نجربها بس قالوا ما تصلح للي عندهم أطفال صغار خصوصا ولدي رضيع بعده
فجربنا الهيلوكبتر و كانت تجربة مميزة بعد

متحمسة لباقي تقرير جولد كوست لأن الأنشطة فيها كثيرة و متنوعة و واضح تحب تجرب أشياء جديدة و مختلفة عن الغير
بانتظارك

ali pontiac, توبليرون و hearty معجبون بهذا.

ali pontiac · 04-10-2016, 03:17 AM

اقتباس : المشاركة الأصلية كتبت بواسطة فيصل

تسلم علي
المفروض صراحه بما أن الألعاب أغلبها مقفل يسوون عرض علي الأقل مو معقوله ما أستفيد من التكت
البالون هل لأنكم تأخرتم بالوصول له دخل بأن الهواء كان يتغير مساره
الأسواق شر لا بد منها والساعه تصير 6 ساعات
مثل هالأسواق اللي تصير شعبيه بأخر الأسبوع جميله
شكرا لك

الله يسلمك، في احتمال بسبب التأخير تغير المسار وتغيرت الأجواء مع انه ماكنه نحس بهواء قوي ابدا

اقتباس : المشاركة الأصلية كتبت بواسطة نبضة ملائكية

جميلة رحلة المنطاد
كنت حابه نجربها بس قالوا ما تصلح للي عندهم أطفال صغار خصوصا ولدي رضيع بعده
فجربنا الهيلوكبتر و كانت تجربة مميزة بعد

متحمسة لباقي تقرير جولد كوست لأن الأنشطة فيها كثيرة و متنوعة و واضح تحب تجرب أشياء جديدة و مختلفة عن الغير
بانتظارك

الهيلوكبتر ايضا متعه وتجربه جميله جدا

توبليرون و hearty معجبون بهذا.

ali pontiac · 04-10-2016, 04:14 AM

GOLD COAST

اليوم السادس

اليوم السادس كان البرنامج زيارة Springbrook National park وهيه محميه وطنيه تضم مناظر طبيعيه و شلالات واستاراحات واماكن للمشي

الدرب كان طويل

وفطرنا في هذي الأستراحه

وصلنا و تمشينا الى Natural Bridge

وصلنا الـNatural Bridge

ما طولنا في المكان ورجعنا متوجهين نشوف باقي المناظر في المحميه و التنقل بينهم مسافات

وهذي الGPS نوعه NAVMAN وهذي افضل بشوي من الي في ملبورن و نيوزلاند، اسرع منهم ذلاك كان استيعابهم بطيئ

وصلنا لنقطة شلال Purling brook falls

هذي النقطه الي تحت تحتاج مشي طويل واحنا اكتفينا بمشاهدة الشلال من فوق وهذي الصوره الزوم لأطول مدى

وهذي الشلال

وهذي بدون زوم

وهذي الشلال نفسه من زاويه ثانيه، والسهم المكان الي صورنا فيه

ورجعنا الفندق

بعد اخذ قسط من الراحه توجهنا الى Miami marketta للعشاء ،نظامه بالضبط مثل الـ Night Quarter الي رحناه اليوم السابق

بيتزا على الحطب

الـ Night quarter افضل واكبر ومتنوع اكثر من Miami Marketta يوم وصلنا كنت افكر نروح النhيت كوارتر مره ثانيه و نجرب الأطباق الي ماجربناها، بس عشان الوقت و ما نرجع متأخرين اكتفينا في ميامي، وفي بعض الكشكات موجودين في المكانين...واسعار الأطباق تقريبا كلها متشابهه تكون 15 دولار اقل او اكثر بشي بسيط

نهاية اليوم السادس

يتبع،،،

ملاك, آخـــرفـــرصـــة, فارس من خيال و 2 آخرون معجبون بهذا.

ملاك · 04-10-2016, 07:07 AM

الحلو في جولد كوست مليااااانه أنشطة وكلها ودك تجربها
وفعلا الشاطئ ماينمل منه
النايت كوارتر هذا جديد علي أفتكر يوم السبت في أكشاك تفتح على الشاطئ. أكل وحرف يدوية وإكسسوارات يعني أشياء زي كدا
متابعين [emoji1305]

Sent from my iPhone using Tapatalk

فيصل, آخـــرفـــرصـــة, توبليرون و 1 آخرون معجبون بهذا.

ali pontiac · 05-10-2016, 01:28 AM

GOLD COAST

اليوم السابع

هذي كان اخر يوم لنا في فندق Q1 سوينا الجك اوت ، ورحنا الفندق الثاني الي بنسكن فيه اخر ليله في قولد كوست وخاتمة الرحله الأستراليه، الفندق الثاني اهوه PLAZZO VERSACE وله فرع في استراليا وفرع في دبي فقط، وصلنا وسوينا الجك ان، بس الغرفه ماكانت جاهزه، ورجعنا للسياره و توجهنا لـ Mount Tamborine الي كان المفروض نزوره في اليوم الي هطل فيه المطر،،،

