فيديو HD
تم دمج مجموعه فيديوهات بمجموعه واحده

وتلاحظون الصينيين كالعادة تخريب بكل شيء

الاحترام والذوق العام هنا صفر






انتهينا من زيارة النادي وتتجه البوصلة الى سوق ترافورد



يتبع ...

اكبر سوق باوروبا
سوق ترافورد

بعد الخروج من زيارة نادي مانشستر
ومن محطة الباصات التي مقابلة لفندق

Premier Inn Manchester



الفندق موقعه ممتاز تذهب للنادي مشي على الاقدام
والسوق بالباص بحدود 3 باوند للشخص

طبعا كيف تعرف رقم الباص
كنت معتمد على الله ثم قوقل ماب اشوف رقم الباص واركب
بدأت الامطار بالهطول واحنا بمحطة الباص

















وصلنا للسوق والمطر مستمر
الجو كان في قمة الروعه
صح اننا تبللنا لكن مستمتعين بالجو









السوق ضخم فعلا
وفية مجمع خاص بالالعاب
يعني مناسب للعائلة



















هنا كانوا معتذرين للزباين ان ماكينة الصراف لا تعمل
والدفع كاش فقط














































يتبع...

بدأ التعب يدب على الوجية للعائلة
قلت لهم وش رايكم ندور مطعم نتغدا
ساحة المطاعم ما كنا نعرفها لكن سبحان الله بالصدفة وجدنها

اول ما دخلت الساحة الكبيرة للمطاعم تذكرت مقطع باليوتيوب
شفته من حوالي سنتين واحد كويتي كان مصور فيديو والمكان مزدحم

المطاعم زحمة سرا ولا تقدر تقول عطني المنيو بشوف

النية كانت مطعم فرايدز ولكن ابي اسال وين المنيو
ولا واحد معطيني وجه من الزحمة وسرا طويل

قلت شوفوا معطم غيره
اخر شي لقينا طابور خفيف عند كنتاكي وقفنا
وباقي قدامي واحد ويوصلني الطلب وكنت مجهز طلبي من المنيو اللي فوق روسهم
وفجأه تنزل لوجة صغيرة انتهى
وتوهقت وش اطلب مابي الا دجاج بالاخير
طلبنا ذرة ودجاج وجوانح تمشية حال
علبة عائلية





























فيه العاب الكترونية فوق المطاعم وهي العاب مصغره







انتهينا من الغدا واكملنا التسوق وصار خلف الساحة هو مدخل السوق الرئيسي ولقينا مطعم فايف قايز بالمدخل
انقهرنا ماعنده زحمة وكل اكلة دجاج البرجر الواحد عنده عن اثنين برجر من كبر الحجم












































بين الممرات وانت متجه للمطاعم هناك ممر فيه محلات يابانية كورية صينية









انتهينا من السوق وخرجنا والنية العودة للسكن خصوصا انه قارب وقت الظلام
خرجنا من الجهه التي دخلنا منها وحاولت اطلب اوبر

قلت هنا بعيد علية كيف بيدخل
نطلع على الشارع العام افضل
لما خرجنا واشوف موقف الباصات امام السوق الباص ينزلك بالسنتر للمدينة
وهو قريب من السكن لكن لعب فينا المطر لعب وقتها





هذا الجزء من السوق ما رحنا له ما انتبهنا له الا لما خرجنا هنا
واشوف الخريطة صار
جزء خاص بالعاب ليجو لاند وسي لايف
Sea Life
LEGOLAND

توصله عن طريق ممر متصل بالسوق واضح بالصورة الممر
علشان كذا قلت السوق عائلي













ملاحظة على السوق
دورات المياة اكرمك الله اللي شفتها ثنتين بس
وحدة بجانب ستار بكس
والثانية خلف الشاشة الكبيرة اللي بساحة المطاعم

وفية وحده ثانية بالملاهي الصغيرة اللي بجهه المطاعم بس مش متاكد هي بفلوس ولا ببلاش

وانت بالسوق مالك الا اللي عند ستار بكس
لفيت السوق وما لقيت الا هي

وبهذا ينتهي اليوم الثاني بمانشستر ومن الغد الوجهه الى منطقة البحيرات ويندمير


جدولنا لزيارة مانشستر كان

اول يوم السوق اللي بجانب السكن Manchester Arndale
ثاني يوم زيارة نادي مانشستر يونايتد + زيارة سوق ترافورد

بعد وصولنا لويندرمير
السكن كان في The Westbourne

الاقامة كانت ثلاثة ليال
وبقيمة 555 £
نوع السكن جناح كوخ

اخبرونا ناخذ الباص للوصول الى موقع السكن

هنا التنقلات الدفع كاش والتاكسي عن طريق اوبر غير متوفر

لما ركبنا الباص لابد من ان تخبر السواق اين وجهتك
لانه يعتمد على مشوارك كم ياخذ منك
وريته العنوان يقول ما اعرف قول وين تبي تروح

وسبحان الله اتذكر ان السكن قريب السينما قلت له سينما
قال 7 باوند
وهنا قلت شوف شغلك ياقوقل الباص ما يعلمك انت اي مكان وصلت
المهم اني حطيت الاحداثيات للسكن ولما قربت من السينما
نزلت والحمد كان قريب السكن من مكان نزولنا
ماشي مع قوقل ووصلت ولله الحمد

