بورتبيلو ماركت

عشاق شبكة ومنتديات العرب المسافرون

وعشاق لندن

نتابع معاكم رحلتنا

اليوم الرابع من سفرتنا وكان يوم

السبت تاريخ 20 / 8 / 2016


بهاليوم طلعنا انا وبناتي وبنت اختي



الريوق بالحب بريت

والمطر يرش والجو روعة

والحمدلله لقيت الطاولة اللي عند الدريشة فاضية










https://vimeo.com/184776543



وعلشان المطر شرينا شمسيات ( مظلات ) من تيسكو

شوفو الجهاز تحاسبون بنفسكم مافي اسهل منه







واحنا نمشي للباص ...السيارات طشروا علينا الماي ونقعوا ملابسنا بالماي هههههه















ركبنا الباص

وشوفوا الماي ترى مو من عندنا ههههههه









و الى بورتبيلو ماركت

سوق السبت









وشوي تطلع الشمس وساعات تمطر











ووصلنا بورتبيلو سوق حلوو وعجبنا طبعا لأن ماعندنا أسواق جذيه

واذا سووها عندنا تلاقون البضاعة اغلى من اللي بالأسواق وحتى لو كانت شغلات عادية

اما هناك لا الصراحة كل شي حلو ورخيص وكواليتي جيد جدا

اول ما وصلنا ونزولنا من محطة الباص







رحنا يسار لاخر الشارع وشفنا التقاطع وبداية السوق المفتوح او سوق بورتبيلو















وفلافل للي مو متريق




















عجبني الزيتون والاجبان ... وشريت لي شويه شويه














وهذا الكشك فطاير ودونات وسمبوسة حجم عملاق



















اكسسوارت




شعارات الانديه












كشك يبيع هالكبابيس ...قلنا بجم

قال اخذوا راحتم اختاروا اللي تبون وراح

... والا اثاريه رايح يشتري له كوفي ... واحنا واقفين بمحله طلع سعرهم غالي ب 35 باوند ... قلت بشتري حق يوسف ولدي يحب هالشغلات

بس بعدين هونت ما يسوى ...

المهم قلت له الحين مخلينا نحرس دكانك وما ترخص لنا هههه

يقول شغل يدوي ...ويعني






اكواب فخار حلوه










الجو






لوحات خشبيه







فرقة تعزف بوسط السوق







https://vimeo.com/184777119



هالكشك طباخين




دار مدارهم طوابي الطبخ




وهذه البائيلا الاسبانية








والربيان







بطاط يشوق لولا البيكون اللي فيه





كشك الفواكه













ماكو كبر زيونتي




البنات عجبهم الاناناس وطلبوا لهم




















كروت حلوة لما تفتحها تكون معلم او شغله مثل ما تشوفون







وتستمر اكشاك الأكل
















اكسسوارت هنديه حلوة














على جوانب الشارع توجد محلات وكافيهات



زحمة سواح





دشينا هالمحل كله شغلات ورقيه حلووه وناعمه للبنوتات














شيطلع البنات عاد
طلعت وخليتهم يتشرون على راحتهم وانا اصور من بره




في مجسمات على هالشخصيه
شروا منهم البنات ما اعرفها انا








هذا المحل اهو على يساري واللي جدامي هذا مريناه واحنا الحين رادين علشان نروح للباص عند محطة الستاربكس بس جدامنا وايد نكمل معاكم


شرينا حصيرة حق الهايد بارك من هالمحل



ساعات
















نكمل






















حمامات بباوند

















لوحات ورسومات







ايسكريم




نظارات غريبه الشكل ورخيصه







صاحب النظارات كان يتغشمر مع البنات




شنو هذا اذا تعرفون ؟؟




شوفوه اوضح







هابين فيهم








العبو بحسبة تاتشر السيدة الحديدية





خلصنا بهالوقت





ورجعنا بالباص ومرينا الاكسفورد

[IMG]http://www.arabtrvl.com/up/uploads/arabtrvl14749075496810.jpg[/IMG

كافيه سيد

وبعدها رحنا للكارنبي ستريت

وبالطريج الاكسفورد ستريت








قاصدين كافيه (( سيد))



ام الزحمة حطينا اسمنا وعددنا وقال بعد ساعه





شوفو الزحمة




وهذه البيوت مقابلة للكافيه



قعدنا نتمشى بالكارنبي ستريت

لحد ما يصير موعدنا

وهذه خريطة للمكان والمحلات والمطاعم كل شي بلونه



















محل الجواتي العجييبه ...











دشوا البنات هني محل (( بنيفيت ))

ودشيت صورت شويه وطلعت







صالونهم تحت







وافكت السناب









شغلاتهم حلوة

























بالساحة عند بنيفيت

هذه الساعه ترن






https://vimeo.com/184776719





وهذا محل السليبرات









حلووو اربح غدا شهر كامل ..













