ماليزيا... كل عام وإليك وجهتي ... - الصفحة 5

ثنيان · 07-10-2016, 07:05 AM

اقتباس : المشاركة الأصلية كتبت بواسطة عاشقة لنكاوي

مشكور اخوي على التكملة وخصوصا بوتراجايا انا حاطتها في الجدول الصبح ينفع؟ او العصر افضل ولو العصر افضل ايش الخيار في سيلانجور الصباح غير الصن واي وكيدزانيا ياريت انت او الاخوان يفيدونا

هلا بك عاشقة لنكاوي
افضل وقت لزيارة بوتراجايا هو العصر عشان الشمس والحرارة
اما في وقت النهار تقدرين تروحين للماينز وندرلاند وهو مجمع كبير
حديقة وسوق وملاهي وثلج وبحيره
وايضاً تقدرين تروحي لحديقة الحيوان هي اقرب لسلانجور من كوالا
ووقتها في النهار افضل.
اسعدني مرورك

عاشقة لنكاوي و قصة حب معجبون بهذا.

أبو سعد · 07-10-2016, 12:48 PM

يعطيك العافية أخوي ثنيان .. السيارة فعلا مطلب أساسي توقف متى ما تبغى وما يربطك لا وقت ولا شيء

متابع معاك

فيصل · 07-10-2016, 04:23 PM

الحمدلله معك سياره أي مكان بإذن الله أنك توصل له

Majnoonfek · 08-10-2016, 05:34 AM

السلام عليكم ورحمة الله وبركاته

ماشاءالله عليك ياأخوي ثنيان بصراحه اهنئك على سردك للتقرير المميز
وعلى تجربتك للسواقه ،،

انا إن شاءالله رايح ل لزيزه بعد شهر وكنت ابي اسئلك عن الجناح اللي اخذت بالصن واي لاقون كيف مساحته ؟؟؟

هل يكفي لي انا وزوجتي واربعه اطفال ١١سنه ، ٨ سنوات ،٣ سنوات ، وسنه ونص لانك ذكرت ببداية التقرير انك اخذته واعطوك بس سرير واحد اضافي .

ثنيان · 08-10-2016, 02:14 PM

اقتباس : المشاركة الأصلية كتبت بواسطة أبو سعد

يعطيك العافية أخوي ثنيان .. السيارة فعلا مطلب أساسي توقف متى ما تبغى وما يربطك لا وقت ولا شيء

متابع معاك

متابعتك شرف لنا الله يحفظك

أبو سعدمعجبون بهذا.

ثنيان · 08-10-2016, 02:16 PM

اقتباس : المشاركة الأصلية كتبت بواسطة فيصل

الحمدلله معك سياره أي مكان بإذن الله أنك توصل له

فعلا السيارة فرقت كثير معي وأن كتب الله ورحت مرتن ثانية لماليزيا راح اخليها طول الرحلة معي
اسعدني مرورك

فيصلمعجبون بهذا.

ثنيان · 08-10-2016, 02:24 PM

اقتباس : المشاركة الأصلية كتبت بواسطة Majnoonfek

السلام عليكم ورحمة الله وبركاته

ماشاءالله عليك ياأخوي ثنيان بصراحه اهنئك على سردك للتقرير المميز
وعلى تجربتك للسواقه ،،

انا إن شاءالله رايح ل لزيزه بعد شهر وكنت ابي اسئلك عن الجناح اللي اخذت بالصن واي لاقون كيف مساحته ؟؟؟

هل يكفي لي انا وزوجتي واربعه اطفال ١١سنه ، ٨ سنوات ،٣ سنوات ، وسنه ونص لانك ذكرت ببداية التقرير انك اخذته واعطوك بس سرير واحد اضافي .

هلا بك اخوي
تروح وترجع بالسلامة يارب
الجناح طال عمرك هو جناح تنفيذي 60 متر يكفيك وعيالك الله يحفظهم وبترتاح وياهم فيه
عطوني السرير الاضافي مجاني ماطلبتة ممكن تطلب سرير مع الاضافي وتدفع قيمته ويصير عندك
اثنين بسعر واحد ... اذا وصلت عندهم تواصل مع داوود وهو راح يتعاون معك كثير وبيعطيك اشياء
مجانية كثيرة تراه حليل ومايخالف
تحياتي لك

أبو سعد و قصة حب معجبون بهذا.

Majnoonfek · 08-10-2016, 04:42 PM

ماعليش اخوي ثنيان استفسار هل السويت فيه صاله جلوس منفصله وشكراً لك اخوي ويعطيك العافيه

محمد الهاجري · 09-10-2016, 02:24 PM

اقتباس : المشاركة الأصلية كتبت بواسطة ثنيان

العذر والسموحة على التأخير..

