ووصلنا المطار نزلنا الجناط واخذنا 3 عربات

ودخلنا الكاونترات جدامنا







لقينا الكاونتر للحين مو مفتوح طبعا ...خلينا ناس توقف في اول الدور لأنه لنا

ورحت مع البنات نسوي التاكس فري



















ورا هذا الحاجز كاونتر التاكس فري









وقفنا مع جناطنا ...













فواتيري بعد التشييك عليهم وانتظار الدور للمحاسبين...سألوني تبين فلوسج بالدينار والا الباوند

قلت الباوند







الفواتير اللي نسبتها قليلة يخلونها تحويل للبطاقة البنكية طبعا تكتبون رقم البطاقة وتوقيعكم على كل البطاقات

اما المجوهرات والساعات مكتبهم في صالة المغادرين...يعني بعد قص البوردنغ والتشيك ان...ولازم المشتروات معاكم



المهم

بعد ما وصلت للمحاسبة قالت اسفة ماعندي الا دولار...قلت اوكي

واخذتهم والبنات كلهم نفسي دولار







بعد ماخلصنا رحنا للكاونتر واحنا اول ناس خلصنا ودفعنا فلوس لجنطتين زيادة

البريطانية الوزن بالشنط يعني كل شخص على السياحية له جنطة فقط غير اللي تدخلونها معاكم

المهم الجدر دخل معانا الطيارة بكرتونته هههههههههه

عادي صح



رحنا للصالة وقعدنا وراحوا البنات يسوون التاكس فري للمجوهرات

وانا قاعدة مع دانه وحسين

هني













ارجعوا البنات كملوا مشتريات من شانيل وال في ما نخلص....لازم الجواز موجود عن المشترى حتى لو بتشتري بطل ماي







الحين انا يعت وباقي اكثر من ساعة ونص على دخول الطيارة



رحنا نتغدى انا ودانه هني



مطعم الزرافة



































المنيو































وصلت طلباتنا







بورغر لي













وطلب دانة













اللي يخدمنا إيطالي يقول روحو إيطاليا حلوة

قلنا له مرة ثانية يقول لا روحو الحين هههههههههه



بعد الغدا رحنا نتمشى بالسوق الحرة من ضرورياااات السفرة



الديوتي فري







دخلت مع دانة شافت الكتب ماهي خالصة ...خليتها وقلت لها دقي علي او تعالي مكانا









وانا طبعا تشريت كاكاو كادبري وثورنتاس والحساب تحاسب بنفسك بالأجهزة



بعدها الى الهارودز بشتري البسكويت هاند ميد بالزبدة ....وشاي













مشترياتي بالسوق الحرة ....لازم الجواز لاتنسون







رجعت وتيمعووا العيال وصار النداء للدخول بالمترو للانتقال لبوابة الطيران

العالم مادري من وين تجمعت العوايل الكويتية كلها بالمترو ههههه

من الزحمة والتعب ما صورت الا لما دخلنا الطيارة وقعدنا

التنبيهات كانت مترجمة للغة العربية











توزيع الوجبات















دجاج وسبانخ لذيذ ومشبع







لزانيا خضار









الحلو













عصيري







الربع نامو ...بعد الوجبة ...انا يمكن نمت ساعتين او اكثر بس متقطعه...اول مرة انام بالطيارة







الوجبة الثانية كانت الريوق يعني



شاي او قهوة مع حليب سائل وكيكة

















ووصلنا الديرة بعد سبع ساعات الا عشر دقايق يمكن

رحلة العودة اقل وقت من رحلة الذهاب تقريبا عشر دقايق



اخنا جناطنا بعد انتظار طويل لجنطة وحدة أخرتنا

طلعنا لقينا أبو زيونه ويوسف ينطرونا.... توزعنا على السيارتين مع الجناط وعلى البيت

وسيدا الفراش بعد الصلاة طبعا

قعدنا الظهر وطاخ الغدا مقلوبة مظبطتنا طباختي عليا







بعدها تفريغ الجناط

مشترواتنا بعد تفريغ الجناط

البنات شارين براوني بريت من المطار وزعوه علينا بعد الغدا







اقلامي الجميلة ووزعت مثلهم حق اعيال خواتي









بسكويت وشاي وكاكاوات من المطار









حلاو بلاكبول ....ترى الألوان على حسب الطعم منهم فيمتوو

























وصوايغ زيونه وزيونه























تذكاراتي

























سفينتي من ليقربول















الورد من مزرعة اللافندر اهداء يدل دربه







الأدوات الشخصية لدرجة رجال الأعمال







اشرايكم كيوت







وزيونة تقول ماما عودة بعد ماتبي تصور بالكاميرا







وهذا اللاب توب الجديد لخاطر عيون التقرير والفايو صار بالمخزن









وانتهت رحلتنا بخير وسلام وشوووووق للندن يكبر في كل مرة



ان شاءالله تقرير جديد السنة الياية ادعوووا لي



ملاحظة ..





أماكن كنت حاطتها براسي بس ما قدرت اروح لها



قرية بيبوري







سألت السواقين اللي في شارع الأجور رود ما عرفوها

لأنها جديدة على العرب اللي بيروح لندن يروح لها قريبة ....بوعبدالله ممكن يروح لها ويعلمنا عنها ان شاءالله





ليتل فينس









Little Venice and Back | Kayaking London





https://www.google.com.kw/search?q=%...53915699296504






حديقة هولاند بارك يم شقتنا الأخيره مارحنا لها

هولاند بارك لندن

http://www.arabindex.co.uk/gardens/hollandpark/





وأكيد كان ودي اروح البحيرات بس ما الله كتب