رحلتي الى قطر لون وصوت وحركة

مسافره · 10-02-2015, 11:50 AM

السلام عليكم ورحمة الله وبركاتة

[mark=#050000] قطر ..[/mark]

حيث بهجة وسحر اللون

و روعة تردد الصوت

ونشوة وانسيابية الحركة

من هنا نبدأ..

>

.
.

ترقبوا.. ترقبوا.. ترقبوا..

.

الصور المصغرة للصور المرفقة

مسافره · 10-02-2015, 11:11 PM

..بعد ما تكنسلت رحلة دبي لظروف قاهرة خارجة عن ارادتنا قررنا انا وزوجي العزيز السفر الى وجهة بديلة أعدناترتيب أوراقنا بشكل سريع

إستعداداً للوجهة الجديدة..

قررنا نسافر للدوحة الى دولة قطر الحبيبية الجميلة بجمال ارواح شعبها..

الرحلة خطافية من2-2- إلى 5-2-2015

في صباح يوم السفرصحينا ع الفجر انا وزوجي وبنتينا صلينا اللهم لك الحمد

شيكنا عالنواقص فيالأغراض

الجوازات الشنط القهوة والشاهي وكاميرتي الكانونية و...و...و...كل شي تمام

وهبااا ع السيارة كان الجو ممتاز وحلو جداً وحماس السفر زاد من الحماس والحلاوة

الدمام الأحساء المنفذ سلوى الدوحة

زوجي يدل الطريق لانه قد راح مرتين مع اخوياه ولكن احتياطاً اذا نسى والا شي الآيباد وتطبيق [mark=#0b8500](آي قو)[/mark] يقوم بالمهمه

اترككم مع صور الطريق وانا بستريح شوي مع شوي كتكاتات هع..

وصلنا آخر محطة فالسعودية خخخخ وفللنا بنزين وشوية اغراض بساكيت وحلويات للصغار للصغار فقط ( اشك) وماء وكذا ..

وع المنفذ ..

خلصت امورنا الحمدلله بسلام ودخلنا قطر ..

ماشاء الله الطريق منظم ومرتب بس الكاميرات ورانا ورانا

المهم وصلنا الفندق وهو فندق سويس بل الدوحه عاد زوجي يقول انه من افضل الفنادق في الدوحه لأسباب وهي قربه من سوق واقف وقربه من الكورنيش عشان الإطلاله والفيو وكذا المهم حركات رجالا مممم

..

بعد ما خلص امور-الشيك إن- نزلنا ووصلوا لنا الاغراض أول شي سويته هبااا عالنافذة إلا والله فعلاً المنظر يجنن .. يهبل كانت اطلالته متحف الفن الإسلامي اللي عالبحر وامتداد الكورنيش بصراحه أعجبني

خصوصا إنه من [mark=#a39b9b]الدور14 [/mark]..

البنات من التعب ناموا الله يحفظهم وانا ما طولت بعدهم ونووووووم عميق ...

بعد ما قمنا بعد العصر للأمانه ما كان عندنا خطة واضحة معتمده على الله ثم على ابو الشباب الخبره الدليلة

المهم تجهزنا وزبطنا انفسنا وعلى سوق واقف كنت متحمسه جداً خصوصا ان حبيباتي صحباتي راحوا له ويمدحونه كثير

وصلنا بسرعه لانه قريب مررررره

راح زوجي يدور عالمواقف اللي اول كانت مغلقه او بالعربي مالقها هع

فسأل قالوا له جهة الكورنيش في مواقف اندرقراوند

يمين يسار لقيناها بصراحه اعجبت زوجي فكرتها مره خصوصا الترتيب وتمييز الموقف بالرقم واللون والزون روعه روعه بجد

وأيضا فيه زي عربةالمصابين في المباريات أو عربة القولف تنقل الناس مجاناً

وقفنا وأخذتنا هالعربة الى الاصنصير من حسن حظنا ما طولنا

لانه كان فيه واجد ينتظرون من جميع الجنسيات
وهذي حديقة فوق المواقف روعه

سوق واقف زحمه اكثر بكثير من زحمة الناس فالمواقف وجنسيات اكثر واكثر

..

