اخواني وخواتي الأعزاء

أعضاء

منتدى العرب المسافرون



اليوم الثامن الاربعاء 24 / اغسطس

يوم السفر لمانشستر



محطة ايوستن



قعدت الصبح انا مجهزة شغلي من الليل وماعندي شي

والسفرة الساعه 12 الظهر بالقطار

من محطة ايوستن



تجهزت وكملت شيل الاغراض الاخيره

وكذلك بوحسين جاهز

وقلنا نروح نتريق على ما يجهزون البقيه

ورحنا انا وبوحسين وغنومه

طبعا بريت



وهذا ريوقنا اليوم غيرت يعني





















وبعدها رجعنا الشقه

ووداع العمارة







شارعنا









ونزلنا جناطنا واخذنا تاكسيين البنات اسبقونا مع ابوهم

وجم شنطة علشان يطلعون التذاكر

واحنا طبعا حاجزين اون لاين من قبل مدة وعلى ال فيرست كلاس

هذه ورقة الحجز






وهذه التذاكر وحدة فيها 3 مقاعد وثنتين فيهم مقعدين















وصلنا احنا بالتاكسي نزلنا تحت عند المواقف وشوي الا تيي لنا سيارة غولف

واخذنا معاه صعدنا بالصاله فوق وقال لنا اذا صار موعد رحلتكم انا اييكم اوصلكم للقطار

قلنا اوكي لان رحلتنا بعد ساعه تقريبا







شوفو الصاله صارت سهله عندنا من كثر ما نروح فيها

طبعا التمشي مطلب اساسي

واللي راح يتريق بعد توهم يقعدون

وطلبت منهم جيس كيك الليمون









صور المحطة







مكتبة حلوة

























شوفو شنو يطالعون طبعا شاشات مواعيد القطارات

























محلات وايد ضرورية موجودة







بعدها صار قريب للوقت ورحنا علشان نصعد اغراضنا ووصلت سيارة الغولف نصنا مع الجناط مالوتهم والباجي يو مع جنطهم ...طبعا انا مع المجموعه الاولى هههه



هذه سيارة الغولف بمشوار توصيل المسافرين









دخلنا الشنط بالعربه مالتنا على حسب الحرف الموجود بالتيكت



وهذه القاطره مالتنا كانت خاليه



بس بعدين يو نفرين وولدهم













تبون ماي اخذوا ضيافة عادي



























على مفرش الطاولة أسماء المحطات اللي يوصل لها قطار فيرجن















صورت صور وااايد بالكاميرا واول مره اموت قهر مسحتهم بدون قصد

بالليل بعد ماصورت كل اللي بهاليوم واستخدمت الايفون شوية

وهذا الغلط الاعتماد على كاميرا وحدة



ولا حتى اللي معاي ما يصورون وايد او سناب ويطرشون



المهم العوض ولا القطيعه نشوف الصور اللي حصلتهم بالايفون ومن الربع



نكمل لكم

شوفو اللي على الطاولة طبعا محسوب مع التذكرة للفيرست كلاس

وجبة ومشروب بارد وحار



يمرون بالأكل وبعدها بالمشروب الساخن

وفي بعد صالة في المحطة للراحة ووجبات سناك وعصير بس كلنا ما رحنا







وللحين







ما مشينا للحين بالمحطة



























ومن المحطة بعد







في منيو بعد









واخذنا هذه الوجبة بدون الساندويتش لأن فيها (بيجون)









كاكاوة بعد











أشوة دانة تقرا ولا تقرق علي







شوفو مكان الشنط قريب منا









من الطريق













الانترنت متوفر بالقاطرة هذه





























قبل لا نوصل بدلوا الأكواب









ومن محطة لمحطة



























وصلنا بيكادلي ستيشن في مانشستر

وطلعنا جهة التاكسي وناخذ تاكسيين الى الفندق



في باصات فري تنقلك لحد فندقك بس لازم تنتظر لحد ما يوصل باص منطقتك

الباصات مستمره





اول ما ركبنا التاكسي ومشى فتحنا السناب ونصور ونحط الافكت ويطلع منطقة الشواذ واعلامهم الملونه



وتقريبا لحد منطقتنا كانت الاعلام والافكت بالسناب

المهم ماعلينا منهم وصلنا فندقنا



نوفيتيل



وهذا حجزنا اللي اخذناه من بوكينغ طبعا

ثلاث غرف سرير مزدوج مع صوفا بسيريرن بعد





المشكلة ان الحمام غرفتين منفصلين

البانيو والمغسله بمكان والمرحاض بمكان وطبعا تعرفون مرحاض لا مغسله ولا شطاف

بس الله يخلي بطول الماي



الصور ماكو للغرفه حسافه بس شوفوها من الموقع



Booking.com: ظپظ†ط§ط¯ظ‚ ظ†ظˆظپظˆطھظٹظ„ ظ…ط§ظ†ط´ط³طھط± ط³ظ†طھط± - ظ…ط§ظ†ط´ط³طھط±, ط§ظ„ظ…ظ…ظ„ظƒط[emoji767] ط§ظ„ظ…طھطأحذر من التعامل معه ،،ط¯ط[emoji767]




