متابعه معاك بومشاري



Sent from my iPhone using Tapatalk

وصلنا الى ليستر

اسم الفندق رمادا
الاقامة لمدة ثلاث ايام



بعد حجزي القديم نزل عرض على الفندق
حجزت حجز جديد والغيت الاول



طبعا الفندق كان قريب من المحطة 3 دقائق بالسيارة
وبحكم الشنط اللي معي 4 واحنا 3 اشخاص
قلت اخذ تاكسي وكان مكتب التأجير ملاصق للمحطة
حتى لما اخبرته عن السكن يحسبني ابغى الوصف
ياشر بيده تروح كذا وكذا قلت لا ابغى تاكسي

استغرب من الطلب لان الانجليز يعتبر هذا قريب منهم

المهم جاني اللي بيوصلنا للفندق وطلع شكلة صومالي

كم التسعيرة 4 باوند

المدينة تعتبر ثاني زيارة لي سبقت وان زرتها برحلة عمل
ولكن لم تكن بهذه الصورة

واحنا بليستر احسسنا اننا بالصومال
نسبة كبيرة افريقية بسنتر المدينة

وصلت الفندق وبعد التشييك طلع الحجز الملغي
طبعا حاسب حسابي وجايب معي الغاء الحجز
بمجرد اني اخبرته ان الحجز هذا ملغي
وفية حجز ثاني
بالفعل وجده وقال صحيح حجزك

الفندق نظيف
وان كان سرير الولد سيء جدا ولم يستطع ان ينام عليه

عبارة صوفة تتحول الى سرير ونوع المرتبة غير صالح للنوم
بالاخير الولد اخذ المرتبة وفرشها على الارض ونام

صورة للفندق من الخارج
مكون من 7 ادوار ونادي رياضي بالدور الارضي




مقابل الفندق صب واي ومكتوب علية حلال
ولا جربناه



وبنفس المبنى حق الصب واي ولكن من الخلف فية محل
ابو واحد باوند رهيـــــــب المحل
يصلح للي ياخذ معاميل القهوة والشاي
شوكلت وشيبس
اخذت من عندهم كرتون شاي قيمته 2.19 باوند وعندهم بواحد باوند وتندمت اني ما اخذت اكثر من كرتون
رهيب الشاهي <<<<تسمع يابوغسان
نوع الشاهي لقيتة بالفنادق عندهم والان اشرب منه
روعه الشاهي ما توقعته بهذا الثقل والطعم
اسم الشاي typhoo لون الكرتونه احمر



دخلنا الفندق
الاستقبال















المبنى 7 ادوار







صعدنا لغرفتنا
واللي فيه نشاط ويقول انه رياضي
يصعد الدرج











غرفتنا



















المرتبة حقت الولد يمكن مافيه اي ضغط سست فقط وقماش





















النادي الرياضي بالدور الارضي
















يتبع...

طيب ما ودي اخرب عليك
بس عساكم رجعتوا للبحيرات
وش وداكم ليستر !!!
بس عسى قمت بالواجب وباركت لهم بالدوري
الفندق شكله نظيف رغم سوء سرير الكنب
اما الدرج يدوخ واتوقع انه سلم طوارئ فقط

أخيراً لقيت شاهي ثقيل عندهم
انا اخذ معي شاهي ربيع اكسبريس فرط
ملعقة منه تخليك زي الالف خخخخخخ

بعد ان استقرينا بالسكن
طلبت من الاهل ان نذهب للسوق نتغدا
السوق قريب جدا من السكن
تقريبا 300 متر واول محل يستقبلنا بالسوق بريمارك
وملاصق له محلى المفضل بالتسوق الرياضي سبورت دايركت







وقفت هنا قليلا واتذكر زيارتي الاولى الجميلة بهذه المنطقة











هنا وقع الاختيار للاهل وطلبوا فايف قاي
اكلهم طعم
البرجر حقتهم عن 2 من اللي عندنا
حجم برقرهم حجم عائلي
طلعنا ناكل بالدور العلوي ومافيه احد
غيرنا واثنين من اهل الخليج
هنا انا تطمنت قلت ما دام الطلبة حقين الخليج ياكلون هنا
ان شاء الله ان اكلهم حلال



بعد ما تغدينا دخلنا المجمع نشوف السوق وبنفس الوقت نهضم





وهنا اذكر اني جربت بطاقة الراجحي مسبقة الدفع
واخذت قهوة
والتجربة من اجل التاكد من سعر الصرف
بينها وبين بطاقة بنك الاسشتثمار المستخدمة وقتها بكل العمليات
وبالفعل بعد العودة والتشييك وجدت ان اختياري كان الافضل
وهو الاستثمار
كان هو الافضل بالسعر



السكن كان بدون افطار
واحنا عملنا حسابنا لهذه النقطة كانت معنا كم علبة من المعلبات البسيطة
افطرنا بالغرفة ونزلنا للتسوق حيث الخطة ان هذه المدينة
كانت للتسوق











طبعا ام مشاري اول محل تستفتح فيه السوق هو بريمارك
اول محل يقابلنا والمحل المفضل لنساء الخليج

اخبرت ام مشاري ان فيه هنا سوق شعبي
حسب ذاكرتي
والحمد لله لم ناخذ وقت طويل بالوصول له

السوق يبيع كل شي انا مريته اتذكر اني اخذت من عندهم
محفظة كروت الى يومك هذا استخدمها
وبالفعل وجدتها عندهم
واذكر وقتها يقول خذ ثلاث محافظ بعشرة باوند
المرة هذه رفض يقول 3 بـ12
اخذت من عنده محفظة كروت بس لزميل بالعمل كان يبحث عنها

















ولدنا الصغير من النوع اللي ما يحب الاسواق
لاحظت علية الطفش والملل
قلت له وش رايك نتغدا بناندوز وصار وضعه
لان شفناه بالامس بعد ما تغدينا بفايف قايز

رحنا جهت المطاعم والسينما
الاماكن كلها بمطنقة وحدة كانك تلف نص كيلو بنص كيلو

واذكر ان المطاعم اول ما تخرج من السوق يمين واول دخلة يمين












يتبع...

ماشاءالله مرتب الفندق ونظيف
حلوه المنطقه حسيتها شرحه
عليكم بالعافيه


Sent from my iPhone using Tapatalk

الفندق حلوو واحسه تمام دام استقبالهم كبير
بس على الفرشه للصوفا ماحاولت تطلب تغييرها ؟؟
وفرشتكم انتو اشلون وضعها ؟

احلى شي اسواق لندن والبريماك حلوو بكل مكان موجود
محل ناجح جداا

شوارع المنطقه جميله والاسواق بعد حلوه

عليكم بالعافيه الفايف غايز وناندوز
متابعين الاستمتاع البريطاني