هــذا الجديـد .. آسـيا الـحقيقيـة .. من الجـدة إلى الحـفيد .. (اغسطس 2016)

Fahd · 07-11-2016, 09:14 PM

حـــــديقـة الفـــــاكهة
Mardi Agro Technology Park

# كان تقييمها منخفض (2.4 من 5) وهي بصراحة ما تستاهل العنوه خصوصا إذا كنت مخطط لزيارة بينانغ لأن حديقة الفاكهه في بينانغ أفضل بمراحل ..
# يتوقعون إنك جاي تاكل حبحب () بس وياخذونك لمكان الأكل قبل الجولة اللي ما تعدي 10-15 دقيقة ..
# جميع الزوار وفي كل الأوقات اللي كنا موجودين فيها كانوا خليجيين أو عرب ..
# حصل لنا موقفين غريبة عجيبة فيه ..

# الأول .. وهو يرتبط بجزئية (أنا ومن بعدي الطوفان) التي ذكرتها في الملاحظات وتكررت للأسف أكثر من مرة وفي أكثر من مكان .. بعد ما قصينا التذاكر وجلسنا في الإنتظار قرابة الـ 10 دقايق .. لم يكن قبلنا إلا رجل وزوجته ومن ثم جاء رجل آخر مع زوجته ومن ثم عائلة أخرى من 4 أفراد .. وصلت الشاحنه اللي تنقل الزوار وكانت من 4 صفوف كل صف يشيل 3 إلى 4 أشخاص .. كان المنطق أن نصعد بالترتيب ولكن الجماعة اختاروا سياسة (من سبق لبق) وأسرعوا للركوب قبلنا .. كل عائلة جلست في صف مستقل ولم يبقى سوى مقاعد متفرقة لم تكون كافية اصلا لعددنا .. نظرت لهم مستغربا لكن فضلت التجاهل بعد ذلك وطلبت من الجميع الإنتظار وقلت للسواق ماراح نركب .. بننتظر الشاحنه التالية .. كانت خيرة .. جات الشاحنة التالية خلال دقيقتين ولم يكن هناك غيرنا ..
# ذهبنا أولا لمنطقة التذوق .. لم يكن يوجد سوى أصناف محدودة جدا من الفواكه لاتتعدى 5 ..

# بعد ذلك ركبنا الشاحنة اللي تاخذنا في الجولة وهنا صار الموقف الغريب الثاني وأعتقد إن إحدى الأخوات Deena أو أم زياد ناجي صار لهم شيء مشابه .. توقفت الشاحنه عند أول الأشجار ولم ينزل أحد وبالكاد تسمع صوت المرشد .. والجولات هذي أساسها إنك تسمع وتسأل وتستفيد خصوصا لفواكه لا تتوفر زراعتها في بلدك .. وتوقفت المرة الثانية ونزلوا اخواني بينما لم ينزل أحد من الزوار الآخرين .. لكن المرشد هذي المرة ذهب أبعد قليلا يعني اذا ما نزلت ما راح تسمع وش يقول .. كنت مستغرب من بقية الركاب اللي ما تحركوا خطوه لكن قلت معليش ما دفعت فلوس عشان اقعد في الشاحنه .. ونزلت أنا واخواني وأطفالي واستمعنا وسألنا وتصورنا والبقية مكانك سر .. انتهت الجولة سريعا وأعادونا لنقطة البداية ..

# كانت الزيارة مخيبة للآمال خصوصا أنا وزوجتي قد زرنا مسبقا حديقة بينانغ في 2009 وكانت الجولة أفضل بكثير وتمر على أشجار عديدة ويتحدث المرشد عنها بإسهاب ..
# كان فيه برج مشاهدة قريب من نقطة البداية ورحنا نستكشف البرج ولقينا المنظر جميل (تحتاج تطلع 3 أدوار) وقلنا خلينا نحلل الزيارة وجلسنا فوق حدود الساعه .. ولا كان فيه أحد غيرنا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى استراليا اغسطس 2016 ملبورن سيدني قولد كوست	ali pontiac	بوابة استراليا ونيوزلندا	110	05-03-2020 06:52 AM
37 ليلة بين احضان الساحرة زيزا من 7 يوليو الى 14 اغسطس 2016	himzmz	ماليزيا	429	08-04-2018 07:38 PM
رداً للجميل ... تجربتي مع شنغن المانيا اغسطس 2016	un33	فيزا	15	04-10-2016 12:00 PM
نبارك للجميع الترقيات الجديدة ( اغسطس 2016 )	ادارة المنتدى	أخبار واعلانات الأعضاء	33	24-09-2016 01:22 AM
شنغن المانيا 2 اغسطس 2016	مبتدأ	فيزا	6	18-08-2016 10:42 AM