فزعتكم الله يسعدكم - الصفحة 2

Azzam · 11-02-2015, 02:05 PM

ما قصور الاخوان الله يعطيهم العافية واعطوك خيرات اكثر وكل الخيارات ممتازة يبقى الان هو اختيارك انتي يا غالية

والاخوان ما راح يقصور معك في اي شي تحتاجية من الاف الي الياء

وكلي الله وحددي المخطط والباقي سهل ان شالله

حبْر · 14-02-2015, 12:23 AM

الظاهر اني جيت متأخر
لكن مايمنع نشارككم
حددي اختي الكريمة ونحن بالانتظار

متفائله · 15-02-2015, 01:34 AM

اقتباس : المشاركة الأصلية كتبت بواسطة almatrook_mn

اختي متفائله ....

نصيحتي الك قبل لا تأخذي مشورة الأعضاء ... خذي فكرة بالقراءة عن اغلب المدن ... عشان تحددي حسب الشي الي انتي تحبيه

اهم مدن النمسا :- فيينا وسالزبورغ وزيلامسي

فيينا:- عاصمة البلد وفيها الكثير من الأسواق والقصور وفيها مدينة العاب حلوه .( بالنسبة الي 3 أيام كافيه لها)

سالزبورغ :- مدينه صغير فيها أسواق جميله وقلعه وقصر ... وحولها أماكن طبيعية تسحر العين من حلاها من رايي ان يومين كافيه لها

زيلامسي و كابرون :- قرى ريفيه شبه خاليه من الأسواق لكن فيها طبيعة ترد الرووووح .. شيء خيالي بجد ( انا سكنتها 4 أيام ... لكن الشهاده لله أسبوع ما يكفيها من كثر الأماكن الي حولها )

لو انا عندي مثل اياماك بقسمها 3فيينا و 2 سالزبورغ و4 زيلامسي و 3 باريس ( طبعا هذا كان جدولي السنه الماضية لكن زياده عليه رحت ميونخ وقارمش ) وكانت رحلتي في نفس توقيتك بالضبط يوم الوصول كان 20-4-2014

لكن ركزي انك تقرأي عن المدن بنفسك وتحددي الأشياء الي تعجبك ... واحنا حاضرين نساعدك في الأماكن السياحية والفنادق . ( كمثال ان راي الأعضاء مو لازم يكون مطابق لرأيك . اشوف انك متحمسة لميلان لكن انا ما حبيتها ابد لان كل الي فيها أسواق)

بالنسبه لباريس ... فيها ديزني لاند شي خرااااااافي ... بجد شي ما يتفوت ابد والكل بيستمتع فيها انتي وزوجك والطفل

بالنسبه للغله ... عادي دام موجود انجليزي خفيف بتمشي امورك زي الروب

شكرا على هذا الرد استفدت منك كثير جزاك الله خير
ياليت تفيدوني بالفنادق وارغب بالسكن بالاكواخ
الله يسعدك

متفائله · 15-02-2015, 01:37 AM

اقتباس : المشاركة الأصلية كتبت بواسطة qa6ar911

مرحبا اختي متفائله

نفس ماقالو الاخوان بخصوص النمسا والمدن المذكوره

بس اذا قررتي تروحين باريس الافضل طيران
وبالنسبه اذا ايطاليا تروحين من زيلامسي الى فينيسيا ومنها الى ميلانو طريق العوده
بس المسافه راح تكون من زيلامسي - كابرون الى فينيسيا
بالسياره 5 ساعات بمسافه 350 كيلو

يعني مخطط سيركم المبدئي

المخطط الاول :

الوصول فيينا والجلوس فيها يومين
وبعدها الى سالزبورغ والجلوس فيها يومين
وبعدها زيلامسي او كابرون والجلوس فيها 5 ايام
وبعدها فينيسيا والجلوس فيها يوم واحد
واخيرا ميلانو والجلوس فيها يومين
ومن ثم العوده الى الوطن

المخطط الثاني :

