ماليزيا+اندونيسيا 22يوم وصور بتقنية جديده (للتحدي) القسم الاندونيسي

رائد بومريم · 26-02-2015, 02:13 AM

اليوم العشرين والاخير
بعد الفطور طلعنا لمانقا دوا ولا ادري ليه المدام قالت تبي تروح له .. ايه صح كنا شايفين شنط بخمسين الف واشكالهم حلوه .. قلنا ممكن ناخذ منهم .. المهم قلنا خل نجرب التوك توك .. وقالنا بثلاثين الف بيوصلنا وحنا قبل يومين رايحين مشي من قرب المسافه وقلت له بالخمسة عشر الف وانا زايده بس قلت مافيه مشكله عشان التجربه بس والا لو اني اخذت البلو بيرد بالعداد ماوصل ذا السعر المهم ركبنا

ووصلنا ولفينا المانقادوا سكوير ووالمانقا دوا الثاني وقلنا وين نروح؟؟؟ وين؟؟ وطلعنا اخذنا البلو بيرد وقلنا رجعنا للفندق.. قال اوكيه واول مامشى قالت لي المدام ساله عن الشاطى ؟؟ قلت له وين منطقة انشول؟؟ قال قريبه من هنا.. بكم توصلنا ؟؟ قال بعشرين الف تقريبا ورحنا .. الدخول الى المنطقة بفلوس.. ونزلنا عند المول الفاضي من الناس وطلعنا عالشاطى شوي

ورجعنا مشي

لين لقينا تاكسي يرجعنا الفندق
وقتها حسيت كان الناس بدت تجي للشاطى ... الظاهر ان حنا رايحين بدري على الساعه واحده الظهر المهم جالسنا فالفندق ماعندنا مكان نروح له وكان فيه عندهم همبرجر ضخم قلنا نطلبه كتجربه.. البوفيه كان ١٨٠الف بس طلبنا البرجر العملاق ب٤٥٥ الف

طبعا هذا الهمبرجر عملاق يكفي لاربعه الى ثمان اشخاص .. بس مش واضح حجمه الطبيعي في الصوره والا الصحن اللي هو فيه يكفي حق حبة دجاج مع رز هذا مثال عشان تتخيل حجم البرجر .. المهم قلنا بنطلع نروح احد المجمعات نلعب شوي .. طبعا كان القرار على مجمع تامان انجريك.. المجمع يبهرك قبل تدخل له من الشاشه الكبيره اللي مغطيه واجهة المجمع.. بس ماادري وين راحت الصور حقت المجمع.. دخلنا وللاسف مافيه العاب وطلعنا ورجعنا للفندق ..طلعت الطلعه بلوشي ...ورجعنا نرتب الاغراض ونستعد للرجوع للديره بعد سفره طويله حلوه جدا جدا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة الى اندونيسيا و ايضا ماليزيا ارجو الافادة	ابو الوليد	بوابة اندونيسيا	10	30-07-2019 02:29 AM
محتاج مساعدتكم بجدول 16 يوم ماليزيا و اندونيسيا	abdullah551	ماليزيا	15	06-12-2017 07:08 PM
ماليزيا+اندونيسيا 22يوم وصور بتقنية جديده (للتحدي)	رائد بومريم	ماليزيا	226	04-02-2016 06:24 AM
مقارنة بين ماليزيا و اندونيسيا	ali-333	بوابة اندونيسيا	28	02-07-2015 06:15 AM
التصوير بتقنية 360 درجة ببرنامج bubbli على الايفون (للتحدي)	رائد بومريم	بوابة الكاميرات	20	27-06-2015 01:55 AM