اذا كانت رحلتك تنزل في جوهانسبرج اقترح اضافتها للجدول
يومين تكون في ساندتون سيتي
اما سن سيتي بعيدة شوي ارجح استبعادها

بالنسبة للجدول اللي حطيته انت
ممتاز اذا وصولكم و مغادرتكم كيب تاون

خلك ع جدولك ممتاز ولاتسكن في السنتر

يا عابد

مشكلتك كل مشاركه تنزل جدول .

ترا بكذا ما راح ترسى على شي .

بقولك شي ..

اذا وصولك جوهانسبيرج

توجه مباشره الي كيب تاون على خطوط Kulula

و اول ما توصل استلم السياره واسكن حول الوتر فرونت

يا انك تسكن في الوترفرونت ( غالي السكن ) او في الجرين بوينت اوالسي بوينت

كيب تاون تستاهل اسبوع كامل . لكن في حالتك الاقامة راح تكون سريعه

5 ليالي .

بعدها توجه بالسياره الي موسيل باي .. حقها ليلتين فقط

قبل ما توصل موسيل باي .. تقدر تزور اخر نقطه في القاره الافريقية

وهي رأس اغولهاس .وتشاهد التقاء المحيطين الاطلسي والهندي .

بعد موسيل باي .. توجه الي نايزنا

المدينة جدا جميلة خذ فيها 5 ليالي

تقدر تزور منها اكثر من مدينة و فعاليه .

بعدها توجه للمحمية .

للمعلوميه / اغلب المحميات في القاردن روت عندهم برنامجين

سفاري و اقامه . او سفاري فقط .

انا جربت الخيار الاول .. الحمد لله كانت المحميه جدا جميلة بكل لحظاتها .

بعدها توجه الي مطار جورج .. وسلم السياره .. و توجه الي جوهانسبيرج

وخذ ليله او ليلتين فيها .

واسكن في ساندتون .. شوف فندق ماسلو أو فندق ذا كابيتال مولوكو

اهم شي اسكن في ساندتون .. واحاول تختار فندق يوصلك الي مانديلا سكوير و مول ساندتون .. لانهم يوصلون للساحه مجانا .

..


بخصوص التكلفه .

البلد جدا رائع ارخص من اوروبا بكثير .. .. الامان عالي في كيب تاون و القاردن روت و المحميات

الاكل الحلال متوفر في كل مكان ..

السياره مهمه تكون معك .. خاصة وان السائق الخاص مكلف .

صحيح ان السواقه عكسنا .. لكن الموضوع بسيط . خلال ساعه تتكيف مع الوضع

لتر البنزين حوالي 12 راند .حوالي 4 ريال .


..


اذا ودك في زيارة الصن سيتي .. لازم تعكس الجدول .

لان الرحلات لمطارها محدوده جدا .. و نوع معين من الطائرات توصل لهذه المدينة.


بالتوفيق ان شاء الله

يعطيكم العافيه جميعا ما قصرتو
و تعرفو اول مره اروح المنطقه و بروح شهر عسل لازم استفسر كثير
لو سفره شباب روح و انت مطمن بدون سؤال ����
طيب حلو البرنامج لو كنت رايح على مطار جوهانسبرغ
طيب لو كنت على مطار كيب تاون كيف الجدول ؟؟؟

ما اظن راح تطلع مباشر الي كيب تاون

سعر التذكره نار.
وفي الاساس مافي رحله مباشره على الخطوط السعودية الي كيب تاون

فأذا طلعت رحله ترانزيت من السعودية الي كيب تاون عن طريق الاماراتية او القطريه او الاثيوبية او عن طريق رحله داخليه الي كيب تاون

راح يكون جدولك المشاركة رقم 14

ادري تعبتكم معاي ������
خلاص قررت
التذكره عالاثيوبيه إلى كيب تاون 3600
الجدول كالآتي
5 كيب تاون منطقه الوتر فرونت
3 جاردن روت
2 موسل باي
1 المحمية
3 كيب تاون وسط المدينه
و يعطيكم العافيه جميعا و رايكم يهمني

ليه ترجع لكيب تاون .


ما دام وصلت جنوب افريقيا .. زور جوهانسبيرج

ميدان مانديلا يستاهل ..


خلي الرجعه من جوهانسبيرج

يعطيكم العافيه جميعا ما قصرتو
تم الحجز على الخطوط الأثيوبية التذكرتين 6900
و الجدول كالآتي
5 كيب تاون منطقه الوتر فرونت
3 جاردن روت
2 موسل باي
1 المحمية
3 كيب تاون وسط المدينه
و ماقصرتو و انشاءالله هاليومين راح احجز الفنادق
اذا ممكن تذكرو لي النشاطات الي في المناطق الي يزورها

مرحبا يا اخ عابد

خلينا نتفق في البداية.

الثلاثة ايام الاخيره لو تكون يوم واحد فقط

والايام الباقيه تضمها للقاردن روت


على فكره .. منطقة السكن في القاردن روت راح تكون في نايزنا knysna