بما ان هذا الجزء راح يكون آخر شي في جيجو حبيت أعطيكم شوية معلومات عن الأنشطة ونصائح بالنسبة للسكن

طبعا زي ماشفتوا الأماكن اللي زرناها بسيطة وهذا بسبب أيامنا القليلة والصراحة أنا كنت قاصدة

لأن جو الطبيعة والأرياف والقرى هذا مو جوي أكيد أحب أشوف طبيعة ربنا والخضرة والماء

لكن في مقابل هذا الجمال الحياة تموت من بعد الساعة 6او 8 هدوء وظلام وأغلب المحلات تقفل

يعني (أكثر من 5أيام بختنق)

أحب حياة المدينة الصاخب ومشاهدة ناطحات السحاب والزحمة والأسواق
(يعني حياة ليل ونهار)

والسبب الثاني من أول يوم وصولنا لجيجو ومع تقلبات الجو ابني كان مريض وكان صعب نزور الأماكن اللي تحتاج مشي كثير طلعات ونزلات (شلالات -جبال )وللأسف الجزيرة تعتمد على هذة الأنشطة المهم
(قدر الله وماشاء فعل)

زرنا الأماكن اللي ربنا قدرنا عليها واللي مازرناها راح أكتبها لكم

نصيحة بالنسبة للسكن اللي يفكر يزور جزيرة جيجو لا لا لا يسكن في العاصمة (جيجو) اعتبروا العاصمة مجرد نقطة عبور لمدينة (seogwipo )وهذة هي المدينة اللي سكنا فيها وكل الأنشطة موجودة فيها يعني العاصمة مو محتاجينها إلا اذا اشتهيتوا وجبة دسمة
(المطعم الهندي الحلال)

لأن العاصمة مافيها شي يذكر مجرد مدينة صغير وفيها المطار

وبالنسبة للفلل اللي سكنا فيها

السكن حلو والموقع رائع والموظفين خدومين

عيوبها

الحشرات وأقصد بالحشرات الناموس تبهذلنا منه مع العلم كانوا موفرين مبيد للحشرات وهذاك الشي اللي شفتوه طارد للناموس ومع ذلك مافي نتيجة وطبعا هذا شي طبيعي المنطقة كلها أشجار ومزارع وكمان في نفس سكنا مزرعة برتقال

العيب الثاني

كنت أتمنى يكون في منطقة ألعاب للأطفال ولو في مسبح كان راح يكون أحلى وأحلى وبس.

والسيارة لابد منها ونظام القيادة نفسنا (الدركسون في اليسار)

ونصيحة اخيرة بالنسبة للأنشطة

أبدوأ بزيارة الأماكن المفتوحة يعني(المزارع-الشلالات -الجبال)

وبعدين المتاحف والسبب (الوقت)لأن الأماكن المفتوحة تغلق تقريبا الساعة 6 يعني قبل مغيب الشمس لكن المتاحف

في الغالب تكون مفتوحة حتى الساعة 8 أو 9 حسب المواسم لأن في فصل الشتاء تقفل بدري

وبكذا راح تستغلون يومكم أفضل إستغلال (تناموا بدري وتصحوا بدري ياحلوين)

وهذة هي الأنشطة

الأنشطة في جيجو(طبعا الصور من النت علشان يكون لديكم تصور للمكان)

‏1-yeomiji botanical garden
‏http://www.yeomiji.or.kr/1_english/main/main.html









‏2-jusangjeollidae






‏3-jungmun tourist وهو منتجع ويمكن للزوار التجول في حديقته

http://english.visitkorea.or.kr/enu/...EN_9_2_1_1.jsp






‏4-JeJu World Cup stadium
ويمكنكم ركوب المنطاد بالقرب من الأستديوم





‏5-Daeyoo land
أرض ديه يو في وهي حديقة للمغامرة يمكنك ركوب الدراجات الرباعية في أرض طبيعية واسعة والقيام بالصيد والرماية بالمسدس والرماية بالطين والرماية بالبندقية





‏6-cheonjiyeon waterfall




‏7-Dolphine center marine park


‏https://english.visitkorea.or.kr:100...sp?cid=1987463






‏8-oedolgae
وهي صخرة محيطة بالصخور المدهشة و محاطة بالعديد من الجزر الجميلة وتم تصوير إحدى المسلسلات فيها




‏9-soesokkak
وهو مصب مائي وهذا المكان بالقرب من (jusang jeolli - ومنتجع جونجمون-وشلالات cheonjeyeon ) يعني ممكن يتم زيارتها في يوم واحد









‏10-O'sulloc museum
مزارع الشاي








11-قمة سيونج سان إيل تشول بونج (قمة شروق الشمس)