صورة الفندق

كل الأماكن الي زرناها مثل الدريم ورلد و الموفي ورلد ومحمية سبرنق بروك كانت على نفس الدرب، وكل يوم نمر على محل تشيز كيك احسه مغري قلت اليوم لازم اوقف عنده

اخذنا قطعتين تمدنا بالطاقه و واصلنا المشوار

هذي المنطقه حيويه اسمها Gallery walk واهيه كنقطة استراحه في Mount tamborine فيها محلات حرف ومطاعم وكافيهات

في mount tamborine كنا قاصدين زيارة مكانين الأول glow worm cave كهف الديدان المضيئه ، والمكان الثاني الـSkywalk

وصلنا واخذنا تذاكر لدخول الكهف مع مرشد يشرح لنه عن الديدان المضيئه ،سعر التذاكر 21.5 دولار

انتظرنا في المكان قبل لا يبتدي المرشد جولته و المكان جميل وفيه مطعم وكافيه

وحان وقت دخول الكهف

عرضو علينا فيديو وثائقي عن الديدان قبل دخول الكهف، وهذي النوع يعيش فقط في استراليا و نيوز لاند، و ممنوع التصوير او استخدام اي اضواء داخل الكهف

صوره من النت، هذي الصوره مصورين الديدان في Natural bridge الي صاير في محمية Springbrook ولكن يوم كنا هناك كان صعب تشوفهم

ودخلنا الكهف وشفناهم
صورة مدخل الكهف

و توجهنا للـ Skywalk

سعر تذكرة الدخول 39 دولار

هذي النبته مشهور في استراليا و نيوزلاند

واخذنا كوفي و كوكيز قبل مغادرة المكان

ورجعنا على طريق Gallery walk

وشفت هذي السياره ، هولدن استراليه كلاسك معدله،

مشيت شوي و قلت اله اوقف اشوفها و اصورها ونشوف المكان

و رجعنا للمدينه و الفندق

هذي جسر مشاة لطلبة جامعة Griffith

محل التشيز كيك الي مريناه في الصباح

وصلنا الفندق اخيرا

بالذات في هذي الفندق ما توقعت اشوف اتجاه القبله !! وشكيت هل هذي اتجاه القبله معقوله!! اول مره اشوفه في الرحله كلها !! تاكدت من الجوال وفعلا نفس الأتجاه

الإطلاله من النافذه

كان مخطط العشاء في الفندق نفسه نتعشه بوفيه بحري، وعلى حسب ما قرأت انه الأفضل في قولد كوست، ولكن يوم نزلت ماشفت الكثير من التنوع اكثر شي كان موجود الروبيان فقط

وكان الخيار الثاني البوفيه البحري في فندق الشيراتون جراند ميراج مقابل فندقنا، وهذي جسر مشاة يربط بين الشيراتون و مجمع مارينا ميراج بالقرب من فندقنا

وهذي فندقنا الفرساجي من فوق الجسر

دخلنا الشيراتون ونفس الشي، مافيه تنوع اكل بحري فقط ربيان و محار، في البحرين بوفيه الأكل البحري في الفنادق افضل بكثير وتنوع اكثر

وفتحنا قوقل نشوف مطعم، وصار الأختيار على مطعم ماليزي وخصوصا بعد ما عجبنا الأكل الماليزي الي جربناه في اوكلاند

وهذي المطعم

واحنا كنا ننتظر الأطباق قريت عن موضوع المكان الصيني الي كنا كل يوم نشوفه وتم اففتاحه تاريخ 26 اغسطس يعني اول ماشفناه ماكان مفتوح وهذي اليوم كان تاريخ 28 اغسطس، واهوه مجرد احتفال صيني بسيط

وتوجهنا له

وناسي كم كان سعر تذكرة الدخول بس الي اذكره مايستحق العناء

هذي الي تشوفونه اقمشه وداخلهم مصابيح

هذي التمثال مسوينه من .....

مسوينه من هذا

وهذي نهاية اليوم السابع

يتبع،،،،

فيصل, آخـــرفـــرصـــة, فارس من خيال و 1 آخرون معجبون بهذا.

