بدأنا بالنزول
والذهاب للمحل المقابل لمحطة ويندرمير
المحل كان عنده شغلات حلوة للبيت
بس اللي ردنا العفش

وفية مطعم فوق شغلة متكتك































اسم المطعم
وطلبت من عندهم قهوة وكابتشينو وفطور للولد
بحكم ان الولد ما يعجبة الاكل المقدم من السكن







بعدها رجعنا للسكن لوضع ما معنا والتجديد
والذهاب لمنطقة القوارب
هناك الحركة والفرجة
وما ساعدنا على الاستمتاع هو الجو كان وقتها روعه

















مدخل فندق ذا بيلسفيلد عاجبني موقعه
واقول ان شاء الله ان كان سعره معقول باذن الله احاول اسكن فيه
مستقبلا



نعم وش تبي



هنا ولدنا الصغير ضحك واستانس جدا من البط
حط لهم ما تبقى من اكلنا بالامس مكرونه بالشطة
ماخذينها من مطعم ايطالي
وكل مااكلت تستطعم الاكل وتنثره وترجع له مرة ثانية
وعلى هاالموال والولد انبسط منهم ونسى نفسة انه مسخن وقتها









شفنا هالقطار الصغير ياخذك برحلة صغيرة حولين البحيرة
والسعر بسيط لا يتجاوز 2 باوند اعتقد للشخص

ومدة الرحلة حوالي 20- 30 دقيقة






































يتبع...

بعد ما نزلنا من القطار استاذنت من اللي معي اني بطلع فوق
عند ملاعب القولف قالوا اجل احنا عندنا شغله بنخلصها ونجيك
فوق

الجلسات هنا حلوة

































































بعدها رجعنا للسكن بعد تعب العائلة من المشوار
لان ذهابنا الى اطلالة اوريست كانت متعبة بالنسبة لهم
كلها صعود
ومكتوب باللوحة ان الوقت 20 دقيقة لكن احنا اخذنا
اكثر من ذلك







ابومشاري كالعادة يقضي اخر النهار وقبل الغروب على الاطلالة المجاورة للسكن

































الموقف اللي صار لي هنا
قبل الغروب بنصف ساعه تقريبا
سالت الاهل عن العشاء فكان الخيار مفتوح اي شي
هنا جاء في بالي مطعمنا اللي بالصباح اعجبني
قلت اروح له انتظرت الباص اكثر من 15 دقيقة وما وصل
اشوف لوحة الباصات واخر موعد له 7 المساء وبجانب المحطة
كان فية مكتب تكاسي بالطلب
الواحد لازم ينتبه للوحات
دخلت المكتب وكانه عمارة سكنية
واطلب قالت شوي يجيك
انتظرت تقريبا 10 دقايق ووصل يقول اللي اخرة كان معه زبون
وصلت للمحطة وسعر التوصيل 5 باوند

نزلت واشوف كل شي مقفل
هنا الحمد لله اني عامل حساب مثل هالشغلات معي
العنوان وشاحن الجوال
بطلب تاكسي اتصلت على رقم كان معي ماخذه من السكن
ويقولون راح يتاخر عليك اكثر من 15 دقيقة
هنا بدا الظلام
وافتح قوقل واعطية الاحداثيات يقول 25 دقيقة علشان توصل
مشي
قلت الحمد لله اني لوحدي
وادقها مشي 24 دقيقة خطوة سريعة
وبفضل الله ثم قوقل ماشي معه
طبعا هنا ابومشاري مستمتع لاني لوحدي وماعندي مشكلة
حل الظلام وانا بالطريق
وارجع لخوينا المطعم الايطالي
انتهى الموقف.

بالغد كان موعد مغادرة المنطقة بعد الافطار مباشرة
واذكر يومها كان الضباب عجيب قبل شروق الشمس

استيقظت مبكرا قلت فرصة اصور فيديو
وصورت فيديو من السكن الى الاطلالة والضباب كثيف



صورة للضباب من الالطلالة



وبعد الفطور كنت منسق مع صاحب السكن انه يحضر لنا تاكسي

وكانت قيمة الاجرة من السكن مباشرة لمحطة ويندرمير
5 باوند ( ارخص من الباص )

وهذا خوينا صاحب السكن وهو الطباخ

واذكر اول ماشفته واقول لولدي الصغير
انه يشبة لاعب الماني اسمة كلينزمن وشكلة الماني

وبالفعل اخر يوم قبل المغادرة سالته انت شكلك الماني
قال بالفعل انا الماني وزوجتي بريطانية
طبعا زوجته احيانا تقدم الافطار
وسواليف معه بالاخير طلعت منه بخصم 10% اضافي
اذا رجعت له مرة ثانية ويقول ارسل لي ايميل قبلها وذكرني
انك حجزت هنا وباسمك



رخصة السكن




باقي ان شاءالله مقاطع الفيديو للايام السابقة


يتبع...