12-جبل وحديقة هالاسان الوطنية وهو أعلى جبل في كوريا الجنوبية وتوجد منطقة القمة بالإضافة الي مجموعة متنوعة من الحيوانات والنباتات

http://www.hallasan.go.kr/english/









13-متاهة(maze land)









‏14-Eco land منتزة ويوجد فيه فندق [emoji1360]
والمعلومات هنا[emoji1370]
‏http://www.ecoland.com.br/













15-الطريق الغامض ويدعى(Dokkaebi Road)
Mysterious Road
ويقع على تلة في سفح جبل ويربط بين اثنين من الطرق السريعةالرئيسية في جيجو










16-ركوب البوت السريع واليخت المعلومات هنا[emoji1370]

‏http://jejuvr.com/jejujet/index_m.ph










17- القلعة الزجاجية(glass castle)








قهر صح وصلنا عنده ومادخلنا[emoji17]



‏18-lightning museum

أعتقد يناسب الأطفال(ممتع لهم)







19-hueree park
يناسب الأطفال (إطعام الحيوانات)







20-مضمار سباق السيارات موجود بين الأحياء السكنية شاهدناه كدا مره




21-JeJu world automobile museum








بالإضافة للأماكن اللي زورناها

ولاتنسون تجربون البرتقال والسمك بما ان الجزيرة مشهورة بالحاجتين هذة

وللأمانة فيه مكان ماذكرته علشان ماينفع تزوروه[emoji850]

وبكذا أكون انتهيت من جزء جيجو

وأتمنى قدرت أغطي أهم الأنشطة فيها[emoji177]

المتاهه اللي كلها خضار
تذكرني بلعبة الحصن

وليش ما ذكرتي الجزء .. سفر بعد نبي الزين والشين > استقعد لها

عموما بإنتظار الجزء التالي


أرسلت بواسطة iPhone بإستخدام Tapatalk

إبداااااااع ياملاك ...

جيجو ومزاراتها ومعالمها وأنشطتها وتغطيتك الشاملة .. جعلت منها المسار رقم 2

لرحلة كوريا ...

أراها تستحق عدد من الليالي ... وبالنسبة للصور .. بالعكس تعطي التقرير

بُعداً جمالياً وتوضيحياً .. استمري على هذا النهج في تقريرك ..

دعواتي لك ..

ما قصرتي
نبي الزين بس
كنت مع الشباب وواحد قال أنه زار جيجو سأله اللي بجنبه ليش قال من أجمل الـ7 مدري جزر مدري مدن ما انتبهت له لكن بعدين جلست بجنبه
قلت كيفها قال تستاهل بقوه أنك تزورها لكن عيبها الأكل تذكرتك
الأسعار مناسبه
البلد هادئ
التعامل بالأشارات هو الوسليه بالبلد
استغل وسائل المواصلات المتاحه لأنه لحاله

اختصرتي كل الانشطة والاماكن اللي في الجزيرة
معلومات جدا رائعه وقيمة
ابدعتي يا ملاك

اليوم الحادي عشر

[emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254]

( العودة الى سيؤل)

ان شاء الله راح يكون هذا الجزء خفيف ولطيف من بعد التخمة اللي سببتها لكم في الجزء السابق

يوافق هذا اليوم 31 اغسطس صحينا بدري (كالعادة)وكملنا تجهيز الشنط طبعا كل شي كان

جاهز من الليل بس في أشياء تنحط باللحظة الأخيرة وخلصنا وكان لِسَّه باقي وقت على موعد (تشيك أوت )

وجلسنا نستمتع بالأجواء بين البلكونة والحديقة الخارجية

بلكونة الدور العلوي


















هذاااك مكتب الإستقبال واللي وراه مزرعة برتقال



















البلكونة في الدور الأرضي(خارج الفيلا)









جلسة موجودة بين الفلل













وعلى سيارتنا والى المطار





شايفين عامود الإنارة على شكل برتقال





رحلتنا تقلع الساعة 3 كان لِسَّه باقي وقت طويل على موعد الإقلاع لكن فضلنا نروح المطار من بدري تعلمنا درسنا من بعد ماطارت طيارتنا في احدى الرحلات الحمدلله انها كانت رحلة داخلية

للأسف ماصورت شي من المطار لكن سمعت ان السوق الحرة جدا حلو [emoji57]

وعلى طيارتنا (وتوكلنا على الله)









شوية لقافة






















وفي هذة اللحظة أكلنا مطب الله لا يوريكم والله إني حسّيت الطيارة هوت لتحت وبسرعة رجعت ثاني لفوق والغريب كل اللي موجودين على الطيارة كبار وصغار كانوا يضحكون وكأنهم موجودين في الملاهي[emoji45]









وقربنا نوصل لاحظت أغلب أسطح منازلهم لونها أخضر























وهبطنا ولله الحمد وهبوطه كان سيّء (الكابتن الجيد تعرفه من إقلاعه وهبوطه )[emoji1304]






