وتبقى لندن عشقنا - الصفحة 7

توبليرون · 22-09-2016, 10:51 PM

اقتباس : المشاركة الأصلية كتبت بواسطة ام زياد ناجي

استمتعت معاك ام حسين بالاجزاء والاجواء اللندنيه.
تسلمي على الوصف الدقيق والصور الجميله.وربي يخليلك حسين واخوة حسين وابو حسين

هلا هلا بالغاليه ام زياد
اشلونك حبيبتي
تابعي وشوفي الاجواء اكثر
ويخلي لك زياد واخوانه وابو زياد يارب
اسعدتني بالمتابعه ربي يسعدك

الايمان, نانا ابو عابد و فارس من خيال معجبون بهذا.

توبليرون · 22-09-2016, 10:52 PM

اقتباس : المشاركة الأصلية كتبت بواسطة islam_abushal

نقرير في منتهى الروعة
شكراً جزبلاً لمجهوك الكبير
حفظك الله و عائلتك الكريمة من كل سوء

الروعه بمروك العطر
ويحفظ لك عائلتك يارب
تابعنا القادم اجمل

الايمان, نانا ابو عابد و فارس من خيال معجبون بهذا.

توبليرون · 22-09-2016, 10:53 PM

وتبقى لندن عشقنا
منتدى العرب المسافرون

يوم الجمعه 19 / 8 / 2016
اليوم الثالث من السفرة

صحينا الصبح وقررنا اليوم نتريق مع البنات
انا وبوحسين
طلعنا وهذه سور عمارتنا

نروح لحد التقاطع وناخذ يمين التقاطع عند السياره الحمرا
بس نعدي الماريوت بنكون وسط الاجور رود عند الكوستا

هذه كانت محطة الباص اللي بتودي للماربل ارش وللاكسفورد وما بعده
احنا راح نعبر الشارع ونوقف عند محطة الباص اللي عند
محلات المصطفى

كل محطة باص او اغلبهم بتلاقون الخريطة توضح لكم اي باص تاخذون
المهم تعرفون اسم المنطقه او الشارع اللي بتروحون له وبيبين لكم اي باص
واذا كان الرقم موجود هني والا بمحطه ثانيه

ركبنا الباص رقم 7
لازم تنتبهون هالمكان في الباص الاولويه لاصحاب الويل شير او عربات الاطفال

وهذه صور من الطريج

مرينا فندق هيلتون بادينغتون

ووصلنا لمنطقتنا بايسواتر / نوتينغ هيل

[IMG][/IMG]

هذا مطعمنا

Granger&Co

مساحة المطعم متوسطه وفيه طاولات وايد
الحمدلله طاولتنا مكانها زين

محل مجاور للمطعم

مكان استلام العصائر فيه قعدات بعد يقدمون الريوق فيه للي يحب يقعد

[IMG][/IMG]

المنيو

طاولتنا

طلبنا انا وبوحسين طلب واحد

والبنات طلبوا طلبين نفس الشي

وطلبنا بان كيك بالموز والعسل

شاي وحليب

بوحسين يقول ليش حليبهم شوية هههههه
قلنا اطلب بعد حليب زيادة قال لا كافي

وكابتشينو لي ولبنتي
ههههه بعد ما حطيت الشكر وحسته تذكرت اصور

صورة من سناب البنت

صوره جامعه لكل الطلبات وشايفين طلبنا افوكادوا مع صوص لها
مادري ليش ماصورته بروحه

وهذه الفاتوره = 57 باوند

وشفت هذه السنه بلندن اغلب المطاعم يقدمون كرت فيه عنوانهم
نفس هذا

مرينا البيوت الملونه بنفس الشارع

موقف طريف سويته بابوحسين
واحنا نمشي يطلع صوت تكرمون من الجوتي سكيتشرز في شي مثل قشرة جوز
بين الدوائر اللي بقاعة الجوتي

المهم كل ما امشي ويطلع الصوت
والا اقول لبوحسين اسمع صوت ركبي وانا امشي تطلع صوت
ونمشي ونفس الشي ودي اضحك ههههه بس سكت

وهو مسكين قام يحاتي بس ساكت لانه يشوفني امشي

والا الاقي كرسي واقعد واقول حق بوحسين شوف الصوت من وين ههههه
قال اششششوه وانا احسب صوت ريلج خرعتيني وخليتيني افكر