فيصل · 05-10-2016, 11:54 AM

تسلم
هل يستلزم مرشد الي الكهف
الفندق جميل ..لكن بعض الاراءا بالأكل فيها تناقض ثد ما يعجبنا لا يعجب الغرب

ali pontiac, آخـــرفـــرصـــة و توبليرون معجبون بهذا.

ali pontiac · 05-10-2016, 12:16 PM

اقتباس : المشاركة الأصلية كتبت بواسطة فيصل

تسلم
هل يستلزم مرشد الي الكهف
الفندق جميل ..لكن بعض الاراءا بالأكل فيها تناقض ثد ما يعجبنا لا يعجب الغرب

ايوه الكهف لازم ندخل مع مرشد ويتكلم عن الديدان وحياتها وطريقة تكاثرها، داخل الكهف ظلام ماتشوف اي شي، يعطونه مثل الحلق فيه اضائه خفيفه نلبسه حق تشوف المسافه بينك وبين الشخص الي قدامك

آخـــرفـــرصـــة و توبليرون معجبون بهذا.

ali pontiac · 05-10-2016, 01:19 PM

GOLD COAST

اليوم الثامن و الأخير

اليوم الأخير انه نمت بما فيه الكفايه عشان ما اتعب من مسافة العوده، اما زوجتي نزلت تتفطر وصورت الفندق

وصار وقت الجك اوت واتصلو الفندق على الغرفه، وقلنا لهم نص ساعه واحنا طالعين بس عشان نصلي

عند وصولنا قولد كوست واستلام السياره، قالي موظف Thrifty انه موعد ارجاع السياره 10 صباحا، قلت له لا مساء، قالي انت مختار الوقت!! تأكدت من الحجز وفعلا بالغلط انه اخترت الساعه 10 صباحا، قالي تقدر تتصل في آخر يوم وتمدد الوقت، اتصلت فيهم آخر يوم وقلت لهم بمدد الوقت برجعها 9 مساء، وقالو لي ناخذ عليك 60 دلاور....

سوينا الجك اوت ورحنا مجمع Marina Mirage بالضبط عند الفندق مجمع صغير فيه مطاعم وكافيهات على النادي البحري

ورحنا منطقة السرفر بارادايس واكلت من هناك

جلسنا عند البحر نودعه

هذي مسيطر على المنطقه وياخذ الأكل الي ناس تعطيه باقي الطيور

وهذي آخر صوره في قولد كوست و استراليا صورة الغروب، وايد ناس تحب منظر الغروب، وانا ما احبه من صغري بصراحه دائما احسه منظر محزن او يعطي شعور بالحزن، وكفايه شعور آخر يوم كئيب نوعا ما وكأنك تودع شخص عزيز عليك

رجعنا من قولد كوست الى كوالا لمبور على Air Asia وترانزيت 4 ساعات، وتالي موعد رحلتنا على الإماراتيه، اخذنا البوردنق وصلينا الفجر وفيني تعب الرحله الأولى واقول الله يصبرني باقي رحله ثانيه، وصار وقت البوردنق و وصلنا عند البوابه، قالت الموظفه لحظه، اخذت البوردنق من عندي و طبعت بوردنق غيره، مكتوب عليه بزنس ، اقول حق زوجتي عطونه بزنس، تقول اي بزنس؟ قلت لها دخلي وانتي ساكته وماعليج، وقالت لها المظيفه رقم الكرسي وصار وجها ، اتوقع عطونه بزنس بسبب موضوع الشنط الي صار معانه!! وبصراحه كانت احلى رحله لا تعب و دلع اول مره ماتعب و لا يصدع راسي من الطياره، عادتا لازم يصدع شوي من الرحلات الطويله، وتمنيت المسافه كانت اطول بس من دبي الى البحرين التذكره الأقتصاديه ماتغيرت

وهذي نهاية الرحله،كتباة التقرير ارجعت لي ذكريات جميله، اتمنى يكون التقرير مفيد ولو بشي بسيط لأي شخص يقرر السفر لأستراليا، ماتوقعت يوم افكر ازورها اله يوم قريت تقرير الأخ العزيز بو غسان (آخر فرصه) تغيرت نظرتي للبلد، و تقارير باقي الأعضاء مراجع غنيه بالمعلومات المفيده، جزيل الشكر لكم و على جهودكم الطيبه

النهاية

فيصل, فارس من خيال, آخـــرفـــرصـــة و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير PDF سياحي شامل لمدن سيدني وجولد كوست وملبورن	عبدالله الحمودي	بوابة استراليا ونيوزلندا	15	28-01-2020 11:07 AM
متاهة Infinity الممتعة (قولد كوست)	زهرة نيسان	بوابة استراليا ونيوزلندا	27	15-04-2015 07:40 AM
استئجار سيارة في قولد كوست وبرزبن	قوسي	بوابة استراليا ونيوزلندا	2	10-04-2015 08:15 AM
شهر سيحاحة في قولد كوست؟ رايكم	ابو عبدالله1	بوابة استراليا ونيوزلندا	7	20-02-2015 01:39 PM