فيديو HD
تم دمج مجموعه فيديوهات بمجموعه واحده

وتلاحظون الصينيين كالعادة تخريب بكل شيء

الاحترام والذوق العام هنا صفر






انتهينا من زيارة النادي وتتجه البوصلة الى سوق ترافورد



يتبع ...

اكبر سوق باوروبا
سوق ترافورد

بعد الخروج من زيارة نادي مانشستر
ومن محطة الباصات التي مقابلة لفندق

Premier Inn Manchester



الفندق موقعه ممتاز تذهب للنادي مشي على الاقدام
والسوق بالباص بحدود 3 باوند للشخص

طبعا كيف تعرف رقم الباص
كنت معتمد على الله ثم قوقل ماب اشوف رقم الباص واركب
بدأت الامطار بالهطول واحنا بمحطة الباص

















وصلنا للسوق والمطر مستمر
الجو كان في قمة الروعه
صح اننا تبللنا لكن مستمتعين بالجو









السوق ضخم فعلا
وفية مجمع خاص بالالعاب
يعني مناسب للعائلة



















هنا كانوا معتذرين للزباين ان ماكينة الصراف لا تعمل
والدفع كاش فقط














































يتبع...

بدأ التعب يدب على الوجية للعائلة
قلت لهم وش رايكم ندور مطعم نتغدا
ساحة المطاعم ما كنا نعرفها لكن سبحان الله بالصدفة وجدنها

اول ما دخلت الساحة الكبيرة للمطاعم تذكرت مقطع باليوتيوب
شفته من حوالي سنتين واحد كويتي كان مصور فيديو والمكان مزدحم

المطاعم زحمة سرا ولا تقدر تقول عطني المنيو بشوف

النية كانت مطعم فرايدز ولكن ابي اسال وين المنيو
ولا واحد معطيني وجه من الزحمة وسرا طويل

قلت شوفوا معطم غيره
اخر شي لقينا طابور خفيف عند كنتاكي وقفنا
وباقي قدامي واحد ويوصلني الطلب وكنت مجهز طلبي من المنيو اللي فوق روسهم
وفجأه تنزل لوجة صغيرة انتهى
وتوهقت وش اطلب مابي الا دجاج بالاخير
طلبنا ذرة ودجاج وجوانح تمشية حال
علبة عائلية





























فيه العاب الكترونية فوق المطاعم وهي العاب مصغره







انتهينا من الغدا واكملنا التسوق وصار خلف الساحة هو مدخل السوق الرئيسي ولقينا مطعم فايف قايز بالمدخل
انقهرنا ماعنده زحمة وكل اكلة دجاج البرجر الواحد عنده عن اثنين برجر من كبر الحجم












































بين الممرات وانت متجه للمطاعم هناك ممر فيه محلات يابانية كورية صينية









انتهينا من السوق وخرجنا والنية العودة للسكن خصوصا انه قارب وقت الظلام
خرجنا من الجهه التي دخلنا منها وحاولت اطلب اوبر

قلت هنا بعيد علية كيف بيدخل
نطلع على الشارع العام افضل
لما خرجنا واشوف موقف الباصات امام السوق الباص ينزلك بالسنتر للمدينة
وهو قريب من السكن لكن لعب فينا المطر لعب وقتها





هذا الجزء من السوق ما رحنا له ما انتبهنا له الا لما خرجنا هنا
واشوف الخريطة صار
جزء خاص بالعاب ليجو لاند وسي لايف
Sea Life
LEGOLAND

توصله عن طريق ممر متصل بالسوق واضح بالصورة الممر
علشان كذا قلت السوق عائلي













ملاحظة على السوق
دورات المياة اكرمك الله اللي شفتها ثنتين بس
وحدة بجانب ستار بكس
والثانية خلف الشاشة الكبيرة اللي بساحة المطاعم

وفية وحده ثانية بالملاهي الصغيرة اللي بجهه المطاعم بس مش متاكد هي بفلوس ولا ببلاش

وانت بالسوق مالك الا اللي عند ستار بكس
لفيت السوق وما لقيت الا هي

وبهذا ينتهي اليوم الثاني بمانشستر ومن الغد الوجهه الى منطقة البحيرات ويندمير


جدولنا لزيارة مانشستر كان

اول يوم السوق اللي بجانب السكن Manchester Arndale
ثاني يوم زيارة نادي مانشستر يونايتد + زيارة سوق ترافورد

ما شاء الله علي التصوير

مع أني مش من محبي الكوره كثيرا لكن الزياره أذا لإبنائك أم صديق يعشقها أنا معها

السوق تصميمه جميل يعطيك دافع للتسوق

تسلم خبيرنا

فيديو HD
لساحة المطاعم

توني انتبه



نفس يوم روحتنا لمانشستر وقطارنا فيرجن

بس انتو جم الساعه مشى قطاركم ؟؟
احنا الساعه 12 الظهر وانتو ؟

يعطيك العافيه يابو مشاري
جولة النادي حلوه وعسى الولد استانس منها
السوق روعه ترافورد بس الزحمة الله يعينك
معلومة يمكن انت كتبتها غلطه مطبعيه
الفايف غايز بس عنده لحم ماعنده دجاج
والبورغر تقدر تطلب السندويتش ابو برغر واحد
ويكون عادي بتكون اخف والذ
اما طلعتكم وتدور على باص لا في اماكن مخصصه للتاكسي
ونفس سعر اوبر لو ماخذه ولا المشي بالمطر
انت كنت بمانشستر معانا

مبدع يابو مشاري كعادتك
الصور ما شاء الله تتكلم

لابد من زيارة نادي مانشستر و ترافورد سنتر اذا كنت بالمدينة
لأنها أهم الفعاليات
غير كذا ما أشوف مانشستر فيها شي الا اذا تحبوا تزوروا
مدن ثانية قريبة منها في رحلات يومية

في شوق لجزء البحيرات أتوقع راح يكون ممتع جداً
يمكن عشاني احب المنطقة هذي

متابعين و مستمتعين