الحمدلله كملنا مشي بالشارع والبيوت والمحلات كلها حلوه والمنطقه هاااااااديه

بيتي مستقبلا

مطعم هندي

هذه مواقف واسعارها واوقاتها للي حاب يسوق بلندن ويزور هالمنطقه

تنبيه في منطقة عمل

بعد الريوق قعدنا نتمشى بهالشارع الحلووو وفيه محلات روعه
مادري ليش ماشريت ؟؟ ندمت اني ماشريت حق زيونه من هالمحلات الحلوه

اسم المحل واضح عندكم

واحنا نمشي مطرت شويه ورجعنا ركبنا الباص مادري اي رقم الصراحة نسيت
ورحنا الى كامدن تاون
تابعونا هناك

ابو عبدالله, هاوية الاسفار, فيصل و 16 آخرون معجبون بهذا.

توبليرون · 22-09-2016, 10:55 PM

في الطريق الى كامدن تاون

ومن السناب بعد

للي ما يعرف محلات ارغوز
هي محلات للطلب من كتالوغ لكل أنواع البضايع وخاصه للبيت والحدايق اكثر شي
والأدوات المخنلفة والألعاب وأدوات المدارس وتوصل لكم حسب توفر البضاعه أيام او أسبوع أسبوعين

عندهم محل بالاجوررود

والمطر يهبل

الطريج الى كامدن تاون نصه مريناه بالروحه للمطعم بس بالعكس طبعا

مرينا على متحف الشمع واحنا بالباص شوفو الطابور ماشاءالله
فيديو

https://vimeo.com/183823521

كافيه بريت منتشر بكل لندن
دايما فريش
واحنا قاعدين يسوون جديد ويحطون كل ما خلص شي

وصلنا كامدن تاون ونزلنا وسيدا دخلنا بالسوق لان مطر

اول شي صورت لكم الطباخ المكسيكي

فيديو

https://vimeo.com/183824678

تمشينا بين محلاتهم واصور لكم ونتشرى طبعا

دورات المياه هناك نظيفه عكس ما توقعت انها قذره وريحة لان المنطقه للهيبز وجذيه
دورات المياه نظيفه واوراق التواليت متوفره وكانت العامله تنظف وتزود بالاوراق

ويوجد اصنصير واحنا نزلنا بالدرج الطويل
بس تحت شفت الاصنصير وصعدنا فيه

طلعنا على هالمقاهي

وهالمكان فيه للتشمس يعني

في محل للكورن الفليكس يقولون البنات تتوفر فيه انواع كثيره
راحوا بيشترون لقوا طابور طويل وهونوا

بس صوروا هني هههههه

شروا العمات هذه حق زيونة

لوحات حلوة للزمن الجميل بس يبيلهم طولة بال للبحث عن ما تبون

وبعد لا تنسوون الصينين ومساجهم بكل مكان

شفنا تماثيل الحصن مو كلهم طبعا بس شويه ما خلانا المطر نكمل
وصورنا

ما رحنا من هني

طلعنا من هني على اليمين

ورحنا عند هالسيارات الصغيرونات وتشرينا منهم

جربنا الدونت الفريش بالأوريو

انا اخذت الفراولة والموز بالكاكاو من هني

بس تعبنا وطلعنا لمحطة الباص

وركبنا الباص رحنا فوق بالكراسي الأولى

والمطر وناسه

المطر ماكان قوي بس يرش ويوقف ويرد يرش

طابور متحف الشمع للحين

بوحسين يقول لهم اكلوها بعد بعد دوركم يبيله ساعتين

الكاميرات بكل الشوارع

مستمتعين بالاجواء

انزين الحين انتهينا من كامدن تاون واستمتعنا فيها
مدة ساعتين ونص
رايحين وين تابعووووني بعد شوية

هاوية الاسفار, فيصل, آخـــرفـــرصـــة و 15 آخرون معجبون بهذا.

توبليرون · 22-09-2016, 10:58 PM

سامحونا اذا تكررت الصور والا لقيتوها غير مرتبة
اخاف اعدل ويروح اللي كتبته ونزلته مرة ثانية

ميخالف غضوا النظر

هاوية الاسفار, فيصل, آخـــرفـــرصـــة و 4 آخرون معجبون بهذا.