بعد التشيك ان والراحة طلعنا نروح السنتر وحطينا الخريطة الى السنتر

وطبعا عارفين احنا المسافه وعارفين الطريج

مشينا ووصلنا لحد السنتر وتغدينا من برجر كنغ




كان في فرقة افريقية تعزف ويرقصون

والمتفرجين بعضهم يرقص معاهم ويهال



والا اي طفل بو 3 سنوات ويرقص واحنا قعدنا على الكراسي مقابلهم

والا اي رجل هندي الظاهر شارب

ويرقص مع الولد طبعا بدون ما يمسكه

ويطلع عشر باوند ويعطيه ويرد يعطيه مرتين وثلاث ويرقص

والولد ياخذ الفلوس ويعطيهم امه يقول ما ابيهم ابي ارقص





وهو راجع الولد تلقفه الرجل ويرفعه لفووق ما نشوووف الا اللي طاح على ظهره تحت ريولنا هههه والولد مسكين طاح عليه اشوه انه ما طاح على الارض



المهم الريال يوم طاح بحلق عيونه وبدون حركه خفنا هههه والا يقوم أشوة ...ذكرني بالافلام الهنديه



قلت حق البنات قوموا قومو ووقفنا وقومنا الولد وعطيناه ماي مسكين



والريال قام وقال سوري وراح بعد ما التفت وراه من الفشله





بعدها تمشينا شويه ورجعنا الفندق

وتجهزنا نروح للمباراة اللي راح بوحسين حجز لنا

اربع تذاكر

























المعلنين















ورحنا بتاكسي وصلنا لاقرب نقطة خلاص ماتروح السيارات ونزلنا نمشي

وطول الشارع الناس تمشي رايحين للمباراة

المباراة

مانشستر سيتي x وفريق بوخارست الروماني



ملعب الاتحاد صورت بعد وايد بس انمسحت الصور











خذوا من غنيمه عصا السيلفي

ممنوع قالو تطلعون تاخذونها

قاعدين فوق تعرفون ملعب السيتي الصعود بطريق لولبي

احنا اخر شي فوق دخنا من اللف بس احسن من الدرج

شوفوه على يمين ويسار الصوره






بتبدي المباراة














والسيتي فاز 1 / 0



لحظة القول


https://vimeo.com/188065188

محل الستي في السنتر شفناه واحنا نتمشى ...





بعدها رجعنا للفندق ندور العشا

قالو العيال نبي هالمطعم الهندي جارنا ...قصدي جار الفندق

رابط المطعم من غوغل ماب


https://www.google.com/maps/place/Sw...7b49e?hl=ar-kw


عنده بوفيه للغداء والريوق ما جربناهم

بس تعشينا عنده والصور راحوا مع ربعهم ماحصلت الا هالصورتين







عصير ترحيبي







وهذه من حسين حقي









الاكل تمام

لقيت صورة وضفتها عقب كم يوم من التقرير



بعدها سيدااا للنوم
تعبنا من المشي


شوفو باجر جولتنا وين بتكون


أرسلت بواسطة iPhone بإستخدام Tapatalk

ام حسين السفينة تبكي من جمالها فاتتني للاسف



مانشستر انا ماحبيتها كثير يمكن لانها اروق وأهدى من لندن ماادري
لكن اكيد معاك غير



وتستاهلين بستان ورود
واصلي

مانشستر

ناطره تفاصييل اكثر عنها لانها بالخطه بس ابي اعرف جم يوم تكفي وشنو اهم الاشياء غير الملعب لانه اكيييييد بالخطه موجود


بس سؤال ام حسين..

انا ابي استخدم القطار بس دايما احاتي الجناط و شلون بدخلهم مع اليهال

دايما اتخيل يمشي القطار وانا برا واليهال داخل ويصير فلم

مع اني رايحه اوربا من دوله لي دوله بالقطار وعادي مع كثر جناطنا بس تدرين يعني المحاتاه والتفكير

مساءالخير
كيف التشيك أوت للشقه
صرتوا خبره بالقطار الي مانشتسر
الدرجه الأولي تستاهل صراحه
كوره كوره
الهندي لا تعليق الله يكفينا شر هالأشكال