السلام عليكم اعضاء فرنسا الكرام:

انا سالت الكثير من الاسئله في هذا المنتدى عن فرنسا ودزني لاند ومن بعد عودتي قلت في نفسي اقل ما يمكن انه اكتب موضوع صغير قد يفيد بعض المسافرين في المستقبل
انا رحلتي كانت في تاريخ 10-9-2016 الى 17-9-2016 وكانت اقامتي في فندق ماجيك سيركس ..
1- قبل لا اسافر انا طلبت شريحتين للجوال وحده لي ووحده لزوجتي من شركه اتصالات فرنسيه ووصلوها لي الى الكويت عن طريق ارامكس وعبيتهم وفعلتهم وفعلت خدمه الداتا من الكويت، يعني بس طبت الطيار المطار انا كنت استمتع بخدمه النت والاتصالات

2- كذلك من الكويت اشتريت تذاكر دزني لاند عن طريق موقعهم باستخدام الفيزا وخذيت تذاكر 3 ايام بسعر يومين .. يعني تمتعت بدوني لمده 3 ايام

3- من الكويت تواصلت مع شركه عشان ياخذوني من المطار الى الفندق بسعر 70 يورو للذهاب و 70 يورو للعوده وكانت السياره باص صغير ونظيف واحنا كان عددنا 5 مع 5 شنط كبيره.

4- فندق ماجيك سيركس تعيس بمعنى الكلمه لكن لا حول ولا قوه تحملنا الفندق لعدة اسباب الا وهيا انه طول اليوم نكون بره وكان مجرد للنوم والسبب الاهم انه الخدمه على قد المبلغ الي دافعه للفندق والسبب الاخر كل فنادق دزني مستواهم نفس الشي يعني لا تتوقع الافضل الا فنادق دزني نفسها.

5- الفندق يمر فييه الباص وياخذك من والى دزني مجانا من الصباح والى الساعه 11 ليلا لكن عيبه انه ما يوديك على طول لازم يوقف عند 3 فنادق ينزل وياخذ ركاب والباص كذلك لازم تنحشر فيه لانه مزحوم.

5- من الفندق يطلبون لك باص صغير ياخذك من الفندق الى الاوت لت والاوت لت نفسه ملاصق فييه سووق كبير تقدر تشتري فيه كل شي وخصوصا اغراض الجمعيه مثل الماء والشيبس واشياء الي تحتاجها وسعر التوصيله ثابت 5 يويرو للكبير و 2 يورو للاطفاال ((السعر للذهاب والعوده)) يعني بس تدفع مره وحده ووقت العودة ترد الفندق مجانا.

6- الذهاب من منطقه دزني الى الشانز جدا سهل تركب القطار الي في محطه دزني وياخذك الى باريس نفسها طبعا راح يوقف في كذا محطه وما عليكم الا النزول في محطه الصحيحه
بصيغه ملخصه : تروحون محطة دزني ونطلب تذاكر الذهاب الى باريس وبعدها تنزلون الى قطا اسمه RER A وتركبونه والمحطات المهمه هم:
محطه Auber للذهاب الى غاليري لافاييت
محطه Charles De Gulle Etoil للذهاب الى الشانز
محطه La defance للذهاب الى مول كبيير

واتمنى بالاخير ان تكون هذه النقاط الصغيره مفيده لبعض المسافرين.

Sent from my SM-G935F using Tapatalk

شكرًا لك على ذكر تجربتك الي أكيد راح تفيد الكثير
لفتني سعر التاكسي ممتاز لعددكم
ممكن توضح لنا اكثر عن الفندق عيوبه الي أزعجتك

ينقد للقسم المختص

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

بالنسبه للشركه الي تعاملت معاها هذا موقعهم www.ezyshuttle.com
وتقدر تحجز من بلدك وتدفع عند التوصيل وطريقه الحجز مجرد اني بعثت لهم ايميل

بالنسبه للفندق
لا يصلح للذهاب اليه بالصيف لانه تكييفه سيء سيء والغرف تكون حاره ولما تبلغ الريسبشن يقولولك تبي مروحه نحطلك
وكذلك طاقم الفندق غير متعاون بالمره
والشنط مافي احد يساعدك في نقلهم الى الغرفه او الى السياره عند الخروج لازم الشخص بتفسه ينزل تخت ياخذ ترولي ويحمل اغراضه ...

Sent from my SM-G935F using Tapatalk

شكرًا على ذكر التجربة والملاحظات

ونكون من الشاكرين اذا هناك تقرير شامل ليستفيد غيرك من تجربتك

تقبل احترامي

وعليكم السلام
شكرا لك علي ذكر النقاط
ما هي الشركه اللي استعملت شريحتهم
كيف خدمتهم

يعطيك العافيه اخوي كناري
فنادق المنطقه كلهم نفس الشي
ونفس الخدمات
واحنا بعد سكنا بماجيك سيركس
طريقة اخذ الشنط من الغرفه اهم نزلوهم لنا بالترولي

الباص نفس الشي بيمر على كل الفنادق للتوصيل لدزني

يعطيك العافيه على ذكر تجربتك وحتى القطار ممكن تحجزه من النت وانت بالديره
ياريت حاط لنا صور نستانس ونعيد الذكريات
شكراااا لك لذكر تجربتك

شكرا جزيلا

جيد جداً بس عندي سوال ، كيف اعرف اوقات العروض في ديزني من عروض مسرحية او مسيرة

يعطيك العافيه