توبليرون · 23-09-2016, 05:53 PM

صعدنا الباص رقم 7 او 23 هم يودون للكوينز واي

رايحين لمطعم خان المفضل لنا
هالمره قعدنا فوق لان المسافه بعيده
وصرنا اول كرسي
وهات سوالف وتصوير مع حبات المطر

مرينا على نفس الاماكن اللي بالروحة تقريبا

شوفو هالمستشفى
مستشفى سانت مارين حكومي

جربناه وااااايد ممتاز فحصوات دقيقه وتسجيل معلومات عن كل شي
ويحطونك بغرفة خاصه يستقبلونك فيها
وحتى التحاليل والاشعه يجيبونها عندك بهذه الغرفه
وما يطلعونك الا وانت مرتاح نفسيا ومشافى ان شاءالله
احسن من مستشفياتنا الخاصه

وصلنا خان الساعه 12،30الظهر
وكنا متواعدين مع ربعنا اللي كانوا رايحين نادي تشيلسي لحجز تذاكر مباراة
ومصورين لي من الستور

لقيناه مسكر لصلاة الجمعه
وعلى فكره عندهم مسجد في السرداب وتقام فيه خطبة الجمعه

بابهم

شارع الكوينز واي تقريبا شارع العرب بس على خفيف

رحنا نتمشى ولقينا هالمحل اول مره اشوفه وقلنا ما بدهاش خل ندخل على ما يفتح المطعم
شوفو اشياءه الحلوه والمختلفه عن اللي بالسوق
محل Tjger

فيه أشياء عاديه ولكن حلوه وغريبه اتونس
لا تخافون صورت لكم

كل شي عندهم ادوات مطبخ بسيطه قرطاسيه وقصص والعاب واغراض حفلات

الجهاز هذا ذكرني بايام الدراسه في المتوسط كنت اشتغل عليها تسوي نفس السجاده بس خرز

شريت هذا عجبني ولأني ابي للنظاره جيس بدل علبتها تثقل الجنطه
بس حلوه مقصوده للي يتابعون بصمت خخخخخ

شغل للابلات

تشرينا وطلعنا كل وحده مع جيس متروس
الاكياس البلاستيك ب 5 بنس وقبل لا يعطونك يقولون لك تبي جيس والا لأ وسعره كذا
علشان لا تقولون غشونا

جيسي مع اسم المحل ماني قادره ارفعه من التعب هههه

رجعنا للمطعم وهذا صوب المصلى

رحنا المطعم وتيمعنا كلنا قالو انتظروا على الكراسي
مع ان المطعم مافيه احد الا احنا وعايله هنديه

نادونا بسرعه وهذه طاولتنا

وهذا النخل ديكورهم للحين صامد

كان في بوفيه قمت صورته وقلنا لا مانبي بوفيه
نبي نطلب
صور البوفيه لعيووونكم

وصل صحني الساخن

كاشيرهم وبعض الطلبات

وطلباتنا احنا 6 اشخاص
3 برياني دياي وكاري و6 بيبسي مع بطل ماي
وخبز نان

وصلت الطلبات

رجعنا من المحطه اللي بالشارع المقابل علشان نعكس الطريق
هذه مجمعات سكنا سنه من السنين بشقه عندهم وباقونا ما رجعوا علينا التأمين ولا يووو علشان التشيك اوت .... عربوووو يا جماعه

الشوارع كلها ورد اتهبل تعجبني

حتى الشوارع مهتمين فيها في توفير احتياجات المواطنين
شوفو بالسرداب

وهذا الحلو مجابلني والعيال وابوحسين اقعدوا ورا
انا لازم اول كرسي مال العيايييز هههههه

وصلت العمارة ولقيت الورقه هذه على الباب ما يفتح التوماتيك لازم احد
ينزل لكم من الشقه يفتحه يدوي او بالمفتاح

وام حسين ماعندها مفتاح معتمده على اللي بالشقه حسين
وهو نايم وماعندي رقمه والواتس مايرد علي
دقيت على البنات ودقوا عليه علشان يفتح لي

صورت على ما تتم الاتصالات

هذا السرداب وأثار المطر

باب العماره للي حاب العنوان

وأخيراا دخلت وتوثيق اللحظه
لاني نطرت وايد وياريت بعد نزل لا حسين قط المفتاح علي
اشوه ما بط راسي هههه من الدور الثالث

العصر رجعت طلعت ورحت للبنات شارع الاكسفورد
طبعا بالباص يوديك 23 او 98

قلت لهم الوعد بسيلفريدج
رحت وتمشيت وما شريت الا كرت لعيد ميلاد زيونه

كاكاوات سيلفردج

رحت بعدها لستاربكس سيلفردج مع اختي وبناتنا
وقعده وسوالف وتصوير

وضيافه مني يستاهلون

وهذا مايهم

صور سنابيه

من سناب اختي

وذاك اليوم قلت خلاص مافيني شده اطلع وبعد الربع مافيهم حيل بعد تمشيهم

قالو العشا شنوو
قلت كيفكم شنو تبون ...تبون مموش قالو لا الغدا ماكلين عيش

قالو نبي كنتاكي في قريب طبعا من البرامج اللي بالتلفون يعرفونهم

لان اللي بالاكسفورد شايلينه لقوا بعد الهيلتون في واحد
وراحو ويابو واكلنا بالبيت ولا تأخذونا الصوره رايح الاكل منها ههههه

