اليوم الرابع بالجدول
الذهاب الى سوق بيستر فيلج Bicester Village

تم الحجز عن طريق النت بفترة
وتكلفة الحجر كانت 43.5 باوند شامل التوصيل من المحطة للسوق

النقل كان 30 باوند لشخصين وطفل اقل من 15 سنه
وباص الشتل 13.5 باوند

وسيلة النقل Chiltern Railways




بعد الافطار خرجنا من الفندق وكانت محطة الباص
ملاصقة بالفندق
اسفل الفندق محل كوستا كوفي المحطة عنده
اخذنا الباص والى محطة ملبورن



وصلت المحطة وعلى مكتب خدمة العملاء
اعطيتهم ورقة الحجز قالت لي لية ما تستخدم الماكينة
قلت هذه اول مرة
قصت لنا التذاكر
طبعا لما وصلت مافية الا شخص واحد بالطابور
واثناء انتظارنا لرحلتنا اشوف الزحمة عليهم
قلت الحمد لله وصلنا بدري قبل الزحمة





المغادرة من محطة London Marylebone
الى محطة Bicester North

محطة مليبورن كبيرة



وحان وقت الصعود للقطار







القطار شبة فاضي
الركاب قليل فية





وبعد الانطلاق بلحظات واذا نحن نمر بملعب ويملبي









وصلنا الى محطة بيستر نورث
وهنا حصل موقف لعائلتين خليجية
كانوا معي كل ما قدموا كروتهم يقول لا تذكرتكم
لا تشمل التوصيل
خذوا تاكسي يوصلكم للسوق
والعائلة الثانية نفس الشي

احنا كنا العائلة الثالثة واعطيه الكرت واقول له لا تقول مثلهم

يقول شوفوا لازم كرتكم مثل هذا
الحمد لله احنا كانت امورنا سليمة





اقبلت على السوق وكلي حماس للتسوق





هنا بدأت اعمل كنترول لشغف التسوق الداخلي لنفسي
واقول لا تنسى توصية ابوعبدالله الله يجزاه خير

اني امر مركز خدمة العملاء واطلب كوبونات الخصم الاضافية



وبالفعل دخلت المكتب واقولهم عندكم كوبونات خصم
قالت الموظفة بكل سرور
وين ساكن اي فندق
واي دولة
وكم عددكم

قلت لها فندق امبا ماربل ارش
السعودية
وعددنا 3 اشخاص

بعد ما سجلت البيانات بالسستم عندها
اعطونا 3 كتيبات خصم
خصم 10% اضافي من سعر البضاعه

وطريقة استخدام الكوبون انك اذا اشتريت من المحل تدرو اسمة
بالكتيب ويشطب بالقلم على اسم المحل ويعطيك الخصم
تقدر تستخدم الكوبونات الثانية بس بعد كل فاتورة

يعني اذا دفعت ورجعت مرة ثانية عادي تستخدم الكوبون الثاني

وهذا حصل معي استخدمت كوبونين لنفس المحل





طبعا التصوير داخل المحل استاذنت منهم





بعدها دخلنا السوق













































مطعم ابوغسان




يتبع...

العودة تقدر ترجع باي وقت
واللي عرفته وسالت عنه انك تقدر ترجع باي وقت

حيث اني رجعت قبل موعدي بساعه وسالت موظفة بمكتب
القطار اللي بمحطة بيستر نورث قالت تقدر ترجع باي وقت

وبالفعل رجعنا ولا احد سال عن البطاقة
اللهم ان كرت التذكرة لما رجعنا دخلناه بالجهاز
فتح الباب ولا طلع الكرت





اول ما وصلنا لمحطة القطار اشوف كل الناس اللي رجعوا معنا
منهم عائلة خليحية
جلسوا بنفس المحطة اللي نزلنا منها

والطريقة الصحيحة للعودة هي
انك اذا نزلت من الباص بتشوف هاللوحة قدامك





اصعد الدرج واتجه الى الرصيف من الجهه الأخرى









بعد ما نزلنا الدرج ام مشاري شكت وقامت تشككني اننا غلطانين
تقول العالم كلها هناك واحنا بس اللي جينا هنا