نفس المخطط الاول بخصوص النمسا مع تغير بسيط جدا في مدن النمسا

فيينا يومين
زيلامسي 5 ايام
سالزبورغ يومين

على اساس من مطار سالزبورغ تطلعون على باريس

بالنسبه للطيران من سالزبورغ الى باريس مافي دايركت

يا تروحون على الطيران النمساوي وترانزيت في فيينا
او تروحون على طيران لوفتهانزا والطيران الاقتصادي اير برلين ويكون ترانزيت في فرانكفورت

اذا ماتبغون ترانزيت الحل يكون
يا ان تخصصون ليله حق ميونخ القريبه من سالزبورغ

تكون رحلتكم كالتالي
من بلدكم الى ميونخ وبعدها سالزبورغ وبعدها زيلامسي واخيرا فيينا
ومن فيينا دايركت على باريس

وبالتوفيق

جزاك الله خير على ردك الاكثر من رائع استفدت كثير
الله يسعدك

متفائله · 15-02-2015, 01:39 AM

اقتباس : المشاركة الأصلية كتبت بواسطة Azzam

ما قصور الاخوان الله يعطيهم العافية واعطوك خيرات اكثر وكل الخيارات ممتازة يبقى الان هو اختيارك انتي يا غالية

والاخوان ما راح يقصور معك في اي شي تحتاجية من الاف الي الياء

وكلي الله وحددي المخطط والباقي سهل ان شالله

شكرا لك الله يسعدك اول مااحجز الطيران ان شاء الله بكتب وين وجهتي علشان استفيد منكم اسماء للسكن والاماكن

متفائله · 15-02-2015, 01:41 AM

اقتباس : المشاركة الأصلية كتبت بواسطة حبْر

الظاهر اني جيت متأخر
لكن مايمنع نشارككم
حددي اختي الكريمة ونحن بالانتظار

شكرا لك ماتقصر بااذن الله اول مااحجز واحدد وجهتي بكتب علشان استفسر عن السكن والاماكن الي ازورها شكرا لكم الجميع ماقصر

متفائله · 21-02-2015, 09:15 PM

[QUOTE=qa6ar911;40804]مرحبا اختي متفائله

تكون رحلتكم كالتالي
من بلدكم الى ميونخ وبعدها سالزبورغ وبعدها زيلامسي واخيرا فيينا
ومن فيينا دايركت على باريس

السلام عليكم
اعجبني كثيرا هذا لكن هل تقترحون الغي باريس او لا
لاني احاف يكون فيها ارهاق من كثر التنقلات

حبْر · 27-02-2015, 01:51 AM

على حسب عدد ايامكم
اشوف انكم تلغون باريس

blue@sky · 28-02-2015, 12:23 PM

بالتوفيق لرحلتكم القادمة والاخوان ما راح يقصرون معكم اهم شي التواريخ لعدد الايام مهمه حتى يضع لكم مخطط وبالنسبة لفيينا فيها اماكن جميلة تستحق الزيارة كقصر الشامبرونق شارع استيفن للتسوق
وتستحق 3 ايام يكفي كقصر الشامبرونق يحتاج يومين زيارة
https://www.google.com.sa/maps/place...e4ea8bc9?hl=en

متفائله · 02-03-2015, 03:47 PM

السلام عليكم
الغيت فرنسا
انا حابه ازور فيينا وزيلامسي -كابرون ميونخ
ابغى ترتبون لي الجدول الله يسعدكم
عدد الايام 12يوم من غير الذهاب والعوده
حابه ازور ملاهي يورب بارك
الرحله راح تكون نهاية شهر 7بااذن الله
جزاكم الله خير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عندي مشكله واحتاج الرد بأسرع وقت الله يسعدكم	Adwaa	فيزا بريطانيا	3	05-07-2015 02:24 AM
الله يسعدكم استشارة ع السريع ..	nora	بوابة النمسا	5	04-06-2015 07:46 AM
مساعده لبرنامج شهر عسل ربي يسعدكم	smart1122	بوابة النمسا	8	07-05-2015 12:47 AM
الله يسعدكم رشحو لي فندقين بالسلطان احمد	متفائله	تركيا	17	04-05-2015 01:47 PM