السكن كان عبارة عن كوخ لثلاثة اشخاص

وبالفعل السكن من انظف الاماكن التي سكنت بها
والحمد لله اني وفقت بهذا المكان
وقريب من السنتر











وصلنا للسكن وقبل وصولنا بيوم تم خصم مبلغ اليوم الاول
بعد الوصول لم يخصم المبلغ للايام الباقية
خصمها اخر يوم قبل المغادرة
علما اني طلبت منه انه يخصم المبلغ بالكامل ولكن رفض
يقول بعدين

الاجراءات كانت سهلة وخدمة الاستقبال من صاحب السكن
ابتسامة وترحيب ومساعده بالشنط

بمجرد دخولك للاستقبال مكتبهم بالوجه مباشرة







اعجبني اثاثهم واكسسواراتهم بسيطة ومرتبة ومريحة للنفس

ذهبنا لمشاهدة الكوخ وكان الكوخ اول مبني ملاصق للاستقبال

هنا انبه ان النت موجود فقط بالاستقبال
وكان يوصلنا بمنطقة معينة من الكوخ





وهذا المفتاح للكوخ الاصفر هذا حق باب الاستقبال
يقول اذا جيتم وما فية احد بالاستقبال تفتح الباب
والمفتاح الثاني حق الكوخ



وقبل لا نشوف صور السكن
نشوف بالاول الصالة اللي يبي النت وهناك جلسة مطلة على الشارع
اللي يبي يجلس جلسة شاعرية
وكمان فية بالصالة ثلاثة صغيرة فوقها ورقه
اذا اخذت اي شي من الثلاجة اكتب وش اخذت علشان بعدين
يضيفونها على الفاتورة
الشغلة ثقة





















هذه الثلاجة تاخذ شي سجل بالورقة





















بجانب مكتب الاستقبال نشرات متعددة لأماكن السياحة والانشطة



والجوائز التي حصدها





والمغادرة للكوخ



هنا مخزن





دورات المياة اثنتان
واحدة صغيرة



والاخرى كبيرة وفيها جاكوزي

















السكن مكون من دورين
غرفة النوم الرئيسية بالدور الارضي
وغرفة صغيرة فوق بالعلوي

وكل دور فية TV

















الكوكيز والقهوة كانت يوميا توضع بها وبكثرة
ايضا التنظيف يوميا



ننتقل الى الدور العلوي لولدنا الصغير

























حتى المناشف والفوط يتم تغيرها يوميا
ونظيفة






بصراحة السكن جدا جدا ممتاز
وانصح به وبقوة

اتكلم عن الكوخ لثلاثة اشخاص


يتبع...

فيديو HD للسكن

اول يوم وصلت للفندق
اخبرني صاحب السكن ان هناك اطلالة جميلة قريبة من هنا

واعطاني الخريطة وقال احنا هنا والاطلالة هنا
تروح لها مشي
وبالفعل توكلت على الله وبدون اي احداثيات
وصلت لها
ايضا اخبرني عن الاطلالة الثانية ثاني يوم
ويقول بعيده عند محطة ويندرمير
اخر يوم زرتها ولها باذن الله نصيب بالتقرير

اخذت العائلة ورحنا نشوف المكان
اسم الاطلالة

BISKY HOWE VIEWPOINT

المسافة تقريبا اقل من 300 متر ولكن بعدها يمين حوالي اقل من 100 متر وانت بمنطقة الاطلالة
يعيبها ان الطريق صعود قليلا

واللي ما ينتبه الى اللوحات الصغيرة على الارض راح يضيع





تلاحظون كيف الطريق صعود




بالبداية اخذنا يسار ولما شفت تقاطع الطرق عرفت اننا بالطريق الغير صحيح
وولدنا الصغير الله يصلحه سبقنا بالمشي
ودخل بمنطقة خاصة
صرت اصوت له انه يرجع وابوالشباب شاف البقر وانسجم يتابعهم عن قرب





رجعنا للطريق من البداية واشوف اللوحة بالارض تشير لاتجاه الاطلالة وبالفعل وصلناها









































الاطلالة ينقصها فقط معاميل القهوة والشاي واحلى جلسة











بعدها قلنا ننزل نشوف السنتر ونمر بالمرة تيسكو
اخذ فكره عن الرحلة النهرية وكم اسعارهم وكان الوقت تقريبا
الخامسة عصرا
وقالوا خلاص قفلنا
اخبرتهم فقط اريد معرفة الاسعار
وبالمناسبة كان هذا اليوم اخر يوم لخصم على الرحلات النهرية






































الفندق هذا موقعه رهيب مرتفع وبجانب المناطق الحيوية
بس انه غالي بالسعر بسبب موقعه واطلالته











هذه كنيستهم وبجانبها بالضبط مبنى السينما



رجعت بعدها انا وام مشاري للاطلالة
الولد جلس بالكوخ
قلت قبل الغروب اكمل الجلسة شوي

وهنا المنطقة بعد السابعه يدب السكون وكل شي من انشطة يتوقف
حتى الباصات تتوقف















هنا الطريق من العودة الى الطريق الرئيسي




يتبع...