بما اني ناوي اروح لا ايبوه في طريقي لبينانج قررت اني استفيد من وجود السيارة
واروح اتمشى بعيالي
فكرت اروح اي ستي لكن جربته في رحلتي 2015 والحقيقة لايستحق تكرار الزيارة
قررنا نروح بوتراجايا لانها قريبه وماقد جيتها قبل وشي جديد ماجربته
بحثت في برنامج ويز وحطيت الوجهه وتوكلت على الله
الطريق سهل وما واجهت صعوبة في الوصول بفضل الله ثم ملاح الرحلة (أم العيال)
ماسكة هالجوال وماعندها غير رح يمين ورح يسار لين وصلنا بوتراجايا
كانت جميلة وحلوه منظمة وواسعه والخضره فيها خيال

طبعا انا ما ادري وش قدامي لاني ماكنت محضر اني اروح لها واللي اعرفه انها منطقة راقية
فيها مقرات وقصور الحكومة واعرف ان فيها جسر اشوفه بالصور دايم لكن ماقد جيته
ولا اعرف عنه شي
وصلت للجسر وفعلا مثل الصور ولاني ما اعرف المنطقة بس أخبر اني قريت منذو مبطي
انه فيه مسجد كبير وبحيره وقوارب

لكن وين واي مسجد ما ادري طبعا البرنامج يطلع لي المساجد اللي حولي لكن مايعلمني
وش عنده من فعاليات
شفت مسجد زوين ولونه وردي من بعيد وشكلة كبير ونظيف قلنا خلنا ننصاه
ومادام الموتر معك رح ولا يهمك
وصلت للموقع ,وشفنا هالعالم والسيارات والباصات وزحمة وكان هو اللي نسمع فيه
وكان عبارة عن منطقة كبيره جدا فيها مقر الحكومة والمسجد
وتحت المسجد فيه سوق صغير ومكان تأجير قوارب صغيره

قلت خلنا نصلي العصر بالمسجد وبعدين نفتر ونشوف وش قدامنا
المسجد كبير جدا وهو ايضا مزار سياحي يجونه السواح بالباصات
ويلبسونهم زي محجب للنساء ويخلونهم يدخلون .
اماكن الوضوء تحت المسجد كبيره ونظيفة لكنها مشوااار
وفيه الحرس الخاص بالمسجد ولهم زي خاص يساعدونك
في اي شي تبيه وهم في غاية اللطف والفزعة
المسجد موقعه رائع تصلي وانت فوق بحيره ومناظر الخضرة والماء تشرح البال والخاطر

عشان تنزل تحت للسوق والقوارب فيه درج متحرك ومصاعد من خارج المسجد
اذا طلعت تلقاه على يمينك
لقيت محلات لبيع التذكارات والاشياء البسيطه ومأكولات خفيفة
توجهت لتأجير القوارب وخذيت لي قارب انا وعيالي ب160 رنقت لمدة 30 دقيقة
لكنه فرفر بنا في البحيره حول الساعة أو أقل بشوي وكان يشرح لنا عن كل المباني والقصور
اللي نشوفها حولنا ولاندري وش قصتها
والحقيقة كان جدا متعاون وبشوش استمتعت في الرحلة لان المنظر من البحيره يختلف كثير
وأفضل وقت لزيارتها هو وقت العصر عشان حرارة الشمس

خلصنا جولتنا وكان وقت المغر قرب وقلت خلني ارجع للفندق قبل الليل ولان ورانا سفرة بالبر
ولله الحمد قضيت وقت ممتع مع عيالي في مكان جميل
ولا كان فيه اشكالية في طريق العودة او صعوبة كل شي واضح من ناحية علامات الطريق
واللوحات الارشادية

السفر بالسيارة الى ايبوه والكميرون...
.
.
.

بالفعل كانت بتروجايا روعه لازم يكون المسجد وفعاليته ضمن الخطط

جربتها الصباح وفعلا توقيته جيد اما الظهر حر

قصة حبمعجبون بهذا.

محمد الهاجري · 09-10-2016, 02:35 PM

متابع لاستئجارك السياره

اخوي حددت الاحداثيات مسبقا او تكون موجودة في لسته في السياره

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وجهتي القادمة الى أوربا .. خططو معي	سكوب	البوابة السياحية	5	11-08-2016 02:40 AM
أنتم من تحددون وجهتي ,, يالله اقلطوا	الانيق	البوابة السياحية	11	02-05-2016 02:08 AM
محتاااااره احدد وجهتي	abrar11920	البوابة السياحية	16	25-11-2015 07:19 PM