والله يستاهل تقريرك يا دكتور

ما شاء الله عليك

ماشاء الله تبارك الله التخطيط للسفرة مالتك شبه احترافي صراحة على عدد الايام القليلة الي قضيتها لكنك غطيت جميع الاماكن بلاخص ( فترة الزيارة الليلية للبتراء + حمامات ماء عين ) الشي الوحيد الي فاتك هو (وادي رم ) تراه شي خوووووورافي بلاخص وقت الغروب يعني لو رديت مرة ثانية للاردن تقدر تحجز بالعقبة وبعد اذان العصر تطلع صوب الوادي وتروح باحد المخيمات تحجز وجبة عشاء فقط وتضل بالوادي وتحضر الغروب وتستمتع بالغروب و تنزل المخيم تعشى وتضل جالس فترة الليل لين ساعة 12 ليلا وبعدين ترجع العقبة .

اكثر شي عجبني هو التخطيط البطل حق رحلتك . ياريت ترجع مرة ثانيه للاردن وانا موجود اخوك اي شي تحتاج فقط راسلني

يوجد ايضا مخيم في عجلون اسمه ( راسون ) وموجود على ال gps بس تكتبه وتروحله دايركت وهناك على الطريق يوجد غابات ومناضر خورافيه


يوجد ايضا في البتراء منطقة تسمى (البتراء الصغية ) وهي جميلة جدا ويوجد مخيمات من ضمنها (مخيم مارس) اذا كنت من عشاق الهدوء تقدر تروح لها بعد زيارة البتراء الكبيرة


بالنسبة لي في العقبة افضل المنتجعات على الفنادق لانها بعيدة عن المدينة والضوضاء والازعاجات ويوجد العديد من المنتجعات في (الشاطئ الجنوبي )

بلاخير ياخوي اهم شي بالرحلة هو التخطيط وللاسف كثير من الناس يروحون بدون تخطيط مسبق وياخذون انطباع سيئ واعتقد هالشي صار معي في تركيا وبسبب عدم التخطيط كرهت شي اسمه تركيا

نتمنى نشوفك مرة ثانيه في الاردن ونستمتع بتقاريرك

يعطيك العافيه