أول مانزلنا من باب الطيارة لفحنا الهواء كان برد وأمطار قوية والجو بدأ يعلن عن دخول فصل الخريف الجميل في كوريا[emoji262][emoji262]

وأستلمنا شناطنا ولقينا السواق ينتظرنا وعالبيت

وصلنا شقتنا وارتحنا وصلينا طبعا أنا من قبل مانوصل سيؤل وانا مخططة نرجع نزور منطقة (ميونق دونق)

لأن المنطقة حبيناها بالأضافة اننا مشتهين وجبة دسمة وفي مكان كنت مخططة نزوره من قبل لانجي كوريا

وهو موجود في (ميونق دونق) وهذا المكان راح تعرفوه لمن نوصل عنده[emoji4]

تاكسي وعلى ميونق دونق ياسطى

وصلنا مطعمنا(زعفران)موجود تحت فندق (ibis )





صورة للمطعم في النهار





ماشاء الله كل اللي في المطعم من ربعنا وفي جلسات خاصة مغطية بالستارة نفس اللي في الصورة









طلباتنا








هذة كانت طلباتنا وأهم شي اذا زرتوا هذا المطعم أطلبوا شوربة العدس جدا لذيذة وطعمها غريب غير عن شوربة العدس المتعارف عليها وأكلتها ولاصورتها[emoji28]

وعلى فكرة المطعم فيه جلسات خارجية لمحبين (الشيشة)

والحمدلله الأكل جيد جدا والأسعار طبعا غالية

وعلى المكان اللي كنّا متحمسين نزوره(مقهى القطط)
وهذا المدخل والكوفي موجود في مبنى في الدور الثاني وعلى نفس هذا الشارع موجود مدخل المطعم الهندي وماكدونالدز وكنتاكي وكمان (دايسو)





مقهى القطط





قبل لاتدخلون تفسخون الشوز وتلبسون سليبرس موفرينه لكم وكمان يعقمون يدكم





























لوحة تعريفية عن أسماء القطط





















وهذا المنيو









هذة طلباتنا













حبيتها (كيوت)

















لو حابين تشترون شي لقططكم

































أعتقد في هذا الجزء عوضتكم عن كل الحيوانات اللي ماصورتها[emoji23]

وباي باي(cat cafe)





المكان صغير وأحلى شي كان فاضي مافي غيرنا أخذنا راحتنا وجدا استمتعنا وماكان ودنا نطلع بس الوقت تأخر وحان موعد الإغلاق


هذا هو الشارع اللي فيه الكافيه ومدخل المطعم









هذة الصورة حطيتها في جزء ميونق دونق السابق بس راح أنزلها مرة ثانية علشان اوريكم (دايسو) نسيت ماأذكره لكم خفت ماتتعرفون عليه وحتى باسكن روبنز شكلة غير عننا علشان مكتوب بلغتهم

اللي لوحته حمراء موجود عاليمين









لو تكبروا هذة الصورة راح تشوفوا اسم فندق(solaria) واضح ان موقعة حلو













شاورما حلال إِيش تبون بعد









تقاويم عليها صور نجوم k-pop يعني المغنين والفرق الموسيقية





وعلى البيت نوقف تاكسي













قبل لا أختم هذا الجزء وبما ان هذا اخر مرة نزور منطقة (ميونق دونق )

حبيت أتكلم عن منتجات العناية بالبشرة طبعا في كوريا كلها منتشرة محلات بيع منتجات العناية بالبشرة

لكن في منطقة ميونق دونق يوجد الكثييييير منها وطبعا الكوريين معروفين بمدى اهتمامهم

وجمال بشرتهم سواء كانوا رجال او نساء (ماشاء الله وجيههم تلق )طبعا الإهتمام والأكل وبعدين لاحظت حرصهم على الذهاب الى (الساونا)كل فترة .

نرجع لمنتجات العناية بالبشرة يامعشر النساء لا أوصيكم اللي تقدروا عليه أشتروه[emoji51]
أول شي الأسعار أرخص من عندنا وعندهم عروض كثييير حلوة يعني ممكن تلاقي 10حبات (ماسك)مع بعض الكريمات كذلك كم حبة مع بعض وأسعارهم حلوة وغيره

بالإضافة ان التسويق والعرض عندهم حلو يعني ممكن تشتري منتج لمجرد ان شكله حلو وطبعا كلها من صناعتهم

وبما اننا جالسين نتكلم عن التسويق والعرض الكافيهات في كوريا جدا متنوعة وجميلة وعندهم طريقة لجذب الزبائن

مثل كافية القطط اللي زرناه بالإضافة الي كافيهات أخرى مميزة

وبإذن الله راح أكتب بعد هذا الجزء عن الكافيهات المميزة في سيؤل

ونراكم إن شاء الله في الجزء ماقبل الأخير [emoji177]