وهذا الكافيه يمهم بعد وهي ساحة الساعه اللي منها توصلون لكافيه (( سيد)) اذا رحتوا سيدا





وعجبنا هالمحل فيه شغلات على كوكا كولا















هالشارع محلاته وايد حلوة





ورجعنا (( لسيد ))
ولقينا للحين مافي مكان لا داخل ولا برة
والعالم كل مالهم يزيدون

وقفنا عند البقالة اللي يمه وقعدت على صندوق حديد
تعرفون اللي يصير للجرايد وعليه قفل يفتحه راعي البقالة ويطلع الجرايد
المهم محد درى عني من اهل البقاله وما قالو شي
بس ياني جرسون سيد وطلب مني أقوم بطريقة مو حلوة
جافة شوي

صورة اعلان البقاله
الوان علم الكويت




قمت ووقفنا ننطر دورنا ومسكرين الباب بقفل اشدعوة ههههه
واحد يطلع ينادي الاسم ويدخل الزباين
واحنا ننطر وقلنا له عادي نقعد بره جيب كرسي زيادة
قال لا ما يصير تعبت من الوقفة الخشونة وما تعمل ...بس علشان البنات استحملت حرام يبونه...
وأخيراا قال يلا دخلوا

قعدنا على الطاولة الكبيرة مشتركين معانا فيها 3 بنات من السعودية وبنتين اسيويات وشاب خليجي
واحنا الخمسة تخيلوا الوضع

صحن البنت جدامي لو اكل معاها مادرت عني هههههه

هذا منيوهم






شوفو منطقة عملهم مطبخهم







شوفو كرسيي
بستوك لبن ... كان ورانا زوج وزوجته اطلعوا وغيرت كرسيي بس كان اقصر شوي من الثاني بس عادي اهم شي يكون مريح



ديكوراتهم




بالغصب اصور من الزحمة هههه




وصلت طلباتنا انا طلبت هوت تشوكلت .....شوفو طاولتنا













طلبنا هالكيكة







والفراولة
















والفاتورة



تقيمي
السعر عندي عادي
الأكل والهوت تشوكليت واايد حلووو
بس والله ما يسوى النطرة ونفسية اللي يشتغلون لوعة
الجرسون واللي ماسك الباب وغير الزحمة والمحل صغير
ما يسوى
وهذا اللي أقول لكم لا تضيعون وقتكم ورا كل ما يقدمونه الفاشينستات
كله خرطي

رجعنا من محطة الباص اللي عند هامليز




وهني طلعنا ننتظر الباص الى ..

عين لندن
عند محطة الباص اللي عند هامليز







وحدة انجليزية مضيعة تسألنا دلوها البنات




حتى موقف الباص زحمة وأجناس اشكال
ما أحب عمليات تغيير الشكل لأن احب خلقة ربي
وربي خلقنا في أحسن نقويم ليش تغيروون بشكلكم
مادري هذا رايي








ومكانا التالي عين لندن وانا حبيت اروح لها بالليل
بس احنا للحين مغارب

وهني من الباص



وتصوير للبيغ بن













تصوير الكانون عاد ان شاءالله يكون على قد المستوى لان الميموري ينني ما يطلع الصور على اللاب
دوخوني حيل




زحمة
















الجو غيم ومطر وبراد



المبنى اللي فيه المطاعم والعاب الجيمز وشريك والدراغون والاكواريوم وغيرها


























قعدنا تحت الساس عن المطر لحد ما يقصون لنا تذاكر

















تعبنا من بره دشينا ولقيناهم الحمدلله توهم خالصين
شوفو الطابور كله صينين




حجزنا معاه سينما 4D عن اللندن آي




العروض



الفيلم مدته دقايق والعرض واحنا واقفين
حليوو مع رشات ماي
وبعدها طلعنا




























ووصل دورنا



وبدأ التصوير من العربة





































































































وعشانا بالبيت اول مرة نطبخ بجدر
بوحسين

وكل شوي ازيد الماي حمست دياي تحت العيش مع بصل وثوم وبهارات وزيت



وبعدين حطيت عليه ماي لحد ما شفت الدياي استوى قطيت عليه العيش مع الماش

وصبيت زيادة ماي عليه



وننتظر النتيجة لا تكون بس خساير



















أشوة عجبهم وااايد استانسوا عليه

وهذه شهادة البنات



[/FONT


وهذه صورة لمطل غرفتي بالعمارة





ونشوفكم باليوم الخامس
الى لقاء قريب ان شاءالله[/SIZE][/COLOR]

تسلمين
سوق السبت حق أكل هذا ما شاء الله

لكن مقهي سيد علي أيش كل هالانتظار معاك أنكم في أفضل الشوارع وتقزرون وقتكم مشي بس ما يستاهل أنتظر وفوق هذا بطاوله مع ناس ........خير
أما عاد اللي يعلنون ذولا اذا علي حسابهم رايحين مومشكله
مو مثل حقين تركيا اللي الحين صاور بأمر من السياحه التركيه وبالتعاون مع الخطوط التركيه يحاولون توجيه الناس لغير اسطنبول والشمال