رجعت اسال الموظفة اللي بالمكتب المقابل
وقالت طريقتكم صح اذا بترجعون لندن







وقت الانتظار رجعت للجسر اخذ هالصورة



وهنا وقت العودة





ونفس الشي وقت العودة كراسي شاغرة كثيرة







بالسوق صادفت الممثل الكويتي على جمعه مع عائلته
كنت اعرف شكلة ولا اعرف اسمة
الاسم جبته من النت




تجربة سوق بيستر فيلج للاسف خيبت الظن
لعدم وجود تخفيضات او عروض

المحل الوحيد اللي كان مسوي عرض هو محل كلارك Clark

وتعال شوف الطقاق اللي عنده قروبات اطفال وانواع الازعاج
وزحمة
حتى اني جيت ابي استخدم الخصم الاضافي
رفضوا قالوا احنا مسوين خصم اضافي
وبالفعل كانت عروضهم حلوة


يتبع...

نكمل التقرير

ملاحظة مهمة بخصوص الجو في مدينة بريستول
الجو وقت تواجدي كان قريب من جو البحيرات
بارد نسبيا وامطار متوسطة
اعجبني جو المدينة
حتى ام مشاري اعجبتها المدينة
ومنطقة التسوق فيها حلوه جدا


هذا التمثال مقابل الفندق
وخلف الباص يوجد بقالة تسكو



والكنيسة على يسار الفندق



وهذه الساحة مقابل الكنسية منطقة حيوية بالناس








ومن جانب الفندق رصيف الميناء وفية مطاعم ومركزالاستعلامات للمدينة
ايضا فية قوارب صغيرة تاخذك بجولة قصيرة









صورة من امام الرصيف للفندق



هالمبنى مش متاكد منه هو جامعه ولا لأ
بس اشوف هنا بالمنطقة طلبة بكثره ومعهم شنطهم







اتفقنا مع مشاري بعد ما يخلص من المعهد يجينا الفندق
وبعدها نطلع نتمشى وناكل

السوق قريب من الفندق تقريبا 10 دقائق مشي

السوق بصراحة روعه كل شي حولك

خارطة منطقة السوق





دخلنا السوق ومشاري يشرح لنا المنطقة ويقول هذه اكثر منطقة حفظتها
اطلع من المعهد واجي الف هنا الين الغروب وارجع للبيت
طبعا كان يعاني من وجبة العشاء بالبيت
كانت الساعه 6 المساء
ومشاري كان يطلع من المعهد اربع ونص ويقول يادوب الحق
واحيانا اتاخر بسبب ان بعض الاحيان الباص يفوته
ومشواره للبيت بالباص تقريبا نص ساعه







هنا احب انوة للنساء عموما لا يفوتكم هالمحل كبير ثلاث ادوار
هذا اغلب بضاعته اوتلت وماركات
وتقدرون ترجعون للخريطة وتشوفون كبر المحل

ولا تنسون قبل ما تشترون خذوا من عندهم بطاقة عضوية
ولا بد من تفعيلها عن طريق النت
استفدت منها تجمع نقاط ويعطون خصم مقابلها
لما رجعت السعودية عندي 10 باوند خصم

والاحلى انه يشحن للسعودية مباشر
تم تجربة الشحن بعد العودة مقابل 9 باوند



طبعا ما يحتاج محل ابوغسان بكل سوق



دبنهامز ام مشاري سنترت عنده من بكره الصباح
واللي حلاه زيادة ان بريمارك ملاصق له
ومقابلهم ابوواحد باوند محل كبير









هنا مشاري وقت دراسته صار لجوالة مشكلة وهو ان سماعة الجوال خربت
وحجز موعد عندهم وصلحوه له وبعد اسبوع اسبوعين خرب مرة ثانية
ورجع لهم وكانت المفاجأه له
قالوا له تفضل جوال جديد
ويقول مشاري اخذت عندهم تقريبا ساعتين علشان انقل ملفاتي وافعل الجهاز




يتبع...