بعد العشا قلت بروح تيكسو احتاج صابون للغساله

وبردتنا لقينا حسين وزوجته في المطعم القريب ماني عارفه اسمه
بس مقابل الكوستا بالضبط

شربنا معاه شاي

قلاص دانه كرك

وطلبت محلبيه قالو مافي اخذت رز باللبن
ما عجبني

وهذا مطعمهم تختار السمجة ويشوونها لك

عشا حسين

وهذا الشارع بالليل اللي ينقلب چنه منتزه الخيران من المسجلات والقواري وايام فرقة ميامي ههه
بس هالمره آآه يا لندن

هاوية الاسفار, فيصل, آخـــرفـــرصـــة و 15 آخرون معجبون بهذا.

هاوية الاسفار · 23-09-2016, 11:40 PM

حرام تخوفين بو حسين احس تعقد من المره اللي طافت
بيقول توكم واصلين و بديتي تشتكين من الركب
حبيت محلات المطابخ و المدرسة سوالفهم روووووعه
معذورة الغاليه على تكرار الصور بس اهم شيء لا تتأخرين علينا
متابعين

توبليرون, آخـــرفـــرصـــة, الايمان و 2 آخرون معجبون بهذا.

فيصل · 24-09-2016, 06:39 AM

آآه يا لندن
زحمه يا عالم

الكامدن ما زرتيه من قبل
أحس زياره تكفي
المطعم خان شكه عجبكم تنصحين فيه
حسين كسول يعني ما قدر ينزل

توبليرون, آخـــرفـــرصـــة, نانا ابو عابد و 1 آخرون معجبون بهذا.

توبليرون · 24-09-2016, 09:04 AM

اقتباس : المشاركة الأصلية كتبت بواسطة هاوية الاسفار

حرام تخوفين بو حسين احس تعقد من المره اللي طافت
بيقول توكم واصلين و بديتي تشتكين من الركب
حبيت محلات المطابخ و المدرسة سوالفهم روووووعه
معذورة الغاليه على تكرار الصور بس اهم شيء لا تتأخرين علينا
متابعين

هههههههه
اهو قعد يفكر يقول لهالدرجة وصلت حالة ركبك يطلع صوت ..
المحل عجيب شغلاته حلوه
اما الصور ...شوفي بعد ضفت صور بعد ردك نسيتهم بطلعة العصر بسيلفردجز
تسلمين على المتابعه الحلوووة

آخـــرفـــرصـــة, هاوية الاسفار, نانا ابو عابد و 1 آخرون معجبون بهذا.

توبليرون · 24-09-2016, 09:11 AM

اقتباس : المشاركة الأصلية كتبت بواسطة فيصل

آآه يا لندن
زحمه يا عالم

الكامدن ما زرتيه من قبل
أحس زياره تكفي
المطعم خان شكه عجبكم تنصحين فيه
حسين كسول يعني ما قدر ينزل

اي والله زحمة هالسنة غير طبيعيه
الكامدن زرته قبل على السريع بس مشينا بالشارع
اللي فيه بيوت ديكوراتهم غريبه اذا عارفه
والاسواق اللي فيه
اما هالمكان اول مره اروح له وبعد مو كل الاسطبلات ما شفتها عدل

خان احنا دايما نروح له ضروري
ذكريات بوحسين فيه ايام الشباب وأكله حلال انصح فيه
عندي كرتهم ادوره واحط عنوانه ان شاءالله

حسين كان نايم وانفلونزا حاشته قال اقرب شي الشباك
متابعتك تسعدني

آخـــرفـــرصـــة, الايمان, نانا ابو عابد و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ضعت في اول يوم في لندن ؟	استبرق	بوابة بريطانيا	9	12-07-2018 08:47 AM
الافضل البقاء في لندن او لندن + مانشستر	q8ok	اوروبا	5	05-03-2016 01:54 AM
استفسار بسيط بخصوص المصروف اليومي في لندن .. الى خبراء لندن !!	omar1987	اوروبا	7	05-10-2015 09:28 PM