رائع يابو مشاري

مطل الاوريست هيد خيالي
ينفع اللي يجيب العزبة و المعزبة معه
ويضبط القهوة والشاي هناك
ثم يمر على المزارع اللي فوق
وينزل على الكافيهات اللي خلف مكتب مساعدة الزوار

المشي هنا روعة بس ويندرمير طلوع و نزول
يعني محتاج لياقة
واللي معاه اولاده راح يطفشون هنا لأن مافيه شي لهم
المنطقة رومانسية ولمحبين الطبيعة
واذا خيم الليل انتهى يومك تتعشى وتنام

ليت رحتوا لمنطقة قلين رايدنق يابو مشاري
المرة الجاية خلها فيها مو في فندق لورا اشلي
ارشح تسكنون هناك ويكون معك سيارة اجار
تلف كل المناطق اللي حولها

فيديو HD لأطلالة

BISKEY





فيديو HD لاطلالة

ORREST HEAD VIEW

فيديو HD للسنتر





مخلوق عجيب سبحان من صورة بهذ الصورة





فيديو HD من الكوخ الى الاطلالة بيسكي





فيديو HD الصباح الباكر لاطلالة بيسكي ووقت الضباب




فيديو HD من اطلالة بيسكي الى الكوخ ووقت الضباب




يتبع...

محطة ويندرمير صغيرة
وهي عبارة عن شباك وماكينة واحده للتذاكر
لم انتبه للماكينة
واخبرت الموظف عن الماكنية انها غير موجوده
قال شفها وراك واذهب لها
طبعا صرت خبير اللحين











نعنبوا بليسكم كل ذي تذاكر علشان
اروح ليستر
10 تذاكر لثلاثة اشخاص




















القطار من الجهة الاخرى
ننزل من تحت الارض ونصعد للطرف الآخر

هنا احنا واقفين بالمكان بعد ما نزلنا

















تشاهد بعض الاحيان على بعض الكراسي انها محجوزه
هذه لا تقربها
اللي مش مكتوب عليها فوق الكرسي شي
تقدر تجلس بالكرسي بدون مشاكل



التذاكر ولا بد من التشييك عليها وانت بالقطار



هنا حصل موقف لنا
وهو ان القطار لما وصل محطة wolverhampton

توقف القطار وقت طويل اكثر من 20 دقيقة واحنا بالقطار
ولما تحركنا وبعد فترة
واشوف ان الوقت للقطار الثاني اللي نبي نركبه من Birmingham قصير بين وصولنا وموعد مغادرة القطار
15 دقيقة

حسبتها ماجات معي
واروح اسال موظف اللي يبيع بالقطار
نصحني اني ابلغ المسؤل الموجود بالقطار وقال تحصلة بالدرجة الاولى وحتى تحفظ حقك ويتحملون المسؤلية

واروح له ومن جيته قال انت رايح الى ليستر ويقول يمديك تلحق
وانا اقولة اكيد يقول اكيد لا تخاف وعندهم علم ان القطار تاخر

ولما وصلنا تقول اننا في سباق ماراثون
نجري جري من حاجز لحاجز ونصادف واحد من البشرة السوداء نساله عن البوابة

فزع لنا علمناه اننا متاخرين بسبب تاخر القطار ويروح يسقط على السرا
ويقول للي واقفين على بوابة الحواجز هذولا متاخرين
وبالفعل سمحوا لنا من باب حق العربات
ونجري ونجري
ولما وصلنا القطار يصفر الحكم
صكوا البيبان وصلنا وباقي دقيقة ويتحرك القطار
واكلم اللي على شباك القطار وتقول اسفه
لازم تجون قبل الرحلة بربع ساعه
ورفضت
وراح علينا القطار
واكلم المرشدين اللي واقفين عند الرصيف واقول لهم القصة
قالوا بعد 40 دقيقة بيوصل القطار للرحلة الجديدة واركب
باي مكان
وبالفعل بعد 20 دقيقة وصل القطار
وجسلنا 20 دقيقة وتحرك القطار
والكبينة اللي احنا فيها كانت فااااضية

وكانوا عندهم علم بتاخر القطار في المحطة السابقة
وهذا اللي قالة لي الرجل الموجود ويشيك على التذاكر بالقطار
بعد ما شاف تذاكرنا والوقت
قال انتم من اللي تاخر قطارهم بالمحطة السابقة ويبتسم
والحمد لله عدت الامور

بعدها اقول لام مشاري اللحين واحنا نجري
ومعنا شناطنا وعلى لبسك ما جاء في بالنا انهم يعتقدون اننا
ارهابيين وخصوصا لبسك




وتحرك القطار بعد عملية اكشن مفيدة لنا





ووصلنا ليستر





يتبع...