فية نقطة مهمة نسيت اذكرها بالسكن



هذا تراه جاكوزي
اخر يوم جربه الولد وامه واستانسوا
يقولون رهيب بعد يوم طويل بالمشي تشعر بالانتعاش

جدولنا لهذا اليوم كان رحلة نهرية من اليمين والى اليسار
الوجهه الاولى كانت الى منطقة LAKESIDE
وبعدها مباشرة الى الجهه الاخرى AMBLESIDE

اتجهنا بالبداية الى الافطار
الفطور كان مشمول بالحجز
وفطورهم اطلب وش تبي حسب الاختيارات الموجوده عندهم

ابومشاري بالاول يبل ريقة بالمزاج ويروق وبعدها لكل حادث حديث



عندهم علب صغيرة على الطاولة انواع واشكل غريبة من المربى بنكهات متعددة
واتذكر ان وقت فطورهم مدتة ساعة
ومع هذا معظم النزلاء بالسكن يتواجدون بعد النص الساعه الاولى













بعدها انطلقنا لقص التذاكر والسعر تقريبا كان يفرق عن امس خمسة باوند لكل شخص

والسعر يشمل الاتجاهين

هنا احنا قصينا ذهاب وعودة مع زيارة لحوض الاسماك
حسب طلب الولد يقول يبي يشوف اسماكهم



طبعا حجز المكان بالقارب هذا لوحده معاناه ومن حسن حظي اني ركبت اول واحد
والسبب لما قرب الموعد رحت بسال اي قارب
اليمين ولا اليسار

والا يقول اشوف كرتك ويفتح لنا الحاجز ويقول يالله اقلطوا
حياكم الله
وابومشاري يختار اعلى نقطة بالقارب ويشوف الزواية بسرعه
علشان التصوير
والحمد لله كان الموقع حلو

وهذه الصور قبل الانطلاق








وانطلقنا بعد ان امتلأ القارب وكانت زحمة
والازدحام يكون اكثر بعد منتصف النهار تقريبا قبل الغروب



























وصلنا للطرف الاخر من البحيرة وهنا نزلنا وحصل لي
موقف ضحكت على نفسي
واقول كلة منك يامهند



يتبع...

واااااااااااااااو منظر خيالي

الفطور ساعه ليس زين
فطورهم حلو

وايد حلوة الصور وطبيعة تخليك غصب تصور ماشاءالله
عليكم بالعافيه
ننتظر الموقف المضحك وعلاقته بمهند
متابعين معاك للآخر

أبدعت في التصوير يابو مشاري
وضوح مبهر و زراق البحر مذهل
كل البلاوي من مهند أكيد
له فترة مختفي شكله خايف منك

الموقف



اول ما نزلنا الا اسمعهم يحرجون على القطار انه بيحرك
واتذكر ان اخونا مهند ذكر بتقريرة ان القطار كان مجانا
وابومشاري يالله ياشباب بسرعه بسرعه

واقرب كابينه يركب
وبعد ما انطلق القطار جانا حق التذاكر
وانا عرفت اني جبت العيد واضحك على نفسي
واقول ياشين الدرعمة يابومشاري
كان تذكرت وقت قص التذاكر يوم انهم يخيرونك بالقطار مع
الاسماك ولا مع القطار ولا بس القارب لوحده
ودفعت ثلاث تذاكر واحده منهم لأقل من 15 سنة
وخفت انه رفع السعر لكن بعد ما نزلنا كان السعر نفسة المسعر




فكرة القطار يعيشك احساس زمن الطيبين
وقود القطار هو الفحم
والديكور الداخلي له من الطراز القديم























نزلنا وناخذ لنا جولة قصيرة بالمنطقة الى حين عودة القطار













التصوير مع البومة بمقابل







يوجد بهذه المنطقة بيوت ولا عالم ان كانت فنادق اما لأ
ولكن بعضها من كبرها اعتقد انها فنادق
موقعها بهذه المنطقة جدا جدا جميل
لدرجة اني افكر ان ابحث عن السكن بهذه المنطقة مستقبلا ان شاء الله
صحيح انه بعيد عن المنطقة الحيوية للبحيرات
ولكنني ابحث عن الطبيعة والهدوء
وهذا اشوفه بهذه المنطقة والمنطقة التي قبل وصول القارب
كما في الصورة التي اعجب بها ابوخالد


















يتبع...