لفت انتباهنا صوت صاخب وموسيقى وتشجيع وعرفنا من الإعلانات ان فيه فعاليات وعروض للدلافين وفرقة راقصة
جينا بندخل قالوا خلصت التذاكر حاول فيهم زوجي عشان الاطفال قالوا ابد مافيه مكان للجلوس ويافرحة ماتمت..
[media]http://http://youtu.be/OPOBK9gNjYQ[/media]

تركناهم

ودخلنا السوق تمشينا ومن محل الى محل يمكن لمدة ساعتين

تعبنا مرررررررررررررررررررره وجعنا مرره

المهم أقرب مطعم مسكت مع أبو الشباب الا هالمطعم لانه عالطرف بس نتعشا ونمشي

..

تعشينا ولله الحمد وحسينا ان البطارية تفللت خخخخخ

وكان زوجي يبينا نرجع الفندق بس انا نشششبت له الا ناخذ لفه عالكورنيش وفعلا احم احم اقنعته الجو مرره روعه ونسيم البحر ينسي الهم والأبراج خيال وبعدها عالفندق نوووووووووووووم

..

وهكذا نكون خلصنا اليوم الأول في قطر انتظرونا بكره وبكره غيرررر..

جااااايه إن شاء الله ..

تصبحون على خير

ترقبوا.. ترقبوا..ترقبوا..

MOBARKI · 11-02-2015, 12:30 AM

بداية رائعة وسرد ممتع

ليت تكون الصور بالتقرير مباشر وليس مرفقات

متابع

توبليرون · 11-02-2015, 07:32 AM

براااافوووو
اي جذيه الناس اللي تسوي تقارير طازجه
ماشاءالله اسلوب حلو وجميل جداا
ربي يخلي لج ابو الشباب والبنيات ويبلغج فيهم
تابعي واحنا متابعينج هني

وجهات أوروبية · 11-02-2015, 07:59 AM

ياهلا ومرحبا اختي
نورتو الدوحه بجيتكم

الله يخلي لج زوجج وبناتج ويبارك فيهم ويحفظهم

سرد جميل من بدايته حتى لو بدون صور ممتع جدا

متااابعين واااااااصلي

كتكات783 · 11-02-2015, 11:34 AM

أهلا بك أختي ...
ماشاء الله عليك مشاركتين بالمنتدى وتقرير على طوووووووول ( هذا الصح )
فعلا الصور لها نكهة في التقرير حاولي تشوفين وضعها ..
وربي يحفظ لك بنياتك .. بس عسى ماكثرتوا من الكتكاتات

مسافره · 11-02-2015, 01:52 PM

اقتباس : المشاركة الأصلية كتبت بواسطة MOBARKI

بداية رائعة وسرد ممتع

ليت تكون الصور بالتقرير مباشر وليس مرفقات

متابع

هلا اخوي

كلكم تقولوا مافي صور والله أنا نزلت صور وطالعه عندي
مدري وين المشكلة بالظبط الحقوا علي يالاداره تهي تهي
امممممم طيب هل اذا حطيت الألبوم خاص
تصير الصور خاصة في المشاركات
ممكن هذا السبب

مسافره · 11-02-2015, 05:28 PM

اقتباس : المشاركة الأصلية كتبت بواسطة توبليرون

براااافوووو
اي جذيه الناس اللي تسوي تقارير طازجه
ماشاءالله اسلوب حلو وجميل جداا
ربي يخلي لج ابو الشباب والبنيات ويبلغج فيهم
تابعي واحنا متابعينج هني

يعطيك العافية

هل الصور وأضحه عندك والا لا

مسافره · 11-02-2015, 05:37 PM

اقتباس : المشاركة الأصلية كتبت بواسطة qa6ar911

ياهلا ومرحبا اختي
نورتو الدوحه بجيتكم

الله يخلي لج زوجج وبناتج ويبارك فيهم ويحفظهم

سرد جميل من بدايته حتى لو بدون صور ممتع جدا

متااابعين واااااااصلي

هلا وغلا

تأكدوا بالله من قضية الصور

مسافره · 11-02-2015, 05:39 PM

اقتباس : المشاركة الأصلية كتبت بواسطة كتكات783

أهلا بك أختي ...
ماشاء الله عليك مشاركتين بالمنتدى وتقرير على طوووووووول ( هذا الصح )
فعلا الصور لها نكهة في التقرير حاولي تشوفين وضعها ..
وربي يحفظ لك بنياتك .. بس عسى ماكثرتوا من الكتكاتات

هلا وغلا انا متاكده ان فيه صور